ചിങ്കാരി 10 [Shana] [CLIMAX] 526

അച്ചു സിദ്ധുവിനോട് കണ്ണുകൾ കൊണ്ട് അനുവാദം വാങ്ങി കാറിൽ കയറി. അവളുടെ മനസ്സിൽ അമ്മുവിന്റെ ചിത്രം നൊമ്പരപ്പെടുത്തികൊണ്ട് തെളിഞ്ഞു നിന്നു. ഉള്ളിലെ ആവലാതികളെ അടക്കി നിർത്തി അമ്മയുടെ രൗദ്രഭാവം അവളിൽ തെളിഞ്ഞു വന്നു… അയാളുടെ നിർദ്ദേശങ്ങൾ അനുസരിച്ചു കാർ മുന്നോട്ട് പൊയ്ക്കൊണ്ടിരുന്നു..

******************************

പോലീസുകാർ അച്ചുവിന്റെ ഫോൺ ട്രേസ് ചെയ്യുന്നുണ്ടായിരുന്നു.. അയാളുടെ ഫോൺ സംഭാഷണം ചോർത്തികൊണ്ടു തന്നെ അച്ചു പോകുന്ന റൂട്ടിൽആർക്കും സംശയം തോന്നാത്ത രീതിയിൽ മഫ്തിയിൽ പോലീസുകാർ ഇറങ്ങി

**********************************

അച്ചു പുറപ്പെട്ടതിന്റെ പിറകെ സിദ്ധു ബാങ്കിലേക്ക് തിരിച്ചു സിദ്ധുവിന്റെ പിറകിലായി അജുവും അതുലും വെവ്വേറെ ബൈക്കുകളിൽ അവിടുന്നിറങ്ങി….

വീട്ടുകാരെല്ലാവരും അമ്മുവിന്റെ വീഡിയോ കണ്ട ഷോക്കിൽ ആയിരുന്നു അമ്മായി ദേഷ്യം കൊണ്ട് ഉറഞ്ഞു തുള്ളുവായിരുന്നു… ആരെയും കൂട്ടാതെ അച്ചു തനിച്ചുപോയതിന്റെ ദേഷ്യം പറഞ്ഞുകൊണ്ടേയിരുന്നു

സിദ്ധു പോലീസ് ഓഫീസർ ആയതു കൊണ്ട് അത്രയും വലിയ തുക ബാങ്കിൽ പോയി പെട്ടെന്ന് തന്നെ പിൻവലിക്കാൻ സാധിച്ചു… അവിടുന്നു അവനിറങ്ങുമ്പോൾ നിശ്ചിത അകലം പാലിച്ചുകൊണ്ട് ഒന്നുരണ്ടു ബൈക്കുകൾ അവനെ പിന്തുടർന്നു… പോലീസുകാർ മഫ്തിയിലും

അച്ചുവിന്റെ കാർ സിറ്റിയിലൂടെ പാഞ്ഞു കുറച്ചു ദൂരം കഴിഞ്ഞു ഒരു ഷോപ്പിംഗ് മാളിന് മുന്നിലെത്തിയതും അവളോട് കാർ അവിടെ നിർത്തി അകത്തേക്ക് കയറാൻ പറഞ്ഞു. അവൾ അകത്തുകയറി അയാൾ പറയുന്നതിനനുസരിച്ചു ലിഫ്റ്റിൽ കയറി ഫുഡ്‌ കോർട്ടിലെ ടേബിൾ നമ്പർ ഫൈവിന്റെ അരികിൽ ചെന്നു. അവിടെ ബുർഖ അണിഞ്ഞിരിക്കുന്ന ആൾക്ക് ഫോൺ കൊടുത്തതും അവർ വേറൊരു ഫോണും കവറും അവൾക്ക് നൽകി . അപ്പോഴാണ് താൻ ഒരു കോൺഫറൻസ് കാളിൽ ആയിരുന്നതെന്ന് അവൾക്ക് മനസ്സിലായത്. അവൾ ചുറ്റിലും നിരീക്ഷിക്കുന്നുണ്ടായിരുന്നു.. തനിക്കെന്തെങ്കിലും ഒരു ക്ലൂ എങ്കിലും കിട്ടിയെങ്കിലെന്ന്. പിന്നെ അതിലൂടെ ആയിരുന്നു നിർദേശങ്ങൾ അവിടുന്നു ബാത്റൂമിൽ പോയി കവറിലുള്ള ബുർഖ അണിഞ്ഞു അവൾ ലിഫ്റ്റിൽ കയറി നേരെ പാർക്കിങ്ങിലേക്ക് പോയി ഫോണിലെ നിർദേശം അനുസരിച്ചു അവിടെ ഒരു ചുവന്ന സ്വിഫ്റ്റ് കാറിന്റെ അടുത്ത് ചെന്ന് കവറിലുണ്ടായ കീ ഉപയോഗിച്ച് അതിൽ കയറി പിന്നെ അവിടുന്നു അയാൾ പറയുന്ന പോലെ യാത്ര തുടങ്ങി.