അപരാജിതൻ 11 [Harshan] 7233

“സമീര …..മുന്നോട്ടു പോകില്ല, എല്ലാം നമ്മൾ ഉദ്ദേശിക്കുന്ന പോലെ പോകില്ലന്നു മനസിലായി, നമ്മുക് ക്വിറ്റു ചെയ്യാം”

ശരി ആദി

സമീര അവിടെ ഇരിക്കുന്നവരോട് പറഞ്ഞു, നമ്മുക് ഒന്നും ചെയ്യാൻ സാധിക്കില്ല , നിർത്താം എന്ന്, വിഷമത്തോടെ ആണെങ്കിലും അവ൪ സമ്മതിച്ചു.

അവർ മുദ്രാവാക്യം വിളി ഒക്കെ നിർത്തി, വെള്ളം കുടിച്ചു എല്ലാവരും എഴുന്നേറ്റു

അപ്പോളെക്കും കുറെ കൂക്ക് വിളികൾ ഒക്കെ കേൾക്കാൻ തുടങ്ങി, മറ്റു യുണിയന്കാരുടെ വകയായി, ഞങ്ങൾ അപ്പോൾ പറഞ്ഞതല്ലേ ഈ പണിക്കു നിക്കണ്ട എന്നൊക്കെ പറഞ്ഞു ആകെ കളിയാക്കൽ

അവർ അത് ഗൗനിക്കാതെ പന്തലിൽ നിന്നും ഇറങ്ങി, ആ അമ്മ തന്റെ കൂടെ ഇരുത്തിയ തളർന്ന ആ പെൺകുട്ടിയെ ഒക്കത്തു എടുത്തു കണ്ണൊക്കെ തുടച്ചു കൊണ്ട് അവിടെ നിന്നും ഇറങ്ങി.

ആ കാഴ്ച ആദിയെയും ഒരുപാട് വിഷമിപ്പിച്ചു.

എന്ത് ചെയ്യാന്‍ ആണ്, എപ്പോളും ആഗ്രഹിക്കുന്നത് പോലെ ഒന്നും നടക്കില്ലലോ, അവന്‍ സ്വയം മനസിനെ ആശ്വസിപ്പിച്ചു.

സ്ത്രീകള്‍ പുറത്തു ഇറങ്ങിയപ്പോളേക്കും കൂക്ക് വിളികൾ കൂടി, എല്ലാവരും വളഞ്ഞു അവരെ പരിഹസിക്കാനും ആക്ഷേപിക്കാനും തുടങ്ങി,,,,,

<><><><><><><><><>

കൂക്ക് വിളികൾ നിശബ്‌ദമായി.

എന്താണ് കാരണം എന്ന് അറിയാന്‍ ആദിയും മറ്റുള്ളവരും തല ഉയര്‍ത്തി നോക്കി.

പ്ലാന്റെഷന്റെ പലഭാഗങ്ങളില്‍ നിന്നുമായി നിരവധി സ്ത്രീകൾ അങ്ങോട്ടേക്ക് വരുന്നു,

അവർ എല്ലാരും കൂടെ ആ പന്തലിനു മുന്നിലേക്ക് വന്നു.

“നാങ്കളും ഇറുക്കെ,,ഉണ്കള്‍ കൂടെ” എന്ന് പറഞ്ഞു അവരുടെ കൈകളിൽ പിടിച്ചു

അത് കൂടെ കണ്ടപ്പോ ആ സമീരയടക്കം ഉള്ള ഒന്പതുപേരുടെയും മുഖം സന്തോഷം കൊണ്ട് വിടർന്നു ഒപ്പം കണ്ണുകളും നിറഞ്ഞു.

“ഇത് നമ്മ സമരം”

അതെ..തോൽവിയുടെ അരികിൽ നിന്നും ഒരു കുതിപ്പ് തന്നെ ആണ് കിട്ടിയിരിക്കുന്നത്, നോക്കുമ്പോ പുറകെ പുറകെ നിരവധി  സ്ത്രീകൾ വന്നു കൊണ്ടിരിക്കുന്നു എല്ലാവരും നേരെ പന്തലിൽ കയറി ഇരുന്നു.അത് കഴിഞ്ഞു എല്ലാരും ഇരുന്നു മുദ്രാവാക്യങ്ങൾ വിളി തുടങ്ങി.

രണ്ടു മണിക്കൂർ കൊണ്ട് സമരപന്തലിൽ മുന്നൂറിനടുത്തു സ്ത്രീകൾ നിറഞ്ഞു.

മുദ്രാവാക്യം വിളി ഒക്കെ ശക്തിയിൽ ഉയർന്നു തുടങ്ങി.

കൂക്കി വിളിച്ചവരുടെ ഒന്നും അഡ്രസ് പോലും കാണുന്നില്ല

മുദ്രാവാക്യങ്ങൾ മുഴങ്ങുന്നതിനനുസരിച്ചു സ്ത്രീകളുടെ വരവും കൂടി, ആ പന്തൽ ആകെ നിറഞ്ഞു. അഞ്ഞൂറ് സ്ത്രീകൾ  അവിടെ എത്തി ഇരിപ്പുറപ്പിച്ചു.

ആദി ഉടൻ തന്നെ ആരതിയെ വിളിച്ചു, നമ്മുടെ പണി  ഇനി നമ്മുക് തുടങ്ങാം, നിങ്ങൾ വേഗം ഇങ്ങോട് വാ എന്നുപറഞ്ഞു, അവർ ഉടൻ തന്നെ എത്താം എന്നും പറഞ്ഞു.

സ്ത്രീകളുടെ വരവ് കൂടുന്തോറും മുദ്രാവാക്യം വിളി ആ നാടിനെ പിടിച്ചു കുലുക്കുന്ന രീതിയിൽ മുഴങ്ങി തുടങ്ങി, നല്ല ചങ്കൂറ്റമുള്ള പെണ്ണുങ്ങളുടെ സമരം, ദ്രാവിഡസ്ത്രീകളുടെ സമരം.

ഇരവുപകല്‍ നോക്കാതെ ഉണ്ണാവ്രതം ഇരിക്കിറേ൯,

അന്നംതണ്ണി ഉണ്ണാമൈ പശിയോടു നില്‍ക്കിറേം,

പണിയെടുപ്പതു നാങ്കളെ കൊള്ളയടിപ്പതു നീങ്കള്,

കൊളുന്തുകുട്ട എടുപ്പതു നാങ്കള് പണക്കുട്ട അമുക്കുതു നീങ്കള്,

ന്യായമാന ശമ്പളത്തെ ശീഘ്രമാ കൊടുത്തിട്………..

 പൊട്ട ലയങ്ങൾ നാങ്കൾക്ക് എസി ബംഗ്ളാ ഉങ്കൾക്ക്,

കുട്ടതൊപ്പി നാങ്കൾക്ക് കോട്ടും സൂട്ടും ഉങ്കൾക്ക്,

ചിക്കൻ, ദോശ ഉങ്കൾക്ക് കാടി കഞ്ഞി നാങ്കൾക്ക്,

ന്യായമാന ശമ്പളത്തെ ശീഘ്രമാ കൊടുത്തിട്…..

 പണിയെടുക്കുവത് നാങ്കളെ് പണം കൊയ്‌വത് നീങ്കള്,

പോരാടുവോം പോരാടുവോം നീതി കെടയ്ക്കും വരെ പോരാടുവോം,

പോരാടുവോം പോരാടുവോം വെട്രി വരൈ പോരാടുവോം,

 ഇങ്ക്വിലാബ് സിന്ദാബാദ്,

തൊഴിലാളി ഐക്യം സിന്ദാബാദ്.

വൈകുന്നേരം ആയപ്പൊളേക്കും സ്ത്രീകളുടെ എണ്ണം കൊണ്ട് ആ പന്തലും പരിസരവും നിറഞ്ഞു ഏതാണ്ട്  ആയിരത്തി അഞ്ഞൂറിന് മേലെ സ്ത്രീകൾ മുദ്രാവാക്യ൦ വിളികളുമായി സമരം പൊളിച്ചു അടക്കി കൊണ്ടിരിക്കുന്നു.

എല്ലാര്ക്കും ഒരേ മനസു ഒരേ ചിന്ത ഒരേ വാശി, ഇനി തോറ്റു കൊടുക്കില്ല, നേടി എടുത്തിട്ടെ ഇവിടെ നിന്ന് പോകൂ, മാന്യമായ ശമ്പളം പാർപ്പിടം ഒക്കെ വേണം, അടിമപ്പണി ഇല്ലേ ഇല്ല ,,,

ആരതിയും പ്രവീണും അതെല്ലാം ലൈവായി കവർ ചെയ്തു കൊണ്ടിരുന്നു മറ്റൊരു പത്രമാധ്യമങ്ങളും ഇല്ല, ചാനലുകൾ ഇല്ല, ഇവർ എവിടെ നിന്ന് ആണെന്ന് പോലും ആർക്കും അറിയുകയും ഇല്ല.

അന്ന് വൈകുന്നേര൦ സകലയൂണിയൻ നേതാക്കളും അവിടെ എത്തി ചർച്ച നടത്തം എന്ന് പറഞ്ഞു.

നീ ഒക്കെ ചർച്ച നടത്തിയത് ഒക്കെ മതി, ഇനി ഞങ്ങൾ സമരം നടത്തികോളാ൦ എന്ന് പറഞ്ഞു വന്നവൻമാരെ ഒക്കെ സ്ത്രീകൾ  ഓടിച്ചു.

രാത്രിയോടെ വേറെ ഒരു പന്തൽ കൂടെ ഉയർത്തേണ്ടി വന്നു, സ്ത്രീകളുടെ തിരക്ക് കാരണ൦ ..

രാജ് അണ്ണൻ ഈ കാഴ്ച കണ്ടു ജോസഫ് അച്ചായനോട് പറഞ്ഞു പോയി പെണ്ണ് ഒരുമ്പെട്ടാൽ എന്ന് കേട്ടിട്ടേ ഉള്ളു, ഇപ്പൊ കണ്ടു അച്ചായോ.

<<<<<<<O>>>>>>>

അന്ന് രാത്രി കാൽഭാഗം സ്ത്രീകൾ മാത്രം പന്തലിൽ ഇരുന്നു,

രാത്രി ഒരു ഒൻപതരയോടെ അവരുടെ സമരപ്പന്തലിനു നേരെ എതിരായി കുറച്ചു പേ൪ പന്തല് കെട്ടുന്നണ്ടായിരുന്നു, എല്ലാ സൗകര്യങ്ങളോടും കൂടെ ഉള്ള സമരപന്തൽ അതിൽ നാലുവശത്തും കൂളർ, ടേബിൾ ഫാൻ സമരപന്തലിനു പിന്നിലായി ബയോ ടോയ്ലറ്റ്, സൈഡിൽ ടി വി അങ്ങനെ ഒക്കെ ആയി ഒരു ഹായ് ഫൈ സെറ്റ് അപ് പന്തൽ.

അതെ നമ്മുടെ എം എൽ എ മുത്ത് സ്വാമി നാളെ തൊഴിലാളി ആവശ്യങ്ങൾ പരിഹരിക്കുന്നതിനായി സമരം ഇരിക്കാൻ പോകാണ് എന്ന് അറിയാൻ കഴിഞ്ഞു  ജോസഫ് അച്ചായൻ പറഞ്ഞു.

അയ്യേ അതെന്തിനാ, അയാള് കമ്പനിയുടെ ആളല്ലേ ? ആദി ചോദിച്ചു.

മോനെ ഇതൊക്കെ രാഷ്ട്രീയം ആണ്, ഒന്നാമത് അയാളുടെ ഇമേജ് ഇപ്പൊ അല്പം വെടക്കയി ഇരിക്കുക ആണ്, അത് മാത്രവും അല്ല പെണ്ണുങ്ങൾ സമരം ചെയ്തു ആവശ്യങ്ങൾ നടപ്പാക്കിയാൽ അത് അയാൾക്കും കമ്പനിക്കും ക്ഷീണം ആണ്.

അതുകൊണ്ടു ?

ഇത് കമ്പനിയുടെ തന്നെ ഒരു തന്ത്രമാണ്, അതായതു എം.എൽ.എ യെ കൊണ്ട് സമരം നടത്തിപ്പിക്കുക, എന്നിട്ടു കൂടുതൽ ശ്രദ്ധ അങ്ങോട്ടേക്ക് പതിപ്പിക്കുക  ചർച്ച എം.എൽ.ആയും ആയി നടത്തുക, ഈ കമ്പനി ആദ്യമേ തന്നെ ഒരു ഫോർമുല ഉറപ്പിച്ചിട്ടുണ്ട്, എന്തേലും നക്കാപ്പിച്ച കൂട്ടി തൊഴിലാളികളുടെ കണ്ണിൽ പൊടി ഇട്ടു  സമരം കൊണ്ട് നേടി എടുത്ത് ആണ് എന്നൊരു തോന്നൽ അവരിൽ ഉണ്ടാക്കും, ഈ സമരം അധികം മുന്നോട്ടു പോകാതെ ഇരിക്കാൻ ഉള്ള അടവ്, എം.എൽ.എ അവിടെ ഒരേ സമയ൦ സമരം നടത്തുമ്പോ വിവരമില്ലാത്ത ഈ പാവങ്ങൾ വിചാരിക്കും എം.എൽ.എ അവരുടെ കൂടെ ആണ് എന്ന്, എന്നിട്ടു ചർച്ചക്ക് വിളിക്കുമ്പോ എം.എൽ.എ ഇവരിലെ ഒന്നോ രണ്ടോ പേരോ പേരെ കൂടെ വിളിക്കും, എന്നിട്ടു മുത്തുസ്വാമി എം.എൽ.എ ഒരു കാരണവർ സ്ഥാനം ഏറ്റെടുത്തു കമ്പനിയുടെ ഫോർമുല അയാളുടെ ഫോർമുല ആക്കി അവതരിപ്പിച്ചു അതിൽ തൊഴിലാളികളെ കൊണ്ട് സമ്മതിപ്പിക്കും,,,,സമീര കൃത്യമായി ആ പദ്ധതി വിശദീകരിച്ചു.

ഹമ്,,,,,,,,ഇപ്പൊ മനസിലായി,  ഈ എം.എൽ.എ അല്ലെ നരേട്ടാ, നരേട്ടനിട്ടു പണിതത് ?

പിന്നെ അല്ലാതെ ആരാ, അയാൾക് നരേട്ടനോട് നല്ല ചൊരുക്ക് ഉണ്ട്.

ആണല്ലേ ,,,,

അങ്ങനെ ആണെകിൽ നമ്മുക് നാളെ ഒരു പണി ഒപ്പിച്ചാലോ ?

എന്ത് പണി ? അച്ചായൻ ചോദിച്ചു.

ഒരു കുഞ്ഞു പണി.

നിന്റെ കുഞ്ഞു പണി അല്ലെ അപ്പൊ എന്തോ മാരകപണി ആയിരിക്കുമല്ലോ ….നരന്‍ ചിരിച്ചു കൊണ്ട് പറഞ്ഞു.

നമ്മുക് നോക്കാം എന്നെ …ആദി ചിരിച്ചു മറുപടി പറഞ്ഞു.

സമീരെ …നിന്റെ ഹെല്പ് നാളെ വേണം കേട്ടോ…

ഓക്കേ ആദി, തന്നേക്കാം…

<><><><><><><>

പിറ്റേന്ന്

രാവിലെ തലേന്നത്തെക്കാൾ ഒട്ടനവധി സ്ത്രീകൾ സമര പന്തലിലേക്കു ഇരച്ചെത്തി, എല്ലാരും വാശിയിൽ ആണ് പ്രായമായ മുത്തശ്ശിമാർ വരെ വന്നു ഇരിക്കുന്നുണ്ട്, പഴയ കാല തൊഴിലാളികൾ വരെ, മുദ്രാവാക്യം വിളി ഒക്കെ അതി ഗംഭീരമായി മുഴങ്ങുക ആണ്.

പണിയെടുപ്പതു നാങ്കളെ കൊള്ളയടിപ്പതു നീങ്കള്,

ന്യായമാന ശമ്പളത്തെ ശീഘ്രമാ കൊടുത്തിട്………..

പണിയെടുക്കുവത് നാങ്കളെ് പണം കൊയ്‌വത് നീങ്കള്,

പോരാടുവോം പോരാടുവോം നീതി കെടയ്ക്കും വരെ പോരാടുവോം,

പോരാടുവോം വെട്രി വരൈ പോരാടുവോം,

ഇങ്ക്വിലാബ് സിന്ദാബാദ്,

തൊഴിലാളി ഐക്യം സിന്ദാബാദ്.

അപ്പോളേക്കും എം.എൽ.എ മുത്തുസ്വാമി അവിടേക്ക് തന്റെ ഒഫീഷ്യൽ കാറിൽ പാറി എത്തി. അയാൾ ആദ്യമേ ചെന്ന് സ്ത്രീകളുടെ സമരപന്തലിനു മുന്നിൽ ചെന്ന് കൈകൾ കൂപ്പി വണക്കം ചൊല്ലി.

എന്റെ പ്രിയപ്പെട്ടവരെ നിങ്ങളുടെ കൂടെ ഞാൻ ഉണ്ട്, നിങ്ങളുടെ പ്രശ്ങ്ങൾ എന്റെ കൂടെ ആണ്, നമ്മുക് ഒരുമിച്ചു ഇതിനായി പോരാടാം എന്ന് പറഞ്ഞു അവിടെ നിന്നും നേരെ ചെന്ന് തന്റെ ഹൈഫൈ സമരപന്തലിൽ കുഷ്യൻ ഇട്ടിടത്തു ഇരുന്നു,,, കൂടെ അയാളുടെ കുറച്ചു പാർട്ടിക്കാരും..

ആരതിയും പ്രവീണും ഒക്കെ എല്ലാം കവർ ചെയ്യുന്നുണ്ട്.

മുൻപെ പറഞ്ഞു വെച്ച പോലെ തന്നെ സമീര പിറകിൽ ഇരുന്ന ജഗജില്ലികളായ ചില അക്കമാരോട് കണ്ണ് കാണിച്ചു.

ഒരു പത്തു നാൽപ്പതു ആരോഗ്യമുള്ള അക്കമാർ എഴുന്നേറ്റു എല്ലാവരും കൂടെ നേരെ മുത്തുസ്വാമിയുടെ സമരപന്തലിൽ ചെന്ന് അയാളെ അങ്ങോട്ട് വളഞ്ഞു. തടയാൻ ചെന്ന അയാളുടെ ഗ്രൂപ്പുകാരെ ഒക്കെ അടിച്ചു ഓടിച്ചു.

നിലവിളിച്ചു കൊണ്ട് മുത്തുസ്വാമി കൈകൾ കൂപ്പി,

അയാൾ ചതിയൻ ആണെന്നും എല്ലാവർക്കും അറിയുന്നത് കൊണ്ടും അത്രയും ദേഷ്യം അയാളുടെ അടുത് തൊഴിലാളികൾക്കിടയിൽ ഉണ്ടായിരുന്നു.അപ്പോളേയ്ക്കും പോലീസ് എം.എൽ.എ യെ രക്ഷിക്കാൻ എത്തി.

അപ്പോളേക്കും മറ്റു സ്ത്രീകൾ കൂടെ വന്നു പോലിസിനെ തടഞ്ഞു.

അവിടെ എം.എൽ.എ യെ ചെരുപ്പ് കൊണ്ടും  ചൂലു കൊണ്ട് അടിച്ചു നന്നായി സ്ത്രീകൾ പെരുമാറി, എല്ലാവര്ക്കും വാശി ആയിരുന്നു, നല്ല  തൂവെള്ള ഷർട്ടും മുണ്ടും ഒക്കെ അണിഞ്ഞു വന്ന പിത്തം കൂടി വണ്ണിച്ച കുടവയറ൯ എം.എൽ.എ മുത്തുസ്വാമിയെ സ്ത്രീകൾ വളഞ്ഞു ഷർട്ടു൦ മുണ്ടും ഒക്കെ വലിച്ചു കീറി അഴിച്ചെടുത്തു, വെറും അടിവസ്ത്ര൦ ഇട്ട അയാളെ അവർ ചെരുപ്പ് മാല അണിയിച്ചു, കൂടാതെ എവിടെ നിന്നോ ആരോ കൊണ്ടുവന്ന കട്ട ചാണകം കലക്കിയ കൊഴുത്ത നാറുന്ന വെള്ളത്തിൽ അയാളെ കുളിപ്പിച്ച് മുക്കി എടുത്തു, അയാളുടെ തല മുതല്‍ പാദം വരെ നാറുന്ന ചാണകം പറ്റിപിടിച്ചു ഇരിക്കുന്നു

എന്നിട്ടു ചൂല് കൊണ്ട് തല്ലി അവിടെ നിന്നും ആട്ടി പായിച്ചു, അയാൾ പ്രാണരക്ഷാര്ഥം ഓടുന്നു, അയാൾക്ക് പുറകെ ചൂലുകളുമായി സ്ത്രീകളും.

ദേഹം ആകെ ചാണകത്തില്‍ പൊതിഞ്ഞു അര്‍ദ്ധനഗനായി ചെരുപ്പ്മാല അണിഞ്ഞു സ്ത്രീകള്‍ ചൂലുകൊണ്ട് അടിച്ചു എം.എൽ.എ മുതുസ്വമിയെ ഓടിക്കുന്ന അതിമനോഹരമായ സീനുകള്‍ ആരതിയും പ്രവീണും ഒപ്പിയെടുത്തു.

ആ രൂപത്തിൽ അയാൾ എങ്ങനെയോ പോലീസിന്റെ സഹായത്തോടെ  കാറിൽ കയറിപറ്റി അവിടെ നിന്നും രക്ഷപ്പെട്ടു, അങ്ങനെ രാഷ്ട്രീയ നാടകം കളിയ്ക്കാൻ വന്ന എം.എൽ.എ മുത്തുസ്വാമി തീർന്നു.

അപ്പോളേക്കും ആ ഭാഗത്തുള്ള യൂണിയൻ ഓഫീസുകൾ ഒക്കെ അടച്ചു നേതാക്കൾ കണ്ട൦ വഴി ഓടി, തൊഴിലാളികൾ ഒന്നടങ്കം തിരിഞ്ഞിരിക്കുക ആണ്.

<<<<<<<<O >>>>>>>>

അപ്പോളേക്കും ആദി നരനെ ഹോസ്പിറ്റലിൽ നിന്നും എടുത്തു ജീപ്പിൽ കൊണ്ട് വന്നു ഇരുത്തി അവിടെ എത്തിച്ചിരുന്നു, എം.എൽ.എ യെ ഒക്കെ ഓടിക്കുന്നത് കണ്ടു വയ്യാത്ത  അവസ്ഥയിലും നരനു ചിരി അടക്കാൻ, കഴിഞ്ഞില്ല  ആദി ലാപ് തുറന്നു, ഇ ബി എ ഇന്ത്യ ചാനൽ ലൈവ് സ്ട്രീമിങ് ഓപ്പൺ ചെയ്തു വാർത്തകളും ഒക്കെ കാണിച്ചു.

കുറച്ചു കഴിഞ്ഞപ്പോ  ഇ ബി എ മെയിൻ ചാനൽ ഇൽ കൂടെ ഈ വാർത്ത എയർ ചെയ്യുവാൻ തുടങ്ങി, അതോടെ ലോകം മൊത്തം ഈ സംഭവം ലൈവ് ആയി കാണാൻ തുടങ്ങി,

ഇടയ്ക്കു ആദിക്ക് ഫോണിൽ കാൾ വരുന്നണ്ടായിരുന്നു, അവൻ നല്ല സന്തോഷത്തോടെ തന്നെ സംസാരിക്കുന്നുണ്ടായിരുന്നു,

അപ്പോളേക്കും തുഷാരഗിരി പൂർണമായും സ്ത്രീ തൊഴിലാളികളുടെ നിയന്ത്രണത്തിൽ ആയി അങ്ങോട്ടുളള ഗതാഗതം ഒക്കെ തടഞ്ഞു തുടങ്ങി, നിരവധി പോലീസ് ബസുകൾ വന്നു സുരക്ഷാപ്രശനം കണക്കിൽ എടുത്തു, പക്ഷെ ഒരു നിവൃത്തിയും ഇല്ല, പോലീസ് ശ്രമിച്ചിട്ട് ഒന്നും ഒരു രക്ഷയും ഇല്ല, സമാധാനപരമായി സമരം ചെയുന്നവരെ തടഞ്ഞാൽ ആത്മഹത്യ ചെയ്യും എന്ന ഭീഷണി കൂടെ ഉയർത്തി അവിടെ തൊഴിലാളികളുടെ അവകാശങ്ങൾക് വേണ്ടിയുളള മുദ്രാവാക്യങ്ങൾ ഗംഭീരമായി മുഴങ്ങി.

ഇങ്ക്വിലാബ് സിന്ദാബാദ്

തൊഴിലാളി ഐക്യം സിന്ദാബാദ്

ഇടയ്ക്കു കോൺഫറൻസ് പാർട്ടിയും പ്രോഗ്ര്സിവ പാർട്ടിയും ലോക ശക്തി പാർട്ടിയും മക്കൾ കക്ഷിയും ഒക്കെ സമരത്തിനു നേതൃത്വം ഏറ്റെടുക്കാൻ അവിടെ നേതാക്കന്മാർ എത്തി, ആരെയും  അടുപ്പിക്കുക പോലും ചെയ്തില്ല പൂര്ണ്ണമായും ചൂഷണം ചെയ്യപെട്ട അടിമ ജീവിതം നയിച്ചുകൊണ്ടിരുന്ന സ്ത്രീകളുടെ സമരം, വെറും ഒൻപതു സ്ത്രീകളിൽ നിന്നും ഒമ്പതിനായിരം സ്ത്രീകളുടെ സഹകരണത്തോടെ ഉള്ള ശക്തമായ പോരാട്ടം,,,,,ഭരണകക്ഷി പത്രസമ്മേളനത്തില്‍ പറയുകയും ഉണ്ടായി, ഇത് തീവ്രവാദസംഘടനയും ആയി ബന്ധമുള്ള സമരം ആണ് എന്ന് വരെ പക്ഷെ ഒന്നും അത്രയും ഏശിയില്ല.

വിഷയം ആകെ പ്രക്ഷുബ്ധമായി

എല്ലായിടത്തും  വാർത്തകൾ വന്നതോടെ മുഖ്യധാരാ പത്രങ്ങളിലേക്കും ചാനലുകളിലേക്കും ആളുകൾ വിളി തുടങ്ങി, ഈ നാട്ടിൽ നടക്കുന്ന സമരം ഇന്ത്യയൊട്ടാകെ,  ലോകം മൊത്തം അറിഞ്ഞു എന്തുകൊണ്ട് നിങ്ങളുടെ ചാനലുകളിൽ കാണിക്കുന്നില്ല എന്ന ചോദ്യങ്ങൾ. ഇനി പരസ്യം തന്നു എന്ന പേരിൽ വാർത്തകൾ ഒഴിവാക്കാൻ സാധിക്കില്ല എന്ന അവസ്ഥ വന്നതോടെ സകലമാന പത്രങ്ങളുടെയും ലേഖകൻമാരും ചാനൽ റിപ്പോർട്ടർമാരും എത്രയും പെട്ടെന്ന് തന്നെ തുഷാരഗിരി എത്തപ്പെട്ടു .

അതിലും വലിയ പ്രശനം, ബോംബെ സ്റ്റോക് എക്സ്ചേഞ്ച് ലും നാഷണൽ സ്റ്റോക് എക്സ്ചേഞ്ച് ലും ഒരു ഷെയറിനു രണ്ടായിരത്തി ഇരുന്നൂറിന് വിപണനം നടന്നു കോടിരുന്ന മിഡ് ക്യാപ് കാറ്റഗറിയിൽ പെട്ട കമ്പനിയുടെ ഓഹരി വില നെഗറ്റീവ് ആയ വാർത്തകൾ കൂടെ വന്നതോടെ കൂപ്പു കുത്തി, വിപണിയിൽ കരടികൾ കളി തുടങ്ങി, ഫ്യൂച്ചർ ഓപ്‌ഷനിൽ വളരെ മികച്ച രീതിയിൽ ഉണ്ടായിരുന്ന  ഷെയറുകൾ ഇനി ഒരുപാട് വില കുറയും എന്ന ഭീതിയിലും ഊഹത്തിലും എല്ലാവരും വിറ്റു ഒഴിയുവാൻ തുടങ്ങി, സ്റ്റോക് എക്സ്ചേഞ്ച് നിശ്‌ചയിച്ചിരുന്ന ലോവര്‍  സ൪ക്യൂട് വിലയേയും ഭേദിച്ച് ഷെയർ വില താഴേക്ക് കൂപ്പു  കുത്തി. അതോടെ എക്സ്ചേഞ്ച് ആ ഓഹരിയുടെ  അന്നത്തെ വില്പന നിർത്തി വെച്ചു. അത് തന്നെ യൂറോപ്യൻ ഷെയർ മാർക്കറ്റുകളിലും ഈ വാർത്ത വന്നതോടെ അവിടെയും ഓഹരി വില ഇടിയാ൯ തുടങ്ങി.

ഒറ്റദിവസം കൊണ്ട് തന്നെ കമ്പനീയുടെ ഓഹരി വില കൂപ്പു കുത്തി, കൂടെ കമ്പനിയുടെ സല്‍പ്പേര് എല്ലാം കലങ്കിതമായി.

അപ്പോളേക്കും മുഖ്യമന്ത്രിയുടെ നിർദേശ പ്രകാരം തൊഴിൽ വകുപ് മന്ത്രിയും വ്യവസായവകുപ് മന്ത്രിയും നേരിട്ടു സംഭവസ്ഥലം സന്ദർശിച്ചു, എല്ലായിടത്തും നിന്നും നല്ല പോലെ സമ്മർദ്ദം ഉണ്ട്.

ആകെ വിഷയം കമ്പനിയുമായി വേണ്ടുന്ന ചർച്ചകൾ ഒകെ നടത്തി, പെട്ടെന്ന് തന്നെ തീരുമാനങ്ങൾ എടുക്കാൻ ആയി സർക്കാരും ശാട്യം പിടിച്ചു.

ഒടുവിൽ സമരക്കാരിൽ നിന്നും നേതാക്കന്മാരെ വിളിച്ചു സമീര അടക്കം ഒന്പത് സ്ത്രീകൾ എഴുന്നേറ്റു, അവിടെയും ചർച്ചകൾ, കമ്പനിയുടെ കോര്പറേറ്റ് ഓഫീസിൽ നിന്നും എങ്ങനെയെങ്കിലും സമരം അവസാനിപ്പിക്കാൻ ആയി ആണ് നിർദ്ദേശം വന്നിരിക്കുന്നത്.

ഒടുവിൽ നീണ്ട ചർച്ചകൾക് ഒടുവിൽ കമ്പനി തൊഴിലാളികളുടെ ആവശ്യങ്ങൾ ഭൂരിഭാഗവും അംഗീകരിച്ചു.

കൂലി ഒരു ദിവസം നാന്നൂറ് രൂപ ആയി നിശ്ചയിച്ചു, കൂടാതെ കൂടുതൽ കിള്ളുന്ന കൊളുന്തിന് സെപ്പറേറ്റ കൂലി അത് കിലോക്കണക്കിന് നിജപ്പെടുത്തി, ഇ എസ ഐ ബെനെഫിറ്സ് കൂടാതെ തന്നെ ഒരു വര്ഷം ചികിത്സക്കായി  ഒരു നിശ്ചിത തുക, മാനേജർമാർക്കും സൂപ്പർവൈസർമാരായ കങ്കാണികൾക്കും ഉള്ള പോലെ കുട്ടികൾക്ക് ചികിത്സ പഠന ആനുകൂല്യങ്ങൾ, അത് കൂടാതെ ഇപ്പോൾ താമസിക്കുന്ന ലയങ്ങൾ വേണ്ടുന്ന പുതുക്കി പണികൾ ചെയ്തു കൊടുക്കും, അവിടത്തേക്ക് കുടിവെളള സൗകര്യങ്ങൾ അതുപോലെ ഓടയും സീവേജ് റൂട്ടുകളും ഒക്കെ ക്‌ളീൻ ചെയുകയും വൃത്തിയുള്ള ടോയ്ലറ്റുകൾ ഒക്കെ ഉടൻ  തന്നെ നിർമ്മിക്കാനും ഒകെ ധാരണ ആയി. കൂടെ ബോണസ് പതിനെട്ടു ശതമാനം കണക്കാക്കി തൊഴിലാളികൾക്കു കൊടുക്കാനും ധാരണ ആയി.

അന്ന് വൈകുന്നേരം സൂര്യൻ അസ്തമിക്കുന്ന മുൻപ് തന്നെ കമ്പനി പ്രതിനിധികളും സമര ചെയ്ത തൊഴിലാളി പ്രതിനിധികളും പിന്നെ സർക്കാരിന്റെ മന്ത്രിമാരുടെ സാന്നിധ്യത്തിൽ കരാർ ഉണ്ടാക്കി ഒപ്പു വെച്ചു.

കാലങ്ങൾ നീണ്ട അവരുടെ അടിമജീവിതത്തിനു ആർക്കും നേരെ ആക്കാൻ സാധിക്കാഞ്ഞ അവരുടെ ദുസ്ഥിതികൾക്ക് വെറും ഒൻപതു സ്ത്രീകളുടെ നേതൃത്വത്തിൽ നടന്ന സമരം ഒമ്പതിനായിരം സ്ത്രീകളുടെ വലിയ സമരം ആയി ഒരു വലിയ പോരാട്ടം തന്നെ ആയി ഒടുവിൽ എന്താണോ നേടി എടുക്കേണ്ടത് അത് അവർ  നേടി എടുത്തു.