അതിജീവനം 4 [മനൂസ്] 3014

 

അവൻ ആകെ ഞെട്ടിയിരുന്നു…

 

അവൾ അവനെ കണ്ടതും വീണ്ടും പൊട്ടിക്കരയാൻ തുടങ്ങിയിരുന്നു…

 

താഴേക്ക് നോക്കിയതും രക്തത്തിൽ കുളിച്ച് കിടക്കുന്ന ജെയിംസിനെയും.

 

പെട്ടെന്നുള്ള ആ കാഴ്ച അവന്റെ ശരീരം തളർത്തി.

 

അവന് കാര്യങ്ങളുടെ ഗതി ഏകദേശം ഊഹിക്കാൻ കഴിഞ്ഞു.

 

ആദ്യത്തെ പകപ്പ് മാറി അവന്റെ മനസ്സ് വാർത്തമാന കാലത്തേക്ക് വന്നു..

 

കരഞ്ഞുകൊണ്ട് എന്തോ പറയാൻ ആഞ്ഞ മിന്ഹയുടെ വായ പൊത്തി കൊണ്ട് അവൻ ചുറ്റിനുമൊന്ന് നോക്കി…

 

ഞൊടിയിടയിൽ അവന്റെ തലച്ചോർ ഉണർന്ന് പ്രവർത്തിച്ചു..

 

അപ്പോഴും അവൾ കരയുക ആയിരുന്നു.

 

രാത്രി ആയതിനാൽ ആളുകൾ ആരും തന്നെ ആ ഭാഗത്തെങും ഇല്ലായിരുന്നു..

 

പെട്ടെന്നാണ് താഴെ നിന്നും ആരൊക്കെയോ വരുന്ന ശബ്ദം അവൻ കേട്ടത്..

 

അവൻ അവളേയും കൊണ്ട് വളരെ വേഗത്തിൽ തന്റെ ക്യാബിനിലേക്ക് ഓടി.

 

ക്യാബിനിൽ എത്തി വാതിൽ അടച്ചിട്ടും അവളുടെ ഉള്ളിലെ പകപ്പ് മാറിയിരുന്നില്ല.

അവന്റെ അവസ്ഥയും മറിച്ചായിരുന്നില്ല..

 

അവൻ അവൾക്ക് കുടിക്കാനായി അല്പം വെള്ളം നൽകി.. അവൾ ആർത്തിയോടെ അത് കുടിച്ചു..

 

××××××××××××××××××××××××××××××××××××

 

വീട് നഷ്ടപ്പെട്ടതും അവന്റെ ഏറെ നേരത്തെ നിർബന്ധത്തിനൊടുവിൽ മനോജിന്റെ വീട്ടിലേക്ക് ധ്രുവനും അഞ്ജലിയും താമസം മാറ്റി.

 

ഒരു വാടക വീട് കണ്ടെത്തുന്നത് വരെ ഒരു താവളം അതായിരുന്നു അവർക്കത്.

 

ഷോർട്ട് സർക്യൂട്ട് ആകാം വീട് കത്താനുള്ള കാരണം എന്നാണ് പോലീസിന്റെ ആദ്യ നിഗമനം..

 

ധ്രുവനും അങ്ങനെ ഒരു കാരണമാണ് ആവശ്യമായിരുന്നത്..