ചിങ്കാരി 6 [Shana] 541

“അല്ല മോളെ ഒരു സംശയം , നീ പരീക്ഷയെഴുതാന്‍ തന്നാണോ പോകുന്നത് , കുറച്ചു മുന്‍പ് വെയിറ്റ് കൂടിയെന്നു പറഞ്ഞ് ബഹളം വെച്ച നീ തന്നാണോ ഇതു ”

“അച്ഛാ കാര്യം വെയിറ്റ് കൂടുന്നതില്‍ സങ്കടമുണ്ട് പക്ഷേ ഇതുപോലത്തെ അവസരം പിന്നെ വീണുകിട്ടില്ല , അമ്മയുണ്ടങ്കില്‍ ഒന്നും വാങ്ങിക്കാന്‍ സമ്മതിക്കില്ല , ഇതു മാത്രം പോര ട്രെയിനില്‍ കേറുമ്പോള്‍ മസാല ദോശയും ബ്രെഡ് ഓംലൈറ്റുംകൂടി വാങ്ങിത്തരണം…”

“മോളേ നീ എന്റെ പോക്കറ്റ് കാലിയാക്കാന്‍ ഉറപ്പിച്ചാണോ ഇറങ്ങിയത് അച്ഛൻ ദയനീയമായി അവളോടു ചോദിച്ചു…”

“അതിനു ലിസ്റ്റ് തുടങ്ങിയല്ലേ ഉള്ളൂ ,ഇനി എന്തൊക്കെ കിടക്കുന്നു ,അച്ഛന്‍ സമാധാനമായി ഇരിക്ക് പതുക്കെ..പതുക്കെ..ഞാന്‍ ചോദിക്കൂ ”

അതോടെ അച്ഛന്റെ വാ അടഞ്ഞു , പിന്നെട്രെയിന്‍ വരും വരെ അവരൊന്നും മിണ്ടിയില്ല. ട്രെയിന്‍ വന്നപ്പോള്‍ തന്നെ അച്ചു ആദ്യം ചാടിക്കേറി… സീറ്റ് നമ്പര്‍ നോക്കി ഇരിക്കാന്‍ പോയപ്പോള്‍ അവള്‍ക്ക് നടുക്കത്തെ സീറ്റായിരുന്നു കിട്ടിയത് ,അറ്റത്തെ സീറ്റില്‍ പ്രായമായ ഒരാളായിരുന്നു ഇരുന്നത് , അവള്‍ അയാളെ തോണ്ടി വിളിച്ചു

“അങ്കിള്‍ അങ്കിള്‍, എനിക്ക് ആ സീറ്റ് തരുമോ പ്ലീസ്.. ”

അയാള്‍ അവളെ നോക്കി ചെറുതായി പുഞ്ചിരിച്ചു

“മോളെ എനിക്ക് ഈ സീറ്റ് ആണ് കൂടുതല്‍ ഇഷ്ടം.. ”

“പ്ലീസ് അങ്കിള്‍ , എനിക്ക് കുറേ കാഴ്ചകളൊക്കെ കാണാനാ , ഞാന്‍ ആദ്യമായാ ട്രെയിനില്‍ കേറുന്നത് ,ഇതുവരെയും ഇതില്‍ യാത്ര ചെയ്തിട്ടില്ല..

”

അച്ചു പറയുന്ന നുണ കേട്ട് അച്ഛൻ ഞെട്ടി അവളെ നോക്കി , അവള്‍ ഒരു കണ്ണ് ഇറുക്കി കാണിച്ചുകൊണ്ട് വീണ്ടും അയാളോട് കെഞ്ചി

“അങ്കിള്‍ പ്ലീസ് അങ്കിള്‍…”

“ഞാന്‍ ആര്‍ക്കും സൈഡ് സീറ്റ് മാറിക്കൊടുക്കാറില്ല, മോളിത്രയും പറഞ്ഞകൊണ്ടാ ആദ്യായിട്ട് കേറുന്നതല്ലേ ഇവിടെ ഇരുന്നോ.. ”