ഈ ഭൂമിയിൽ നമ്മൾ എത്ര പേർ സുരക്ഷിതർ ആണ്. അതും സ്വന്തം വീടുകളിൽ…

ഞാൻ ദേവി .. ദേവു എന്ന് വിളിക്കും..

ഒരു സാധാരണ മിഡിൽ ക്ലാസ്സ് ഫാമിലി ആണ് ഞങ്ങളുടേത്. അച്ഛനും അമ്മയും ഏട്ടനും ഞാനും അടങ്ങുന്ന കൊച്ചു കുടുംബം.

അതിനു മുൻപ് എന്റെ വീട്ടുകാരെ കുറിച്ച് കുറച്ച് കാര്യങ്ങൾ പറയാം…

എന്റെ അച്ഛൻ, പേര് ദേവൻ. ഒരു പാവം നാട്ടിൻപുറത്തു കാരൻ. ഗവൺമെന്റ് ജോലി ആണ്… വില്ലേജ് ഓഫീസർ..

പക്ഷേ ഇതൊക്കെ ഉണ്ടെന്നെ ഉള്ളൂ ആൾ ഒരു പാവാ ആരോടും ഒന്നിനും പോകാത്ത ഒരു പാവം…

അച്ഛന് ജോലി ഞങ്ങളുടെ നാട്ടിൽ നിന്നും കുറെ അകലെയാണ്.അതുകൊണ്ട് ആഴ്ചയിൽ ഒരിക്കലേ വീട്ടിൽ വരുള്ളു.

എന്റെ അമ്മ ശ്യാമ.. അച്ഛൻ വീട്ടിൽ ഇല്ലാത്തതിന്റെ കുറവ് അമ്മ ഞങ്ങളെ അറിയിച്ചിട്ടില്ല.

പിന്നെ ഏട്ടൻ ജോലി ഒന്നും ആയിട്ടില്ല ബി കോം കഴിഞ്ഞ് വീട്ടിൽ വെറുതെ ഇരിക്കുന്നു

അച്ഛൻ അമ്മയെ രണ്ടാമത് വിവാഹം കഴിച്ചതാണ്. അച്ഛന്റെ ആദ്യ വിവാഹത്തിൽ ഉള്ള കുട്ടി ആണ് ഏട്ടൻ.

ഏട്ടന്റെ അമ്മ എന്തോ അസുഖം വന്നാ മരിച്ചത്. പിന്നെ എല്ലാരും കൂടി നിർബന്ധിച്ച് ഏട്ടനെ നോക്കാൻ വേണ്ടി .. അച്ഛൻ എന്റെ അമ്മയെ കെട്ടി. അതിൽ പിറന്നത് ആണ് ഈ ഞാൻ.
അതുകൊണ്ട് തന്നെ ഏട്ടനും ഞാനും തമ്മിൽ 14 വയസിനു വ്യത്യാസം ഉണ്ട്.

എനിക്ക് ചെറുപ്പം തൊട്ടേ ഏട്ടൻ എന്ന് പറഞ്ഞാല്‍ പേടി ആയിരുന്നു.
കാരണം എന്റെ കൂടെ കൂട്ട് കൂട്ടാനോ അല്ലെങ്കിൽ എന്നെ ഒന്ന് വാത്സല്യത്തോടുകൂടി ഒന്ന് നോക്കിയിട്ട് പോലും ഇല്ല.