ചിങ്കാരി 6 [Shana] 541

“നിനക്കെന്താ പറ്റിയത് , നീയെന്താ ഇങ്ങനെ ”
അച്ചു അവളുടെ അവസ്ഥകണ്ട് സങ്കടത്തോടെ ചോദിച്ചു

“അതൊക്കെ വിധിയാണ് അച്ചു. പറഞ്ഞാല്‍ തീരില്ല ,ഇത്രയും കാലം നോക്കി വളര്‍ത്തിയ വീട്ടുകാരെ തള്ളിക്കളഞ്ഞു ഇന്നലെ കണ്ട ഒരുവനൊപ്പം വന്നതിനു ദൈവം തന്ന ശിക്ഷ അത്രേം കരുതിയ മതി “അവള്‍ വേദനയോടെ പറഞ്ഞു

“നീ ആരോടും പറയാറില്ലേ, വീട്ടില്‍ അമ്മായിയെ വിളിക്കാറില്ലേ ”

“ഞാനായിട്ടുപേക്ഷിച്ച ബന്ധമല്ലേ, ആരോടും പരാതിപറയാന്‍ നില്‍ക്കാറില്ല ”

“എങ്കിലും … നീ, വാ നിന്റെ വീട് എവിടാ നമുക്ക് അങ്ങോട്ട് പോകാം ഈ കോലത്തില്‍ ഒറ്റക്ക് പോകണ്ട ”

“വേണ്ട അച്ചു , ഇതൊക്കെ ശീലമായി, കുറച്ചു പൈസ അത്യാവശ്യം ഉണ്ടായിരുന്നു മക്കളുടെ ഫീസ് അടക്കാന്‍ ഉണ്ടായിരുന്നു താലിമാല പണയം വെക്കാന്‍ വന്നതാ ഇപ്പോ ആ കാശ് മേടിച്ചു കള്ളുകുടിക്കണം അതിന്റെ ബഹളമാ നീ കണ്ടേ ”

“പോട്ടെ നീ ഇനി അതോര്‍ത്ത് വിഷമിക്കണ്ട, ഞാന്‍ വീട്ടില്‍ ആക്കിത്തരാം നിന്റെ മക്കളെയും കാണാല്ലോ ”

“വീടൊക്കെ മോശമാ അച്ചു നീ വരണ്ട ” അവള്‍ അച്ചുവിനെ തടഞ്ഞുകൊണ്ട് പറഞ്ഞു

“എത്ര മോശമാണെങ്കിലും ഞാന്‍ വരും ”
അതും പറഞ്ഞു പോയ അച്ചു കാറുമായി വന്നു.. നിവര്‍ത്തി ഇല്ലാത്ത കൊണ്ട് മീര അവള്‍ക്കൊപ്പം കേറി

“അച്ചു നീ ഇവിടെങ്ങനെ വന്നു ”

“ഞാന്‍ ഈ കോളേജില്‍ പഠിപ്പിക്കുവാ, ജോയിന്‍ ചെയ്തിട്ട് ഒരുമാസം ആയുള്ളൂ ”

“”മാമനും അമ്മായിയും ചേച്ചിമാരുമൊക്കെ

“ചേച്ചിമാരുടെ വിവാഹം കഴിഞ്ഞു , അച്ഛനും അമ്മയും എനിക്കൊപ്പം ഉണ്ട് ”