മുഹ്‌സിൻ ആ ശബ്ദത്തിനുടമയെ നോക്കി നിന്നു. 

“ഐ ആം മാർട്ടിൻ കോശി…”

 

പുഞ്ചിരിയോടെ അയാൾ അവന് നേരെ തന്റെ കൈ നീട്ടി.

 

“ഓഹ് ഡോക്ടർ മാർട്ടിൻ…. കോശി സാറിന്റെ മകൻ..ഐ ആം സോറി സാർ..”

 

പെട്ടെന്ന് ഓർത്തെടുത്തു പുഞ്ചിരിയോടെ മുഹ്‌സിൻ അയാൾക്ക് തിരിച് കൈകൊടുത്തു.

 

“കേട്ടിട്ടുണ്ട് പക്ഷെ കാണുന്നത് ആദ്യമായിട്ടാണ്..അതാണ് മനസ്സിലാക്കാൻ വൈകിയത്..”

 

അവൻ വീണ്ടും പറഞ്ഞു..

 

“അത് സാരമില്ല ഡോക്ടർ..”

 

ചിരിയോടെ മാർട്ടിൻ പറഞ്ഞു..

 

രണ്ട് പേരും അവരുടെ ചെയറിൽ ഇരുന്നു.

 

“ഞാൻ ഇന്നലെ ആണ് എത്തിയത്.. സിറ്റുവഷൻ അറിയാമല്ലോ മുഹ്‌സിനും. അതുകൊണ്ടാണ് വന്ന് കാണാൻ താമസിച്ചത്..”

 

“ഏയ്… അങ്ങനെ ഒന്നുമില്ല.. എനിക്ക് അറിയില്ലേ സാറിന്റെ അവസ്ഥ… ജെയിംസ് ഡോക്ടർ പറഞ്ഞിരുന്നു സാർ വന്ന കാര്യം.. ഇന്ന് അങ്ങോട്ട് ഇറങ്ങാൻ ഇരുന്നതാണ്.. അപ്പോഴേക്കും സാർ ഇങ്ങോട്ടേക്ക് എത്തി .”

 

 

“ഞങ്ങളുടെ ഹോസ്പിറ്റലോക്കെ ഇഷ്ടപ്പെട്ടോ..എന്തെങ്കിലും അസൗകര്യങ്ങൾ ഉണ്ടെങ്കിൽ പറയാൻ മടിക്കരുത്..കാരണം ഇത്തരമൊരു അവസ്ഥയിൽ എല്ലായിടത്തും എന്റെ കണ്ണെത്തി എന്നു വരില്ല..”

 

 

“അങ്ങനെ ബുദ്ധിമുട്ടുകൾ ഒന്നുമില്ല സാർ… എന്തോ ഇവിടം വല്ലാതെ ഇഷ്ടപ്പെട്ടു…”

 

“ആ ഞങ്ങളുടെ ഹോസ്പിറ്റലിനെ സംബന്ധിച്ചിടത്തോളം അതൊരു ശുഭ സൂചന ആണല്ലോ.. മുഹ്‌സിനെ പോലെ ഇത്രയും യങ് ആയ കഴിവുള്ള ഒരു ഡോക്ടറുടെ സേവനം ഞങ്ങൾളുടെ… ഐ ആം സോറി നമ്മുടെ ഹോസ്പിറ്റലിന്റെ വളർച്ചക്ക് ഗുണമാണ്…