💕ചെമ്പനീർപ്പൂവ് 8 [കുട്ടപ്പൻ]💕 2241

രാജീവിനെയും അഭിനന്ദിനെയും അവിടെ കാണുന്നില്ല.

മൂന്നുപേരുടെയും കയ്യിൽ ആയുധം ഒന്നുമില്ല. ആദ്യം എത്തിയവനെ ഞാൻ ചവിട്ടിവീഴ്ത്തി. പിന്നെ ഉയർന്നുചാടി അവന്റെ തൊട്ടുപിന്നിലായി വന്നവന്റെ ഷോൾഡറിൽ മുട്ടുകാലിറക്കി.

അവന്റെ ഷോഡറിന്റെ കുഴത്തെറ്റി. അവന്റെ കൈ തൂങ്ങിയാടി. അവൻ ഭീകരമായി അലറികരഞ്ഞു.

ഞാൻ നിലംതോട്ട നിമിഷം തന്നെ അവന്റെ തലനോക്കി ഒരു കിക്ക് കൂടെ കൊടുത്തു.

അവൻ നിന്നിടത്തുനിന്നൊന്ന് കറങ്ങി പിന്നെ നിലത്തുവീണു.

മൂന്നാമൻ തുടരെ തുടരെ എന്റെ മുഖത്തേക്ക് പഞ്ചുചെയ്തു. എന്നാൽ എല്ലാത്തിൽനിന്നും വളരെ പെട്ടന്ന് ഞാൻ ഒഴിഞ്ഞുമാറി. പിന്നെ അവന്റെ നെഞ്ചിൽ ആഞ്ഞുചവിട്ടി. അവൻ തെറിച്ച് സുമോയിൽ ചെന്നിടിച്ചു. അതിന്റെ ആക്കത്തിൽ sumo ചെറുതായോന്ന് നീങ്ങി. അതോടെ അവന്റെ ബോധം മറഞ്ഞു.

കലിയടങ്ങാതെ ഞാൻ ഓടിച്ചെന്ന് അവന്റെ മുഖത്ത് തുടരെ പഞ്ച് ചെയ്തു. മൂക്കിന്റെ പാലവും പല്ലും ഒക്കെ പൊട്ടി. എന്റെ കയ്യിലാകെ ചോരയുമായി. ആദ്യം ചവിട്ടിവീഴ്ത്തിയവൻ എന്റെ വന്യമായ പെരുമാറ്റം കണ്ട് സ്തംഭിച്ച് നിക്കുകയാണ്.

അവനെ ഒന്ന് നോക്കി മറ്റവന്റെ മുഖത്തിനിട്ട് രണ്ട് പഞ്ചുകൂടെ കൊടുത്തു. അവസാന പഞ്ചിൽ  അവന്റെ താടിയെല്ല് പൊട്ടി വായ പിളർന്നുപോയി.

ഒന്നാമൻ എല്ലാം കണ്ട് പകച്ചുനിൽക്കുകയാണ്. ഓടിപ്പോകണോ അതോ അടിക്കണോ എന്ന കൺഫ്യൂഷനിൽ അവൻ നില്കുമ്പോ ഞാൻ അവനടുത്തേക്ക് രണ്ടടി വച്ചു. അവൻ നിന്ന് വിറക്കാൻ തുടങ്ങി. അടുത്തെത്തിയെ എന്നെ അവൻ കൈനീട്ടിയടിച്ചു. എന്റെ ചിറി പൊട്ടി ചോര വന്നു. അത് ഒന്നു നീട്ടി തുപ്പിക്കളഞ്ഞു. പിന്നെ അവിടെ കിടന്ന ഒരു ഇരുമ്പുവടിയെടുത്തവന്റെ തലക്കിട്ടൊന്ന് കൊടുത്തു. അവനും ഫ്ലാറ്റ്.

________________________________

ചിരിച്ചുകൊണ്ട് അവിടേക്ക് കയറിവന്ന രാജീവും അഭിനന്ദും കാറിൽ ചാരി നിക്കുന്ന എന്നെക്കണ്ട് മുഖത്തെ ചിരി മാഞ്ഞു.

ചുറ്റുപാടും നോക്കിയ അവർ കാണുന്നത് അവിടവിടെയായി ചിതറിക്കിടക്കുന്ന ശവശരീരങ്ങളാണ്.