അനാമികയുടെ കഥ 6 [പ്രൊഫസർ ബ്രോ] 213

” അന്ന് പറഞ്ഞ കഥകളെ എല്ലാം അവൻ വിശ്വാസയോഗ്യമാക്കിയത് മോളുടെ വാട്സ്ആപ്പ് മെസ്സേജുകൾ കാണിച്ചാണ്… ”

“ഞാൻ അയച്ച മെസ്സേജോ… ഞാൻ അവന് വാട്സാപ്പിൽ മെസ്സേജ് അയച്ചിട്ട് വർഷങ്ങൾ ആയിക്കാണും… അത് കാണിച്ചാൽ തന്നെ അതിൽ എന്താ ഉള്ളത്…”

“നീ അയച്ച മെസ്സേജ് അല്ല, നിന്റെ വാട്സാപ്പിൽ നിന്നും അവൻ തന്നെ അയച്ച മെസ്സേജുകൾ… അതാണ് ഞാൻ ആദ്യം നിനക്ക് കാണിച്ചു തന്നത്… നിന്റെ വാട്സ്ആപ്പ് നീ മാത്രമല്ല അവനും ഉപയോഗിക്കുന്നുണ്ടായിരുന്നു ഇത്രയും നാൾ, പക്ഷെ ഇത്രയും നാൾ ഒരാൾ വാട്സ്ആപ്പ് വെബ് യൂസ് ചെയ്തു എന്നെനിക്ക് വിശ്വസിക്കാൻ പറ്റുന്നില്ല,നീ എപ്പോഴെങ്കിലും ഈ ഇടക്ക് അവനെ കണ്ടിരുന്നോ ”

“ഇല്ലേട്ടാ… അവനെ കണ്ടിട്ട് രണ്ട് വർഷം ആയിക്കാണും,ആ ഏട്ടാ എന്റെ ഫോൺ കേടായിട്ട് നന്നാക്കാൻ കൊടുക്കാൻ പോയിരുന്നു ഒരു രണ്ടാഴ്ച മുൻപ്, അപ്പൊ അവനെ അവിടെ കണ്ടത് പോലെ എനിക്ക് തോന്നി. പക്ഷെ വീണ്ടും നോക്കിയപ്പോൾ അവനെ കണ്ടതും ഇല്ല, എനിക്ക് തോന്നിയതായിരിക്കും എന്ന് കരുതി ഞാൻ തിരിച്ചു പോരുകയും ചെയ്തു”

അവൾ പറഞ്ഞത് കേട്ടപ്പോൾ ഗൗതമിന്റെ മുഖത്തൊരു പുഞ്ചിരി വിടർന്നു

“അപ്പൊ അതാണ് സംഭവം, അന്ന് അവൻ അവിടെ ഉണ്ടായിരുന്നു. അന്നായിരിക്കണം അവൻ നിന്റെ അക്കൗണ്ട് ക്ലോൺ ചെയ്തിരിക്കുക, അന്ന് മുതൽ ആയിരിക്കണം അവൻ ഈ മെസ്സേജ് എല്ലാം അയക്കാൻ തുടങ്ങിയതും ”

ഗൗതം എല്ലാം പറഞ്ഞ് കഴിഞ്ഞപ്പോൾ കുറച്ചു സമയത്തേക്ക് അവൾ ഒന്നും സംസാരിച്ചില്ല, പിന്നെ അവളുടെ മുഖത്തു വന്ന സങ്കടത്തെ പുഞ്ചിരിയാൽ മറച്ചുകൊണ്ട് ഗൗതമിന്റെ മുഖത്തേക്ക് നോക്കി

“എന്തെങ്കിലും മോശം മെസ്സേജുകൾ ആയിരിക്കും അല്ലെ ഏട്ടാ….,,, എന്നോട് എന്തിനാ ഏട്ടാ അവൻ ഇങ്ങനെ ഒക്കെ ചെയ്യുന്നത്….ഞാൻ അവനോട് എന്ത് തെറ്റാ ചെയ്തത്… എനിക്ക് യോജിച്ച ആൾ അല്ല എന്ന് തോന്നിയപ്പോൾ അവനോട് പിരിഞ്ഞതോ… അതും ഞാൻ അവനെ കണ്ട് പറഞ്ഞല്ലേ പിരിഞ്ഞത്… പിന്നെ എന്തിനാ…”

എത്രയൊക്കെ മറയ്ക്കാൻ ശ്രമിച്ചിട്ടും അവളുടെ ഉള്ളിലെസങ്കടം കണ്ണുനീർ തുള്ളികളായി പുറത്ത് വന്നു.,

“അനൂ… മോളെ… നീ ഇനി സങ്കടപ്പെടേണ്ട, നീ ഒരു തെറ്റും ചെയ്തിട്ടില്ല… നീ എടുത്ത ഒരു തെറ്റായ തീരുമാനം നീ തിരുത്തി അത്രേയുള്ളൂ…, അവൻ ചെയ്തതെല്ലാം അവന്റെ മാനസിക വൈകല്യം കൊണ്ടാണ്,അതിന് അവന് കൊടുക്കേണ്ട മരുന്ന് എന്താണെന്നും എനിക്കറിയാം…  മോൾക്ക് ഇനി അവനെക്കൊണ്ട് ഒരു ശല്യവും ഉണ്ടാകില്ല.,”

ഗൗതമിന്റെ വാക്കുകളിൽ ഒരേട്ടന് തന്റെ അനിയത്തിയോടുള്ള കരുതൽ പ്രതിഫലിച്ചിരുന്നു, അവന്റെ വാക്കുകൾ അനാമികയുടെ മനസ്സിലെ സങ്കടങ്ങളെ തുടച്ചു നീക്കാൻ പോന്നതായിരുന്നു

“ഒന്നും വേണ്ടേട്ടാ… ഇപ്പൊ ചിന്തിക്കുമ്പോൾ അങ്ങനെ നടന്നതൊക്കെ നല്ലതിനാണെന്നു തോന്നുന്നു… അവൻ അങ്ങനെ ഒക്കെ ചെയ്തത് കൊണ്ടല്ലേ എനിക്കെന്റെ ഏട്ടനെ കിട്ടിയത്… ഞാൻ ഇപ്പൊ സന്തോഷവതി ആണ്…”