ചിങ്കാരി 6 [Shana] 541

അച്ചുവിന്റെ കാര്‍ കോളജ് കവാടം കടന്നു റോഡിലേയ്ക്കിറങ്ങിയതും അപ്പോള്‍ അവിടെ കണ്ട കാഴ്ച അവളെ ഞെട്ടിച്ചു ഒരുനിമിഷം സ്തബ്ധയായി നിന്നെങ്കിലും അവള്‍ വണ്ടി ഒതുക്കി നിര്‍ത്തിയിട്ട് അവിടേക്ക് ഓടിയടുത്തു.

ഒരു പുരുഷന്‍ റോഡിലിട്ട് ഒരു സ്ത്രീയുടെ ബാഗ് തട്ടിപ്പറിക്കാന്‍ നോക്കുന്നു കുറച്ചുപേര്‍ കാഴ്ചക്കാരായി ചുറ്റിലുമുണ്ട് പലരും ഫോണില്‍ അത് വീഡിയോ എടുക്കുന്നുണ്ട് അവള്‍ അവരെ പിടിച്ചുമാറ്റാന്‍ ശ്രമിച്ചു

“ടേ വിടടോ, വിടാനല്ലേ പറഞ്ഞത് മാറി നിന്നേ ഞാനിപ്പോള്‍ പോലീസിനെ വിളിക്കും.. “ശബ്ദം കേട്ട ഭാഗത്തേയ്ക്കു ഒരാശ്രയത്തിനെന്നോണം നോക്കിയ ആ സ്ത്രീ ഞെട്ടി.

പോലീസ് എന്ന് കേട്ടിട്ടാവാം അയാള്‍ കുറച്ചൊന്നടങ്ങി എങ്കിലും വായില്‍ തോന്നിയതൊക്കെ വിളിച്ചുപറയുന്നുണ്ട് പിന്നിയ സാരി പിടിവലിക്കിടയില്‍ കീറിയിട്ടുണ്ട് അവര്‍ അതു മറച്ചുവെക്കാന്‍ നോക്കുവാണ്
മുഖത്തു മുടിയെല്ലാം പാറിപ്പറന്നു അവ്യക്തമാണ്

“ചേച്ചി ഈ വെള്ളം കുടിക്കു , എന്താ പ്രശ്‌നം ആരാ അയാള്, ഞാന്‍ പോലീസിനെ വിളിക്കട്ടെ ”

“വേണ്ട അച്ചു അയാളെന്റെ ഭര്‍ത്താവാണ്, ഇത് സ്ഥിരം ഉള്ളതാ, ശീലമായി ” പതിഞ്ഞ സ്വരത്തില്‍ മുഖത്തു നോക്കാതെ അവര്‍ അവളോട് പറഞ്ഞു

തന്റെ പേരെടുത്ത് വിളിക്കുന്ന കേട്ടപ്പോള്‍ അച്ചു ഞെട്ടി പരിചിതമായ ശബ്ദം ഓര്‍മകളിലേക്ക് അവള്‍ പരതി, അവള്‍ അവരുടെ മുഖം സൂക്ഷിച്ചു നോക്കി,

“മീര, നീ നിയണോ “അവള്‍ അമ്പരന്നു ചോദിച്ചു

“മ്മ് “ഒരു മൂളല്‍ മാത്രമായിരുന്നു മറുപടി.. അവള്‍ തലകുനിച്ചു.