അതിജീവനം 3 [മനൂസ്] 3032

സൂപ്രണ്ടിനോട് അവൾ തന്നെ സംസാരിച്ചു മിന്ഹയ്ക് വീട്ടിലേക്ക് പോകാനുള്ള അനുവാദം വാങ്ങി നൽകി.

ഇവിടെ തന്നെ നിന്നാൽ അവൾ കൂടുതൽ വിഷമിക്കുകയെയുള്ളൂ എന്ന് അവളും മനസ്സിലാക്കിയിരുന്നു…

ഷെറിനോട് മാത്രം യാത്ര പറഞ്ഞ് അവൾ തന്റെ വീട്ടിലേക്ക് പോയി.

പതിവില്ലാതെ നേരത്തെ വീട്ടിലേക്ക് വന്ന അവളെ കണ്ട് ഉമ്മ പേടിച്ചു..

“എന്താ മിന്നു…. മോള് ഇന്ന് നേരത്തെ പോന്നേ”..

“ഒന്നുമില്ല ഉമ്മ…ചെറിയൊരു തലവേദന.. ”

വരുന്ന വഴിക്ക് തന്നെ ഉമ്മയോട് പറയാനുള്ള കള്ളം അവൾ കാണാതെ പഠിച്ചിരുന്നു.

അല്ലേലും ഈ ഇടയായി താൻ ഉമ്മയോട് ഒരുപാട് കള്ളങ്ങൾ പറയാൻ തുടങ്ങിയിരുന്നു.

“ഉമ്മ വല്ലതും കഴിച്ചോ…”

“ആ കഴിച്ചു.”

“മരുന്ന് കഴിച്ചോ രാവിലത്തത്..”

“ഓഹ് കഴിച്ചു പൊന്നേ..”

“അവൾ പോയോ…”

“ഓഹ് മടിച്ചിയെ ഞാൻ തള്ളി വിട്ടു സ്‌കൂളിൽ.. നിന്നോട് വൈകുന്നേരം വരുമ്പോ പറഞ്ഞു കൊടുക്കുമെന്ന് പറഞ്ഞപ്പോ പുള്ളക്ക് കാര്യം പിടികിട്ടി…”