അതിജീവനം 4 [മനൂസ്] 3014

 

മദ്യപാനി അല്ലാത്ത ജെയിംസ്  എങ്ങനെ മദ്യം കഴിച്ചു..?

 

ജെയിംസിന് കൃത്യമായി ആവിടെ തന്നെ അപകടം നടന്നത് എങ്ങനെ..?

 

അവൻ മിന്ഹയെ അന്വേഷിച്ചു ഷെറിന് അടുത്തേക്ക് പോയി..

 

മൂന്നാം നിലയിലെ വാർഡിൽ രോഗികൾക്ക് മരുന്ന് കൊടുക്കുകയായിരുന്നു ഷെറിൻ അപ്പോൾ..

 

അവന്റെ വരവ് ദൂരെ നിന്നേ അവൾ കണ്ടു..

 

അവൻ ഷെറിനെ കണ്ണുകൊണ്ട് തന്റെ അടുത്തേക്ക് വരാൻ ആംഗ്യം കാണിച്ചു..

 

“മിൻഹ എവിടെ..?”

 

“അവൾക്ക് ഇന്ന് മോർണിംഗ് ഡ്യൂട്ടി ആയിരുന്നല്ലോ സാർ..”

 

ഷെറിന്റെ മറുപടി ശരിക്കും അവനെ ഞെട്ടിച്ചു..

 

“മോർണിംഗ് ഡ്യൂട്ടി ആയിരുന്നോ…”

 

വിശ്വാസം വരാത്ത പോലെ അവൻ വീണ്ടു ചോദിച്ചു..

 

“ആ അതേ… എന്താ സാർ…”

 

സംശയത്തോടെ അവൾ തിരിച്ചു ചോദിച്ചു..

 

“ഏയ്… ഒന്നുമില്ല… നിങ്ങൾ ഒരുമിച്ചല്ലേ എപ്പോഴും… അതുകൊണ്ട് ചോദിച്ചതാണ്.. ഇന്ന് പകൽ ജോലിത്തിരക്ക് കാരണം മിന്ഹയെ കണ്ടില്ല.. അതുകൊണ്ട് ചോദിച്ചതാ..”

 

ഒരു കൃത്രിമ പുഞ്ചിരിയോടെ മുഹ്‌സിൻ പറഞ്ഞു..

 

“എങ്കിൽ ഡ്യൂട്ടി നടക്കട്ടെ… കാണാം..”

 

അവളോട് അങ്ങനെ പറഞ്ഞുകൊണ്ട് അവൻ തിരികെ നടന്നു…

 

അവന്റെ മനസ്സിൽ ഏകദേശ ധാരണ കിട്ടി കഴിഞ്ഞിരുന്നു..

 

നടന്ന സംഭവങ്ങളും മിൻഹ തന്നോട് നേരത്തെ പറഞ്ഞ കാര്യങ്ങളും തമ്മിൽ കൂട്ടി വായിക്കുമ്പോൾ ഉണ്ടായ പൊരുത്തമില്ലായ്മക്  ഉത്തരം കിട്ടിയതുപോലെ അവന് തോന്നി..

 

അവൾ എഴുതിയ ആ കുറിപ്പ് കൂടി വായിക്കുബോൾ അത് സ്പഷ്ടമാണ്.