അതിജീവനം 3 [മനൂസ്] 3032

മുൻവിധികളോടെ കാര്യങ്ങൾ തീരുമാനിക്കുന്നതിലൂടെ വന്ന തെറ്റ്.

പെണ്ണിനെ വാക്ക് കൊണ്ട് മുറിവേൽപ്പുക്കുന്നവൻ പടച്ചോന്റെ മുമ്പിൽ ഉത്തരം പറയേണ്ടി വരും.

നാളത്തെ സുപ്രഭാതം അവൾക്ക് മുന്നിൽ ഒരു മാപ്പ് കൊണ്ട് തുടങ്ങണമെന്ന് മനസ്സ് കൊണ്ട് മുഹ്‌സിൻ തീരുമാനിച്ചു.

ഉമ്മയെ മുറിയിൽ കിടത്തി അവനും തന്റെ റൂമിലേക്ക് പോയി തെളിഞ്ഞ മനസ്സോടെ.

മറുവശത്ത് എന്ത് ചെയ്യണമെന്ന് അറിയാതെ വീടിന് വെളിയിലേ തിണ്ണയിൽ മാനം നോക്കി ചിന്തിക്കുകയായിരുന്നു മിൻഹ.

ആ ഹോസ്പിറ്റലിലേക്ക് ഒരു തിരിച്ചുപോക്ക് അവൾ ആഗ്രഹിച്ചിരുന്നില്ല.

പിന്നീടുള്ള വഴി മരണത്തിലേക്ക് ആണ്.എല്ലാത്തിന്റെയും അവസാനം.

പക്ഷെ താൻ മരിച്ചാൽ ഉമ്മയുടെയും അനിയത്തിയുടെയും അവസ്ഥ അവൾ ചിന്തിക്കാതിരുന്നില്ല.

എന്തോ ചിന്തിച്ചുറപ്പിച്ചപോലെ അവൾ അകത്തേക്ക് കയറി വാതിൽ കുറ്റിയിട്ടു.

***********************************************

48 മണിക്കൂർ കഴിയാതെ ഒന്നും പറയാൻ ആകില്ലെന്നാണ് ഡോക്ടർ പറഞ്ഞത്.

എല്ലാവരും പ്രാർത്ഥനയോടെ ആ വരാന്തയിൽ നിൽക്കുന്നുണ്ട്.

ഇടക്കിടെ ഇച്ഛായൻ തന്നെ നോക്കുന്നുണ്ടെങ്കിലും തന്നോട് ഇതുവരെ മിണ്ടാത്തതിൽ അഞ്ജലി വിഷമിച്ചിരുന്നു.

എന്തുകൊണ്ടോ അവൾക്ക് പോയി മിണ്ടാനുള്ള ദൈര്യം ഇല്ലായിരുന്നു.

ഒരു അമ്മയുടെ സ്നേഹം തന്ന് തന്നെ വളർത്തിയ അമ്മച്ചിയും ചേട്ടത്തിയും അവൾക്കരികിൽ എത്തിയത് അവൾക്ക് വലിയ ആശ്വാസം തന്നിരുന്നു.

ധ്രുവൻ മനോജിനോടൊപ്പം ഏറെ നേരം സംസാരിച്ചു നിന്നു.

മനോജ് ഉള്ളത് അവന് വലിയൊരു ആശ്വാസമായിരുന്നു..