ചിങ്കാരി 10 [Shana] [CLIMAX] 526

‘അച്ചു മോളെ നിനക്കൊന്നും പറ്റിയില്ലല്ലോ” അവളുടെ കഴുത്തിലെ പാടു കണ്ടു സിദ്ധു ആകുലതയോടെ ചോദിച്ചു

‘ഇല്ല സിദ്ധു എനിക്കു കുഴപ്പമില്ല… മോളെ ഒന്ന് ഡോക്ടറെ കാണിക്കണം കയ്യും കാലും നീലിച്ചിട്ടുണ്ട് അവള്‍ വല്ലാതെ ഭയന്നിട്ടുണ്ട്. “അവള്‍ സങ്കടത്തോടെ പറഞ്ഞു

“നീ ടെന്‍ഷന്‍ ആവേണ്ട , നമുക്ക് പോകാം ”

അപ്പോഴാണ് അജിയെ അവര്‍ ശ്രദ്ധിക്കുന്നത് ഗുരുജിയെയും മാണിയെയും കീഴ്‌പ്പെടുത്താന്‍ ശ്രമിക്കുന്നതിനിടക്ക് അജിക്ക് കുറച്ചു പരിക്കുകള്‍ പറ്റി. അവന്റെ മുഖത്തും കയ്യിലുമൊക്കെ ചെറിയ ചതവും മുറിവും ഉണ്ടായിരുന്നു അച്ചുവിന്റെ ഉള്ളില്‍ നോവ് പടര്‍ന്നു.

“അജി നിനക്ക് വേദനിക്കുന്നുണ്ടോ ” അവള്‍ ടെന്ഷനോടെ ചോദിച്ചു

“ഇല്ലടി കുഴപ്പമൊന്നുമില്ല.. ”

‘എന്തായാലും ഹോസ്പിറ്റലില്‍ പോയി മുറിവ് ഡ്രസ്സ് ചെയ്യാം “അതുല്‍ അവനോടായി പറഞ്ഞു

“അതിന്റെ ആവശ്യമില്ല അതുലേട്ടാ ” അവന്‍ നിരസിച്ചു

“അതൊന്നും പറയണ്ട എന്തായാലും ഞങ്ങള്‍ ഹോസ്പിറ്റലിലേക്കാണ് നീ ഞങ്ങളുടെ കൂടെ കയറിക്കോ വണ്ടി പിന്നെ എടുക്കാം… “അച്ചു ശാസനയോടെ പറഞ്ഞു  ആ സമയം  അവൾ  പഴയ അച്ചു മാത്രമായിരുന്നു   … സിദ്ധുവും അതുലും അതിനെ അനുകൂലിച്ചു

അജി സിദ്ധുവിനും അച്ചുവിനുമൊപ്പം കാറില്‍ കയറി ഹോസ്പിറ്റലിലേക്ക് പോയി. അതുല്‍ വീട്ടില്‍ വിളിച്ചു കാര്യങ്ങളൊക്കെ പറഞ്ഞു. അജിയുടെ ഉള്ളു സന്തോഷം കൊണ്ട് നിറഞ്ഞു… വര്‍ഷങ്ങള്‍ക്കുമുന്നെ താനായി നഷ്ടമാക്കിയ സൗഹൃദം തിരിച്ചുകിട്ടിയതിന്റെ. പുറമെയുള്ള വേദനകള്‍ അവന്‍ അറിയുന്നുണ്ടായിരുന്നില്ല. മനസ്സില്‍ മുഴുവനും അച്ചുവിനോടുത്തുള്ള പഴയകാല ഓര്മകളായിരുന്നു. അവന്റെ മിഴിയില്‍ സന്തോഷത്തിന്റെ അശ്രുകണങ്ങള്‍ പൊടിഞ്ഞു.

“എന്തിനാണ് ഇത്ര റിസ്ക് എടുത്ത് എനിക്ക് പിറകെ വന്നത്..”

മിഴികൾ അവന് നേരെ തിരിക്കാതെ അച്ചു അജിയോട് ചോദിച്ചു..