അനാമിക അവളുടെ ഫോണിൽ വാട്സ്ആപ്പ് ഓൺ ആക്കി ഗൗതമിന് കൊടുത്തു, കുറച്ചു സമയം അതിൽ എന്തൊക്കെയോ ചെയ്തുകൊണ്ടിരുന്ന ഗൗതമിന്റെ മുഖത്ത് താൻ തേടിയത് കണ്ടെത്തിയ സന്തോഷം നിറഞ്ഞു…

“എന്താ ഏട്ടാ… ”

“നീ വാട്സ്ആപ്പ് ഫോണിൽ മാത്രമല്ലേ ഉപയോഗിക്കാറുള്ളൂ…??? ”

“ഏ… വാട്സ്ആപ്പ് ഫോണിൽ അല്ലാതെ tv യിൽ ഉപയോഗിക്കാൻ പറ്റുമോ… ഏട്ടൻ ഇതെന്ത് മണ്ടത്തരമാ ചോദിക്കുന്നത് ”

“അത് ശരി… കാര്യം പറഞ്ഞപ്പോൾ ഇപ്പൊ ഞാൻ മണ്ടനായോ…ഇങ്ങോട്ട് നോക്കെടി പോത്തേ”

ഗൗതം അനാമികയുടെ തോളിൽ ഒരു നുള്ള് കൊടുത്തു, അവൾ തോൾ തിരുമ്മിക്കൊണ്ട് ഗൗതമിന്റെ കയ്യിൽ ഇരുന്ന തന്റെ ഫോണിലേക്ക് നോക്കി

“last active monday at 2.14am, windows…., എന്താ ഏട്ടാ ഇത്…ഇത് മറ്റേ google chrome ന്റെ പടമല്ലേ… ”

“ഓഹ്… അത്രേം മനസ്സിലായല്ലോ എന്റെ ബുദ്ധൂസിന്…,,  എടി മോളെ… വാട്സ്ആപ്പ് ഫോണിൽ മാത്രമല്ല കംപ്യൂട്ടറിലും ഉപയോഗിക്കാൻ പറ്റും. അതിന് വാട്സ്ആപ്പ് വെബ് എന്ന് പറയും,  നിന്റെ ഫോൺ കയ്യിൽ കിട്ടിയാൽ ഒരു രണ്ട് മിനിറ്റ് മതി അതിന്… അങ്ങനെ ചെയ്‌താൽ പിന്നെ നിന്റെ വാട്സാപ്പിൽ നിന്നും ആർക്ക് വേണമെങ്കിലും മെസ്സേജ് അയക്കാം… നിനക്ക് വരുന്ന മെസ്സേജ് വായിക്കാം എന്ത് വേണമെങ്കിലും ചെയ്യാം… ”

അവൾ ഗൗതം പറയുന്നത് കേട്ട് കഴിഞ്ഞപ്പോൾ കുറച്ചു സമയം എന്തോ ചിന്തിച്ചിരുന്നു… പിന്നെ പതിയെ സംസാരിച്ചു തുടങ്ങി…

“എന്റെ ഫോണിൽ ഇപ്പൊ ഇതാര് ചെയ്യാനാ… അല്ല ഏട്ടൻ ഇപ്പൊ ഇതെന്തിനാ നോക്കിയത്… ഏട്ടന് ആരെങ്കിലും എന്റെ നമ്പറിൽ നിന്നും മെസ്സേജ് അയച്ചോ… ”

അപ്പോഴാണ് അന്ന് അരുൺ വീട്ടിൽ വന്നിരുന്നു എന്നല്ലാതെ അവൻ സീതയെയും രാഘവനെയും അനാമിക അയച്ചത് എന്ന് പറഞ്ഞ് കുറച്ചു മെസ്സേജുകൾ കാണിച്ചു കൊടുത്ത കാര്യം അനാമികക്ക് അറിയില്ല എന്ന് ഗൗതം ചിന്തിക്കുന്നത്

“മോളെ… ഇതിനിടയിൽ നീ അറിയാത്ത കുറച്ചു കാര്യങ്ങൾ കൂടി നടന്നിട്ടുണ്ട്, വെറുതെ അരുൺ എന്തെങ്കിലും പറഞ്ഞതിന്റെ പേരിൽ മാത്രമല്ല മോൾടെ അമ്മയും അച്ഛ,..,., രാഘവനും മോളെ വഴക്ക് പറഞ്ഞതും തെറ്റിധരിച്ചതും… ”

അറിയാതെ ആണെങ്കിൽ പോലും ഗൗതമിന്റെ നാവിൽ രാഘവനെ അനാമികയുടെ അച്ഛൻ എന്ന് വന്നപ്പോൾ തന്നെ അവൻ അത് തിരുത്തി, അനാമികയും അത് ശ്രദ്ധിച്ചിരുന്നു,  അവൻ എന്താണ് പറയാൻ പോകുന്നത് എന്നറിയാനുള്ള ആകാംക്ഷയിൽ അവന്റെ മുഖത്തേക്ക് നോക്കി ഇരിക്കുകയായിരുന്നു അവൾ