ചിങ്കാരി 6 [Shana] 541

അച്ഛന്റെ കൂടെ എക്‌സാം എഴുതാന്‍ പോകാന്‍ തയ്യാറായി, അപ്പോഴാണ് അജിയുടെ കാള്‍ അവള്‍ക്ക് വന്നത് 

“ടി നീ ഇറങ്ങിയോ..?? ”

 

“ഇല്ലടാ ഇറങ്ങാന്‍ പൊന്നുള്ളു, എന്തെ നീ തീരുമാനം മാറ്റിയോ വരുന്നുണ്ടോ ”

 

“ഇല്ലടി നിനക്ക് ഒരു ഓൾ ദി ബെസ്റ്റ് പറയാൻ വിളിച്ചതാ, നന്നായിട്ട് അറ്റന്‍ഡ് ചെയ്യണേ.. ”

 

“പോടാ അലവലാതി, നിന്റെ കാള്‍ കണ്ടപ്പോള്‍ നീ വരുമെന്നു സന്തോഷിച്ചു, പിന്നെ നീ വെറുതെ തന്നതല്ലേ കയ്യിലിരിക്കട്ടെ, താങ്ക്‌സ് ഒന്നും പറയുന്നില്ല , അപ്പോ വന്നിട്ട് കാണാം ബൈ..” അച്ചു കെറുവിച്ചു ഫോണ്‍ വെച്ചു.

 

 

അച്ചുവും അച്ഛനും കൂടി റെയില്‍വേ സ്‌റ്റേഷനില്‍ പോയി, ടിക്കറ്റ് എടുക്കാന്‍ അച്ഛൻ ക്യു നില്‍ക്കുന്ന സമയത്ത് പല കളറുകൾ കത്തി കറങ്ങിക്കൊണ്ടിരിക്കുന്ന വെയിറ്റ് നോക്കുന്ന മെഷിന്റെ അടുത്തുപോയി… അതു കണ്ടപ്പോള്‍ ഒരു കൊച്ചുകുട്ടിയുടെ കൗതുകത്തോടെ ഒരു രൂപ ഇട്ട് വെയിറ്റ് നോക്കി അപ്പോളേക്കും അച്ഛൻ ടിക്കറ്റെടുത്തു വന്നു..

 

 

“അച്ഛാ എനിക്കു 54 കിലോ ഉണ്ട് ഞാന്‍ ഇപ്പോ കുറച്ചു തടിച്ചിട്ടുണ്ടല്ലേ.. നേരത്തെ 48 കിലോ ഉണ്ടായിരുന്നുള്ളു ഇപ്പോ.. കൂടി ..” അവള്‍ സങ്കടത്തോടെ പറഞ്ഞു

 

 

“അയ്യേ ഇതൊക്കെ ഒരു വെയിറ്റ് ആണോ പോലീസ് ആകാന്‍ പോകുന്നവളാ ഇപ്പോ സൗന്ദര്യം നോക്കി നില്‍കാന്‍ പോണേ ഒന്നു പോയി എന്റെ അച്ചു, നിനക്ക് പാകത്തിനുള്ള വെയിറ്റ് ഉള്ളൂ, വാ ട്രെയിന്‍ മൂന്നാമത്തെ പ്ലാറ്റഫോമില്‍ ആണ് ഇപ്പോ വരുമെന്നാ പറഞ്ഞെ അവിടെ പോയി വെയിറ്റ് ചെയ്യാം ഇല്ലേല്‍ അവസാനം ഓടിക്കേറണം.. ”

 

 

“ഓഹ് ഈ സ്‌റ്റെപ് ഒക്കെ കേറിപ്പോകണമല്ലേ , സാരമില്ല അപ്പുറത്തു എത്തുമ്പോള്‍ എനിക്ക് എനെര്‍ജിക്ക് വേണ്ടി ഒരു ഫ്രൂട്ടി വാങ്ങി തന്നാല്‍മതി ”

 

“എല്ലാം വാങ്ങിത്തരാം വായിനോക്കാതെ ഒന്നു അനങ്ങി നടക്കെന്റെ അച്ചു.. ”

 

ഓരോ പാളങ്ങളിലും നിര്‍ത്തിയിട്ടിരിക്കുന്ന ബോഗിയുടെ എണ്ണമെടുത്ത് അവള്‍ അച്ഛനോടൊപ്പം നടന്ന് ട്രെയിനിനു വേണ്ടി വെയിറ്റ് ചെയ്തു , ട്രെയിനില്‍ കേറുമ്പോള്‍ കഴിക്കാനായി കുറച്ചു ചിപ്‌സും ബിസ്‌കറ്റും അച്ഛനെ കൊണ്ട് വാങ്ങിപ്പിച്ചു