അറവുകാരൻ [Achillies] 318

അത് കേക്കാത്ത മട്ടിൽ സണ്ണി അവന്റെ ഊരിയിട്ട ഷർട്ട് എടുത്തു ആഹ് വിഗ്രഹത്തിന്റെ വിയർപ്പ് ഒപ്പാൻ തുടങ്ങി.

“ശീ…എന്നതാ ഇച്ഛായാ…ആഹ് നല്ല ഷർട്ടിലാണോ വിയർപ്പ് പറ്റിക്കുന്നെ…”

അവന്റെ കയ്യിൽ നിന്നും ഷർട്ട് പിടിച്ചു വാങ്ങാൻ നോക്കിയ അവളെ വാരിപ്പുണർന്നവൻ ഒതുക്കി നിർത്തി.

“നീയോ എന്റെ ഒപ്പമില്ല നിന്റെ മണമെങ്കിലും ഇരുന്നോട്ടെടി കൊച്ചെ.”

അവളുടെ മുഖവും കഴുത്തും തുടങ്ങി ഓരോ അണുവിലും അവന്റെ ഷർട്ട് പരതിയിറങ്ങി.

“വയറ്റിൽ പിടിക്കുവൊടി പെണ്ണെ…”

വയറ്റിൽ കയ്യോടിച്ചുകൊണ്ട് സണ്ണി ചോദിച്ചു.

“പിടിച്ചാലങ് പെറും…”

കള്ളക്കണ്ണിറുക്കി ശ്രീജ പറഞ്ഞപ്പോൾ സണ്ണി കണ്ണുരുട്ടി.

“എന്നാൽ പിറ്റേന്ന് മോളെന്റെ വീട്ടിൽ കിടക്കും ഇതിനിടെൽ എന്റെ താലിയും പിടിച്ചോണ്ട്…”

അവളുടെ മാറിനെ നോക്കി സണ്ണി മുരണ്ടപ്പോൾ ശ്രീജ പെരുവിരലിൽ ഒന്നുയർന്നു പോയി.

അവന്റെ നെഞ്ചിൽ ചാഞ്ഞു നിന്ന അവളെ ആഹ് മയക്കത്തിൽ നിന്നുണർത്താതെ അവൻ ഓരോന്നായി ഉടുപ്പിച്ചു.
അവളുടെ ഓരോ ഭാഗവും തുണിയിൽ മൂടും മുൻപേ ഓരോ ചുംബനത്താൽ അവിടം അവൻ വിശുദ്ധീകരിച്ചു.
സാരി കൂടി ഉടുപ്പിച്ചു അവളുടെ നെറ്റിയിൽ കയ്യിൽ കരുതിയ കുംകുമം കൊണ്ട് പൊട്ടു തൊടീപ്പിച്ചു അവന്റെ ജോലി പൂർത്തിയാക്കി.

“ഒരിക്കൽ ഞാൻ ഇത് നിന്റെ രേഖയിൽ വരക്കും പെണ്ണെ….”

അവളുടെ കവിളിൽ ഉമ്മവച്ച സണ്ണി മുണ്ടെടുത്തു ചുറ്റി.

“ഇച്ഛായാ….എനിക്ക് കുറച്ചു പൈസ വേണം. സുജയുടെ കാര്യം ആകെ കഷ്ടത്തിൽ ആഹ് അവൾക്ക് കൊടുക്കാൻ….”

സാരി എടുത്തു ചുറ്റി സണ്ണിയുടെ നേരെ നിന്ന് അവൾ പാതി പറയാതെ നിർത്തി.

“നീ എന്റെ ആരാടി കഴുവേറിട മോളെ…..
….ഇങ്ങനെ എന്റെ മുന്നിൽ നിന്ന് ഇരക്കരുത് എന്ന് എത്ര വട്ടം പറഞ്ഞിട്ടുണ്ട്.
കെട്ടി കൂടെ പൊറുപ്പിക്കാൻ നിന്റെ മുടിഞ്ഞ ന്യായം ഉള്ളോണ്ട് മാത്രാ…ഇല്ലേൽ എന്റെ വീട്ടിൽ എന്നേ വാഴിച്ചേനെ നിന്നെ ഞാൻ….
കെട്ടിയില്ലേലും നീ തന്നെയാ എന്റെ ഭാര്യ…
അമ്മച്ചി കഴിഞ്ഞാൽ അല്ലേൽ അമ്മച്ചിയോളം എന്നിൽ അവകാശോം അധികാരോം നിനക്കെ ഞാൻ തന്നിട്ടൊള്ളൂ…
പിന്നേം നീ എന്റെ മുൻപിൽ നിന്ന് ആരുമല്ലാത്ത പോലെ നിന്ന് ഇരക്കണത് കാണുമ്പോ ഉള്ളു പൊള്ളണ പോലെയാ….”

അലറി പറഞ്ഞു തീർക്കുമ്പോൾ സണ്ണിയുടെ കണ്ണുകൾ തുളുമ്പിയിരുന്നു.

മേശ വലിപ്പിന്റെ താക്കോൽ എവിടെയാന്ന് നിനക്കറിയേലെ,….എടുത്തിട്ട്