അറവുകാരൻ [Achillies] 318

ഉള്ളിൽ പൊങ്ങി വന്ന ഗദ്ഗദം അവൾ കഷ്ടപ്പെട്ട് അടക്കി നടന്നു.
കവലയിൽ എത്തുമ്പോഴാണ് വീട്ടിലേക്കുള്ള സാധനങ്ങൾ തീർന്നതും, കാശ് കടം വാങ്ങാൻ നിന്നതും അവളിലേക്ക് തിരിച്ചു വന്നത്.
വിശന്നു വരുന്ന മോളുടെ മുഖം ആലോചിച്ചതും കയ്യിൽ പണമില്ലെങ്കിലും സാധനങ്ങൾ എങ്ങനെയെങ്കിലും വാങ്ങാനായി സുജയുടെ കാലുകൾ കവലയിലെ പിള്ളയുടെ കടയിലേക്ക് ഒരാശ്രയതിനെന്ന പോലെ നടന്നു.
എന്നാൽ വിശപ്പടക്കാനുള്ള ഭക്ഷണത്തിനു തന്റെ ശരീരത്തിന്റെ വില ഇട്ട പിള്ളയുടെ മുന്നിൽ പിന്നെയും നിന്നുരുകാതെ തിരികെ നടക്കുമ്പോഴാണ് ഇറച്ചിക്കടയിലെ വീരാന്റെ നാവുകൊണ്ടുള്ള ആക്രമണം.
വീട്ടിലേക്കുള്ള വഴിയിലേക്ക് നെഞ്ച് തകർന്നു നടക്കുമ്പോൾ സുജയുടെ ഉള്ളിൽ നാടിനോടും നാട്ടിലെ പുരുഷന്മാരോടും ഉള്ള ദേഷ്യം നുരയുകയായിരുന്നു, പെണ്ണിൽ മാംസത്തെയും വികാരശമനത്തെയും മാത്രം കാണുന്ന കഴുകന്മാരുടെ ഒരു കൂട്ടത്തെയാണ് അവൾക്ക് കാണാൻ ആയത്.
നിസ്സഹായ അവസ്ഥയെപോലും അവസരമാക്കാൻ വെമ്പുന്ന ഇവരുടെ ഇടയിൽ ജീവിക്കാൻ പോലും സുജയ്ക്ക് പേടിതോന്നി, ഇനിയൊരവസാരത്തിൽ ഗതിയില്ലാതെ വന്നാൽ തനിക്കും ഏതേലും ഒരുവന്റെ മുന്നിൽ നിലനിൽപ്പിനായി വിശപ്പടക്കാനായി തുണിയഴിക്കേണ്ടി വരുമോ എന്ന ചിന്ത അവളെ വരിഞ്ഞു മുറുക്കാൻ തുടങ്ങി.
അങ്ങനെ വന്നാൽ തന്റെ മോളുടെ ജീവിതം എന്താവും എന്നുള്ള ചോദ്യങ്ങൾ കൂടി കുത്തിനോവിക്കാൻ തുടങ്ങിയതും സുജയുടെ മനസ്സിൽ എല്ലാതിനുമുള്ള ഉത്തരവും ഉയർന്നു വന്നു.
ഇതുവരെ ഇല്ലാതിരുന്ന ഉറപ്പുകൾ അവളുടെ കാലടികൾക്ക് കൈ വന്നു.
എന്നും പോകും വഴി കണ്ടിരുന്ന വഴിയരികിലെ കാടിനിടയിൽ ഒളിച്ചു നിന്നിരുന്ന #$$#%% ചെടി വേരോടെ വലിച്ചു പൊക്കി അതിൽ നിന്നും വേര് പൊട്ടിച്ചു കൈപ്പിടിയിൽ ഒതുക്കുമ്പോൾ, അവളുടെ മനസ്സ് ദൃഢമായിരുന്നു.
സാരി വലിച്ചുപിടിച്ചു വീട്ടിലേക്കുള്ള പാത നടക്കുമ്പോൾ അറ്റത്തു നിന്നും തനിക്കു നേരെ ഓടിവരുന്ന രൂപത്തിൽ അവളുടെ കണ്ണുടക്കി.
കണ്ണിന്റെ ദൂരത്തെത്തിയപ്പോൾ ശ്രീജയുടെ മകൻ കുട്ടുവാണെന്നു അവൾക്ക് മനസ്സിലായി, തന്റെ മുന്നിൽ ഓടിയണച്ചു കിതക്കുന്ന കുട്ടുവിനെ കണ്ടു അവളുടെ ഉള്ളു പിടഞ്ഞു, അവനെ നോക്കുമ്പോൾ അവളുടെ ഉള്ളിൽ സഹതാപം നിറഞ്ഞു.

“ന്തിനാടാ കുട്ടൂസെ നീ ഇങ്ങനെ പായണേ….”

അണപ്പൊതുക്കാൻ കഷ്ടപ്പെടുന്ന അവന്റെ കവിളിൽ തലോടിക്കൊണ്ട് സുജ ചോദിച്ചു.

“സുജാമ്മ ന്തേ ഇത്ര വൈകിയേ കാണാത്തോണ്ട് അമ്മ ന്നെ നോക്കാൻ വിട്ടതാ…”

അവന്റെ നിഷ്കളങ്കത നിറഞ്ഞ മുഖം കണ്ടപ്പോൾ അവൾക്ക് വാത്സല്യം തോന്നി…..
അനുവിനെക്കാളും രണ്ടു വയസ്സ് മൂപ്പെ ഉള്ളെങ്കിലും പലപ്പോഴും കുറച്ചൂടെ പക്വത കാണിക്കാറുള്ള കുട്ടുവിനെ അവൾക്ക് ഇഷ്ടമായിരുന്നു.

“ഓഹ് വലിയ ഒരു ആണ് വന്നേക്കുന്നു….”

അവനെ തന്നിലേക്ക് ചേർത്ത് പിടിച്ചുകൊണ്ട് നടക്കുമ്പോൾ അവൾ പറഞ്ഞതുകേട്ടു അവൻ ചിണുങ്ങി…..കുറുമ്പ് കാട്ടി.

“അയ്യോ…..!!!”