💕ചെമ്പനീർപ്പൂവ് 8 [കുട്ടപ്പൻ]💕 2241

” ചിന്നു… എന്താ മോളേ… എന്താ മുഖമൊക്കെ വല്ലാതിരിക്കുന്നേ. ”

ഇന്ദിര ചോദിച്ചു.

” ഏയ്… ഒന്നൂല്ലമ്മേ… ചെറിയ തലവേദനപോലെ. ഞാൻ ഒന്ന് കിടക്കട്ടെ. ”

ഞാൻ  പയ്യെ മുറിയിലേക്ക് പോയി.

എന്താണ് എനിക്കിങ്ങനെ അസ്വസ്ഥത തോന്നുന്നേ. എന്താ എനിക്ക് പറ്റുന്നെ.

ഏട്ടന് ആപത്തുവരുന്നു എന്നെനിക്ക് തോന്നുന്നെയെന്താ.

അവൾ സ്വയം ചോദിച്ചുകൊണ്ടിരുന്നു.

പിന്നെ ഫോണെടുത്ത് “അജുവേട്ടൻ” എന്ന് സേവ് ചെയ്തുവച്ച നമ്പറിലേക്ക് ഡയൽ ചെയ്തു.

പക്ഷെ അത് നോട്ട് റീച്ചബിൾ ആയിരുന്നു.

അതെന്റെ ടെൻഷൻ കൂട്ടാനേ ഇടയാക്കിയുള്ളു.

” കണ്ണാ…. ന്റെ ഏട്ടനൊന്നും വരുത്തല്ലേ…

ന്തിനാ നീയിപ്പോ ന്റെ മനസിലിങ്ങനെയുള്ള ചിന്ത കൊണ്ടുവരണേ.. ഏട്ടനെ കാത്തോണേ കണ്ണാ. ” ഞാൻ കണ്ണന്റെ മുന്നിലിരുന്ന് പ്രാർത്ഥിച്ചു.

എന്റെ  കണ്ണുകൾ നിറഞ്ഞൊഴുകുകയായിരുന്നു.

പെട്ടന്നാണ് ഫോൺ റിങ് ചെയ്തത്. പക്ഷെ അത് അജുവേട്ടന്റെ  ഫോൺ ആയിരുന്നു.

” അജുവേട്ടൻ ഫോൺ എടുക്കാതെയാണോ പോയെ. ഇങ്ങുവരട്ടെ… മനുഷ്യനെ തീ തീറ്റിക്കുന്നതിനും ഒരു കണക്കുണ്ട്. ”

ഞാൻ  ചെന്ന് നോക്കിയപ്പോൾ ശിവേട്ടനാണ്.

ഞാൻ കാൾ അറ്റൻഡ് ചെയ്ത് ചെവിയോട് ചേർത്തു. ഞാൻ എന്തെങ്കിലും പറയുന്നതിന് മുന്നേ ശിവേട്ടൻ പറഞ്ഞ് തുടങ്ങി.