ചിങ്കാരി 6 [Shana] 541

“രണ്ടും അതുപറഞ്ഞു തല്ലുകൂടണ്ട. പോയി നല്ലോണം പഠിച്ചു എക്‌സാം എഴുതു, ഉഴപ്പാന്‍ നില്‍ക്കണ്ട.. “അതുല്‍ രണ്ടിനെയും വീട്ടില്‍ പറഞ്ഞുവിട്ടു.

“ടാ നീ വരുന്നുണ്ടോ, നമുക്ക് ഒരുമിച്ചിരുന്നു ഒന്നുടെ നോക്കാമായിരുന്നു.. ”

“വേണ്ടടി വയര്‍ ഫുള്‍ ആയത്‌കൊണ്ടാണെന്നു തോന്നുന്നു, ഉറക്കം വരുന്നു ഇനി നാളെ നോക്കാം, ഞാന്‍ വീട്ടില്‍ പോകുവാ ”

“ടാ നിനക്കല്ലേലും ഈ ഇടയായിട്ടു നല്ല മടി ഉണ്ട്. ഞാന്‍ ശ്രദ്ധിക്കുന്നില്ലെന്ന് നീ കരുതണ്ട. അമ്മാവനോട് ഞാന്‍ പറയുന്നുണ്ട്, നോക്കിക്കോ”

“പോടീ പോടീ പാരവെക്കാതെ ജീവിച്ചു പോട്ടെ.. ”

“മ്മ്. മ്മ്.. ഇപ്പോ മോന്‍ പൊയ്‌ക്കോ ഞാന്‍ പിടിച്ചോളാം.” അവള്‍ എന്തോ മനസിലായെന്ന മട്ടില്‍ പറഞ്ഞു.

“എന്നാ നാളെ കാണാം.. പോട്ടേടീ.. ”

അന്നും പിറ്റേന്നും അച്ചു പഠിത്തത്തോടു പഠിത്തം ആയിരുന്നു, പുറത്തു പോയി ഫുഡ് കഴിച്ചു വന്നിട്ട് അജിക്ക് വയറു വേദനയും.. രാത്രിയായിട്ടും അവനെ കാണാതായിട്ട് അച്ചു അജിയെ ഫോണില്‍ വിളിച്ചു..

“ഹലോ…” അമ്മായി ആയിരുന്നു ഫോണ്‍ എടുത്തത്.

“അമ്മായി അജി എവിടെ.. അവന്‍ ഇന്നു വരാന്നു പറഞ്ഞിട്ട് വന്നില്ല..”

“മോളേ അവന്‍ കിടക്കുവാണ്, നല്ല വയറുവേദന എന്ന് പറയുന്നുണ്ട്.. രാവിലെതൊട്ട് ബാത്ത്‌റൂമില്‍ നിന്ന് ഇറങ്ങുന്നില്ല…”

“അവനൊന്നു കൊടുക്കുമോ.. അച്ചു ആധിയോടെ ചോദിച്ചു..”

“അജി ടാ… നിന്നെ അച്ചൂട്ടി വിളിക്കുന്നു…” അമ്മായി റിസീവർ താഴെ വെച്ചിട്ട് അജിയോടു വിളിച്ചു പറഞ്ഞു, അജി അവശതയോടെ വന്നു ഫോണ്‍ എടുത്തു

“ടി എന്താ നീ വിളിച്ചേ.. ”