അതിജീവനം 3 [മനൂസ്] 3032

പെട്ടെന്നാണ് അവിടേക്ക് അവൾ ഓടി കിതച്ച്

എത്തിയത്.

അവളെ കണ്ടതും അവന്റെ മുഖത്ത് പുഞ്ചിരി വിടർന്നു.

പക്ഷെ അവൾ അവനെ ശ്രദ്ധിച്ചതെയില്ല..

തന്നോട് നീരസത്തിലാണ് എന്നത് അവളുടെ മുഖഭാവം കണ്ടപ്പോൾ തന്നെ അവൻ ഊഹിച്ചെടുത്തു.

വൈകിയത് കൊണ്ട് ഡോക്ടർ മിന്ഹയെ രോഗികളുടെ മുന്നിൽ വച്ച് വഴക്ക് പറഞ്ഞു.

എല്ലാം കേട്ട് തലകുനിച്ച് നിൽക്കുന്ന അവളെ കണ്ടതോടെ അവന്റെ ഉള്ളിലെ വേദന കൂടി.

ഒരു ദിവസംകൊണ്ട് അവളോടുള്ള തന്റെ മനോഭാവത്തിലുണ്ടായ മാറ്റം അവനെ അത്ഭുതപ്പെടുത്തി.

അവളും അവരോടൊപ്പം റൗണ്ടസിൽ ചേർന്നു.

പലപ്പോഴും മുഹ്‌സിന്റെ കണ്ണുകൾ അവളെ നോക്കിയെങ്കിലും അവൾ അങ്ങനെ ഒരാൾ ഉള്ളതായി തോന്നാത്ത രീതിയിൽ ആണ് നടന്നത്.

അവളെ തനിച്ച് കാണുന്നതിനായി അവൻ വഴികൾ ആലോചിച്ചു.

റൗണ്ട്‌സ് പൂർത്തിയാക്കി ഡോക്ടർ ജെയിംസ് പോയതും തന്റെ ക്യാബിനിലേക്ക് മിന്ഹയെ മുഹ്‌സിൻ വിളിച്ചു.

തന്റെ കൂടെ നടക്കുമ്പോൾ ഇന്നലെ കണ്ട ഭയം അവളുടെ കണ്ണുകളിൽ കാണാൻ ഇല്ലായിരുന്നു.

മുഖത്ത് നിശ്ചയദാർഢ്യം നിഴലിച്ചിരുന്നു.

ക്യാബിനിൽ കയറിയതും അവൻ തന്റെ ഇരിപ്പിടത്തിൽ ഇരുന്നുകൊണ്ട് അവളോടും ഇരിക്കാൻ ആവശയപ്പെട്ടു.

പക്ഷെ അവന്റെ ക്ഷണം അവൾ നിരസിക്കുകയാണ് ഉണ്ടായത്.

“ഞാൻ എന്റെ ഉമ്മയെ ഒരുപാട് സ്നേഹിക്കുന്നുണ്ട്..ഉമ്മയെ സ്നേഹിക്കുന്ന ഒരാളും സ്ത്രീകളെ ബഹുമാനിക്കാതിരിക്കില്ല..ഞാനും ആ ഗണത്തിൽപ്പെട്ട ആളാണ്.”