ചിങ്കാരി 6 [Shana] 541

“അത് അന്ന് ഞാൻ അമ്മക്ക് ഒരു ഷോക്ക് കൊടുത്തതല്ലേ , പിന്നെ വേറൊരു കാര്യവും ഉണ്ട് എനിക്കൊരു കൊച്ചിനെ ഇഷ്ടമാണ് ഞങ്ങൾ രജിസ്റ്റർ മാര്യേജ് ചെയ്തു . കുറച്ചു നാളായി, അറിഞ്ഞാൽ അമ്മ സമ്മതിക്കില്ല , പിന്നെ മീര പോയതോടെ അമ്മയുടെ കണ്ണുകൾ എനിക്ക് പിറകെ ഉണ്ടാകും അതിനു മുന്നേ ഒരു മുൻ‌കൂർ ജാമ്യം എടുക്കാനല്ലേ നിന്നെ മുന്നിലിട്ട് കൊടുത്തത്. ” അവൻ അവരെ നോക്കി ചിരിച്ചു.

അതുൽ പറയുന്നത് കേട്ട് അച്ചുവും അജിയും ഒരുപോലെ ഞെട്ടി . കരഞ്ഞുകൊണ്ടു നിന്ന അച്ചുവിൻ്റെ വാ പൊളിഞ്ഞു പോയി.

” ചേട്ടാ സത്യമാണോ, എനിക്ക് വിശ്വാസം വരുന്നില്ല , ” അജി പറഞ്ഞു

” അതെന്താടാ എനിക്ക് പെണ്ണുകിട്ടില്ലേ ” അതുൽ അവനെ തറപ്പിച്ചു നോക്കി.

“എന്നാലും വിശ്വസിക്കാൻ വയ്യ ഏട്ടാ , ഏട്ടനും കൂടി അമ്മായിയെ തേച്ചല്ലോ. സ്വന്തം മക്കടെ കല്യാണം കാണാൻ യോഗം ഇല്ലാതെ പോയല്ലോ” അച്ചു ചിരിച്ചുകൊണ്ട് പറഞ്ഞു .

“അല്ല ചേട്ടാ ആരാ ആള് , ഞങ്ങൾ കണ്ടിട്ടുണ്ടോ , ഫോട്ടോ കയ്യിലുണ്ടോ, എന്നായിരുന്നു സംഭവം ” അജി നിർത്താതെ ചോദിച്ചു. അച്ചു ആകാംഷയോടെ നിന്നു.

” പതുക്കെ ചോദിക്ക് പണ്ടാരങ്ങളെ.. ഞാൻ പറയാം, പക്ഷേ,പുറത്തു ആരും അറിയരുത് അത്രക്കും കഷ്ടപ്പെട്ടാ രജിസ്റ്റർ ചെയ്തേ എന്റെ കൂട്ടുകാർക്കു മാത്രമേ സംഭവം അറിയാവൂ ”

” ആദ്യം കാര്യം പറ ചേട്ടാ .. പെണ്ണ് ഏതാ.. ബാക്കിയൊക്കെ പിന്നെ ” അജിയുടെ ക്ഷമ നശിച്ചു

” നിങ്ങൾക്കൊക്കെ ആളെ അറിയാം , മാത്യുസിച്ചായന്റെ മോള് സെലിൻ ”