ചിങ്കാരി 6 [Shana] 541

“നീ വല്ലതും നോക്കിയോ, നാളെ രാവിലെ പോകേണ്ടതല്ലേ, നീ ഇന്ന് ഇങ്ങോട്ട് വന്നതും ഇല്ല അതാ വിളിച്ചതു..”

” പോടീ ബാക്കിയുള്ളോന്‍ ഇവിടെ ബാത്ത്‌റൂമില്‍ നിന്ന് ഇറങ്ങിട്ടില്ല.. അതിന്റിടയില നിന്റെ പഠിത്തം..” അജി പല്ലിറുമി.

“അപ്പൊ നീ നാളെ എക്‌സാം എഴുതാന്‍ വരുന്നില്ലേ.. ”

“വാരാടി, വയര്‍വേദന കുറവില്ല അതാ പ്രശ്‌നം ”

” ടാ എന്തുണ്ടെലും മര്യാദക്ക് വന്നോണം , നീ ഇല്ലാതെ എനിക്ക് പറ്റില്ലാന്ന് നിനക്ക് അറിയാല്ലോ, വയറുവേദന ഒക്കെ മാറിക്കോളും.. അച്ചു വിഷമത്തോടെ പറഞ്ഞു ”

“ആ മാറൂടീ..” അത്‌ പറഞ്ഞതും.. അവന് വയറ്റില്‍ ഒരിരമ്പല്‍ പോലെ തോന്നി..

“ടീ.. ഞാന്‍ പിന്നെ വിളിക്കാവേ..” ഫോണ്‍ വെച്ചിട്ട് ബാത്ത്‌റൂമിലേയ്‌ക്കോടി. അച്ചു എന്തു ചെയ്യുമെന്നറിയാതെ ടെന്‍ഷനടിച്ചു നിന്നു.

പിറ്റേന്ന് പോകാറായിട്ടും അജി വന്നില്ല , അച്ചു അവനെ തിരക്കി അവിടെ ചെന്നപ്പോള്‍ അവന്‍ ചുരുണ്ടു കൂടി കട്ടിലില്‍ കിടക്കുവായിരുന്നു..

“ടാ നീ വരുന്നില്ലേ… ” അച്ചു അവന്റടുത്തിരുന്നു.

“ഇല്ലടി എനിക്ക് തീരെ വയ്യ… നീ പോയിട്ട് വാ ”

“ഇത്രയും വര്‍ഷം ഒരുമിച്ചല്ലേടാ നമ്മള്‍ പോയത്, നീ ഇല്ലാതെ പോകാന്‍ മടി ആകുന്നു , നീയും കൂടി വാടാ.. അച്ചു അവസാന ശ്രമമെന്നോണം പറഞ്ഞു…”

“പറ്റുമെങ്കില്‍ ഞാന്‍ വരില്ലേ ഇപ്പോ തീരെ വയ്യാഞ്ഞിട്ടാടി.. നീ പോയിട്ട് വാ , നീ കുറേ ആഗ്രഹിച്ചതല്ലേ , അതിനു വേണ്ടി കുറേ കഷ്ടപ്പെട്ടിട്ടും ഉണ്ട് , പോയിട്ട് വാ…”

“എന്നാലും നീ ഇല്ലാതെ എങ്ങനാ പോകുന്നെ ”

“നീ ഇതു തന്നെ പറഞ്ഞോണ്ടിരുന്നാല്‍ ട്രെയിന്‍ അതിന്റെ പാട്ടിനു പോകും നീ പോയിട്ട് വാ ബാക്കി അപ്പൊ നോക്കാമെന്നേ.. ”

അജി ഇല്ലാതെ പോകുന്നത് അവള്‍ക്ക് ഇഷ്ടമല്ലായിരുന്നു എങ്കിലും അവസാന നിമിഷം ഉപേക്ഷിക്കാനും തോന്നിയില്ല .. അവള്‍