ചിങ്കാരി 4 [Shana] 414

” നിങ്ങള് മിണ്ടാതിരി മനുഷ്യാ.. ഞാൻ കാര്യമല്ലേ പറഞ്ഞത്, ഇവളെ കൂടി എൻ്റെ മീര മോള് പോയതു പോലെ കാണാൻ എനിക്ക് പറ്റില്ല ” അമ്മായി മൂക്കുതുടച്ചു.

” ദേ അനാവശ്യം പറഞ്ഞാൽ ഉണ്ടല്ലോ..എന്തു കാണാനാന്നാടീ. അച്ചു കുഞ്ഞല്ലേ. എട്ടും പൊട്ടും തിരിയാത്ത അവളെയാണോ കെട്ടിക്കണ്ടത്., അല്ലേ തന്നെ അവളുടെ രണ്ടു ചേച്ചിമാരെ കാര്യം അല്ലേ ആദ്യം നോക്കേണ്ടത്. അല്ലാതെ ഇവളെ പിടിച്ചു കെട്ടിക്കാൻ നിനക്കെന്താ ഇത്ര ആഗ്രഹം ”

ഇതൊക്കെ കേട്ടുകൊണ്ടാണ് അച്ചുവിന്റെ ചേച്ചിമാർ വന്നത്.. കോളേജ് വിട്ടു വരുന്ന വഴിക്ക് മീരയുടെ കാര്യം കേട്ട് അങ്ങോട്ടേക്ക് വന്നതായിരുന്നു അവരും ആകെ ഞെട്ടി. അങ്ങോട്ട് പോയാ കാര്യക്കൾ പന്തിയല്ലെന്ന് കണ്ട രണ്ടും തിരിഞ്ഞോടി.

” രാഘവാ നിയെങ്കിലും കേൾക്ക് , മീര എങ്ങനെ നടന്നതാ എന്നിട്ടിപ്പോ എന്തായി അച്ചുവിന്റെ സ്വഭാവത്തിന് ഇതു പോലെ ചെയ്യില്ലെന്ന് എന്താ ഉറപ്പ്, അവൾക്കു മൊത്തം ആൺകുട്ടികൾ ആയിട്ടാണ് കൂട്ടും വെറുതെ നാട്ടുകാരെ കൊണ്ട് പറയിക്കാണോ ” അമ്മായിക്ക് വിട്ടുകൊടുക്കാൻ ഭാവമില്ലായിരുന്നു.

അച്ചുവിന് ഇതെല്ലാം കേട്ട് ദേഷ്യം വന്നു പല്ലൊക്കെ കടിച്ചുപിടിച്ചു, അജി അവളെ നിസ്സഹായനായി നോക്കി ബാക്കിയുള്ളവർ ഇവർ പറയുന്നതിലും കാര്യമുണ്ടെന്നമട്ടിലും നോക്കി നിന്നു

” ചേച്ചി എന്താ പറയുന്നത് അവൾ ചെറിയ കുട്ടിയല്ലേ വായിത്തോന്നുന്നത് വിളിച്ച് പറയരുന്നത് ഞാൻ പണ്ടേ പറഞ്ഞിട്ടുണ്ട് ” രാഘവൻ ദേഷ്യത്തോടെ പറഞ്ഞു. രാധാമ്മയും സകല നിയന്ത്രണവും നഷ്ടപ്പെട്ട് നിൽക്കുവാരുന്നു.

” രാഘവാ.. നീ പറയുന്നത് കേൾക്ക്. നിന്റെ മൂത്ത മക്കളെ പോലല്ല ഇവൾ അവർ നല്ല കുട്ടികളാ, പക്ഷെ ഇവൾ ആൺപിള്ളാരുടെ കൂടെയാ നടത്തം , നീ ഒന്ന് ആലോചിച്ചു നോക്കിയേ ഇനി ഇവളും കൂടി പേരുദോഷം കേൾപ്പിച്ചാൽ ”

അമ്മായി പകുതിയിൽ നിർത്തി , പലരും അതു ശരിയെന്നമട്ടിൽ അച്ചുവിനെ നോക്കി. ഒരു വേള രാധമ്മക്ക് വരെ അവളെ സംശയമായി അവർ അവളെ കണ്ണുരുട്ടി നോക്കി

“ദേ പരട്ട തള്ളേ അമ്മായി ആണെന്ന് പറഞ്ഞ് എന്തും പറയാമെന്നാണോ. അച്ചു ചാടി എഴുനേറ്റു.

നിങ്ങടെ മോൾ മീര ഓരോന്നു കാണിച്ചെന്നുവെച്ചു കണ്ട വൻ്റെ കൂടെ ഇറങ്ങി പ്പോയെന്നും പറഞ്ഞ്. എന്നെ അതിൽ കൂട്ടണ്ട ഞാൻ മിണ്ടാതിരിക്കുന്നെന്ന് കരുതി എന്തും പറയാമെന്നു വിചാരിക്കണ്ട, ഞാൻ ഇവന്റെ കൂടെയല്ലേ നടക്കുന്നത് , ടാ അജി നീ പറ എനിക്ക് അങ്ങനെ വല്ലതും ഉണ്ടോ കുറേ നേരമായി എന്നെ കെട്ടിക്കാൻ വേണ്ടി മുറവിളി കൂടുന്നു, അവളെ കൂട്ടത്തിൽ എന്നെ കൂട്ടാൻ നിൽക്കണ്ട , ക്ഷമിക്കുന്നതിനും അതിരുണ്ട് ”
അവൾ പൊട്ടിത്തെറിച്ചു…