ചിങ്കാരി 9 [Shana] 424

കേൾക്കുന്നുണ്ടെന്നറിയിക്കാൻ പിന്നെ ഉരുണ്ട് കേറി വരും .. അവളുടെ അനക്കങ്ങള്‍ അറിയുമെങ്കിലും സിദ്ധു സംസാരിക്കുമ്പോള്‍ അവള്‍ കുറച്ചുകൂടി ഉഷാറാകും. മോളെ കിട്ടാനുള്ള കാത്തിരിപ്പിന് വല്ലാത്ത സുഖമായിരുന്നു. ഓരോ ദിവസവും എണ്ണിയെണ്ണി ഞാനും സിദ്ധുവും കാത്തിരുന്നു.

പ്രേഗ്‌നെന്‍സിയില്‍ കോംപ്ലിക്കേഷന്‍സ് ഉണ്ടായിരുന്നത് കൊണ്ട് പറഞ്ഞ ഡേറ്റിനും രണ്ടുദിവസം മുന്നേ അഡ്മിറ്റ് ചെയ്തു. ഒരാഴ്ച ലീവ് എടുത്ത് സിദ്ധു ഒപ്പം നിന്നു. പിറ്റേന്ന് രാവിലെ ബാത്‌റൂമിൽ പോകുമ്പോൾ കാലിലൂടെ വെള്ളം പോലെ ഫ്‌ലൂയിഡ് ഒലിച്ചിറങ്ങിയപ്പോൾ അപ്പോ തന്നെ ലേബർ റൂമിലേക്ക് മാറ്റി. രാവിലത്തെ കോഫി വാങ്ങാൻ പുറത്തുപോയ സിദ്ധു തിരിച്ചു വരുമ്പോൾ എന്നെ കേറ്റിയതറിഞ്ഞു ടെൻഷൻ അടിച്ചു നടപ്പായി എന്നെക്കാളും ടെന്‍ഷന്‍ അവനായിരുന്നു. അമ്മമാര്‍ പ്രാര്‍ത്ഥനയോടെ കാത്തു നിന്നു. കുറേ നേരത്തെ കാത്തിരിപ്പിനു ശേഷം നോര്‍മല്‍ ഡെലിവറി സാധിക്കാതെ സിസേറിയന് കൊണ്ടുപോകുമ്പോള്‍ സഹിക്കാന്‍ പറ്റാത്ത വേദനക്കിടയിലും സിദ്ധുവിനെയാണ് നോക്കിയത്.

വേദന താങ്ങാൻ ആവാതെ കരഞുവീർത്ത മുഖവും നീരുവെച്ച ശരീരവും ആകെ കരുവാളിച്ച കോലവും കണ്ടു എല്ലാരും ഭയപ്പെട്ടു… വേദനയുടെ കാഠിന്യത്തിൽ ഇടക്കിടക്ക് ബോധം മറയുന്നുണ്ടായിരുന്നു. സ്ട്രക്ചറിൽ ഓപ്പറേഷൻ റൂമിലേക്ക് കൊണ്ടുപോവുമ്പോൾ കരഞ്ഞുകൊണ്ടാണ് ഓപ്പറേഷൻ തീയറ്ററിന്റെ മുന്നിൽ വരെ അവൻ വന്നത്… തന്റെ കൈകള്‍ കൂട്ടിപ്പിടിച്ചു ഒന്നുമില്ലെന്ന് പറയുമ്പോഴും സിദ്ധുവിന്റെ മിഴികള്‍ നിറഞ്ഞു തൂവുന്നുണ്ടായിരുന്നു. മൂർദ്ധാവിൽ ചുംബിച്ചു അകത്തേക്ക് കയറ്റുമ്പോൾ അവന്റെ കണ്ണുനീർ മുഖത്തേക്ക് വീണത് അറിയുന്നുണ്ടായിരുന്നു.ഓപ്പറേഷൻ പെട്ടന്ന് തീരുമാനിച്ചപ്പോൾ ബ്ലഡ് റെയർ ഗ്രൂപ്പ്‌ ആയത്കൊണ്ട് പിന്നെ കുറച്ച് അലയേണ്ടി വന്നു. അകത്തു പാതിബോധത്തിൽ വേദന താങ്ങാനാവാതെ പെട്ടെന്ന് ഞെരിപിരി കൊണ്ടപ്പോൾ ഒരുവേള താഴെ വീണുപോകുമോ എന്ന് ഭയന്നുപോയി.. കവിളിൽ തട്ടി വിളിച്ചു കൊണ്ട് അനസ്‌ത്യേഷ്യ ചെയ്യുമ്പോൾ അറിയുന്നതല്ലാതെ പ്രതികരിക്കാൻ കഴിഞ്ഞില്ല. അത്രത്തോളം തളർന്നു പോയിരുന്നു.

സിസേറിയൻ കഴിഞ്ഞു മോളാണെന്ന് പാതിമയക്കത്തിലും ഡോക്ടർ പറയുമ്പോൾ അതുകേട്ട് മിഴികൾ വലിച്ചു തുറന്നു. മോളുടെ കരച്ചിൽ കേട്ടപ്പോൾ തന്റെ മിഴികൾ നിറഞ്ഞൊഴുകി മുഖത്തോട്ട് അടുപ്പിച്ചപ്പോൾ ഒരു കുഞ്ഞു മുത്തം ആ കവിളിൽ കൊടുത്തു. ആ സമയത്തെ വികാരം പറഞ്ഞറിയിക്കാൻ പറ്റില്ല. പിന്നെ വീണ്ടും ഒരു മയക്കിലേക്ക് വീണു. സിദ്ധു ഇടക്ക് കാണാൻ വന്നു തട്ടി വിളിച്ചതും ചുംബിച്ചതുമെല്ലാം അറിയുന്നുണ്ടായിരുന്നു… പക്ഷേ രാവിലെ മുതൽ അനുഭവിച്ച വേദനയുടെ കാഠിന്യം തളർച്ചയിൽ എത്തിച്ചിരുന്നു

മോളെ കിട്ടിയ അന്നുമുതല്‍ വേറൊരു ലോകത്തായിരുന്നു. സിദ്ധുവിനു കുശുമ്പായിരുന്നു അവനെ ശ്രദ്ധിക്കുന്നില്ലന്നു പറഞ്ഞു. അവള്‍ വന്നേപ്പിന്നെ ഓര്‍മയിലെ പലതും ചിന്തിക്കാന്‍ പോലും സമയമുണ്ടായില്ല. കഴിഞ്ഞ മാസം കോളേജില്‍ കേറും വരെ അവളെ വിട്ടു ഒരു നിമിഷം മാറിയിരുന്നില്ല. പുറമെ കര്‍ക്കശ സ്വഭാവം എടുത്താലും ഉള്ളില്‍ സ്‌നേഹക്കടല്‍ ആര്‍ത്തിരമ്പുന്നുണ്ടായിരുന്നു. അവളെ ആണ് ഇന്ന്…….