ബാൽക്കണിയിൽ നിന്ന് ഒരു സിഗരറ്റു കത്തിച്ചു വലിക്കുകയായിരുന്നു ഞാൻ..തെളിഞ്ഞ ആകാശത്തിൽ മഞ്ഞു പോലെ മേഘക്കെട്ടുകൾ പാഞ്ഞു പോകുന്നു.. ഇത്ര ധൃതിയിൽ എങ്ങോട്ടാണാവോ?

സിഗരറ്റ് വലിച്ചു ഊതി കുറച്ചു നേരം ചിന്തിച്ചു നിന്നു.. അത് തീർന്നപ്പോൾ ഞാൻ പോയി സിഗരറ്റ് പാക്കറ്റ് അങ്ങനെ എടുത്തു.. ലൈറ്ററും എടുത്തു..

ബെഡിലേക്കു കണ്ണ് പാളി… അവൾ സഞ്ജന.. നിദ്രയിൽ ആണ്..
വെള്ള നൈറ്റി. അര വരെ ഇമ്പോർട്ടഡ് ബ്ലാങ്കറ്റിൽ പൊതിഞ്ഞു കിടക്കുന്ന ശരീരം.. അഴകുള്ള മുഖം..

ആരു കണ്ടാലും ഒന്ന് കൂടി നോക്കിപോകുന്ന സൗന്ദര്യം.. നീണ്ട മിഴികളും ആകൃതി ഒത്ത ചുണ്ടുകളും മൂക്കും ചിരിക്കുമ്പോൾ വിരിയുന്ന നുണകുഴികളും അവളുടെ ആകർഷണീയത ആണ്…

ഉറങ്ങുമ്പോൾ സ്ത്രീകൾക്ക് വല്ലാത്തൊരു ആകർഷണം ആണ്..
എന്റെ മനസ് ഒന്ന് പതറി..

ഹു ഈസ് ഷി? എന്റെ ഭാര്യാ.. സഞ്ജന അഭിലാഷ്…

ഞാൻ പുച്ഛത്തോടെ അത് ആലോചിച്ചു പുറത്തേക്കു നടന്നു വീണ്ടും സിഗരറ്റു കത്തിച്ചു..

മേഘക്കെട്ടുകൾ ഇപ്പോഴും നല്ല സ്പീഡിൽ ഒഴുകുന്നു.. ദൂരെ എവിടെയോ ഒരു കിളിയുടെ കരച്ചിൽ.. ഇതിനൊന്നും എന്നെപോലെ ഉറക്കം ഇല്ലേ?

തണുത്ത കാറ്റു വീശി..

യൂറോപ്പിലെ പോലെ ഫാൾ വിന്റർ ഒന്നും ഇല്ലെങ്കിലും വയനാടും തണുപ്പിന് മോശം അല്ല..

സന്തോഷം എന്താണെന്നു കഴിഞ്ഞ കുറച്ചു നാളുകൾ ആയി അറിഞ്ഞിട്ടില്ല.. എന്താണ് എനിക്ക് പറ്റിയത്??

എത്ര ഹാപ്പി ആയിരുന്നു ഞാൻ.. ഇപ്പോൾ?

വെറും ഒരു നാടകനാടൻ ആയി എനിക്ക് തന്നെ തോന്നിത്തുടങ്ങി..

എല്ലാത്തിനും കാരണം അവൾ ആണ്.. എന്നാലും എവിടെയോ ഒരു ഇഷ്ട്ടം തോന്നി തുടങ്ങിയിരിക്കുന്നു…

എന്നാൽ അത് അംഗീകരിക്കാൻ മനസ് സമ്മതിക്കുന്നില്ല.. ഈഗോ ആണ്.. അവൾക്കും അതെ..

എന്റെ മനസ് കുറെ നാളുകൾ മുൻപിലേക്ക് ഊളിഇട്ടു..

*****

Monday 11 am.

ഹോസ്പിറ്റലിൽ എന്റെ ഒരു കൂട്ടുകാരനെ കാണാൻ പോയതായിരുന്നു ഞാൻ. അവൻ പനി പിടിച്ചു കിടക്കുകയാണ്.

അവന്റെ അനിയത്തിയുടെ കയ്യിൽ പതിനായിരം രൂപ അവൻ അറിയാതെ വച്ച് കൊടുത്ത ശേഷം എന്ത് ആവശ്യം ഉണ്ടെങ്കിലും വിളിക്കണം മോളെ എന്ന് പറഞ്ഞു ഞാൻ പുറത്തിറങ്ങി മൂന്നാം നിലയിൽ നിന്ന് താഴ്ത്തേക്കു നടന്നു.

അവൻ പല പണികളും ചെയ്താണ് ജീവിക്കുന്നത്. സാമ്പത്തികമായി മോശം ആണ്.