ആമുഖം ,പ്രിയരേ ,  ഈ ഭാഗം ഇത്ര മാത്രം വൈകിയതിന് എല്ലാവരോടും ആദ്യമേ ക്ഷമ ചോദികുന്നു. ചില പേര്‍സണല്‍ കാര്യങ്ങള്‍ വന്നപ്പോള്‍ എഴുത്ത് മാറ്റിവക്കേണ്ടി വന്നു. എല്ലാവരും ഇതു വരെ തന്ന പ്രോത്സാഹനം ഇനിയും തരും എന്ന പ്രതീക്ഷയോടെ നാലാം ഭാഗം തുടങ്ങുന്നു. ഇനിയുള്ള ഭാഗം ഇത്തിരി സ്പീഡ് കൂട്ടുവാ … അതിനു അഡ്വാന്‍സ് ക്ഷമ ചോദികുന്നു . ഇത് എഡിറ്റ്‌ ചെയ്‌ത എന്റെ പ്രിയപ്പെട്ട നീലനോട് നന്ദി. അവന്റെ ഹെല്പ് കൊണ്ടു മാത്രം ആണ് ഇന്ന് എങ്കിലും ഇത് ഇടാൻ ആയത്.

//

ബുള്ളറ്റ് മുന്നിലേക്ക് നീങ്ങി കൊണ്ടിരുന്നു, ഒപ്പം എന്‍റെ ശരീരവും. പക്ഷേ എന്‍റെ മനസ്സ് ആ ദേവതയില്‍ ഉറച്ചു നിന്നു. ഞാന്‍ അവളുടെ കണ്ണുകളിലേക്ക് ഇമ ചിമ്മാതെ നോക്കി ഇരുന്നു, അവള്‍ എന്‍റെയും  കണ്ണുകളിലേക്കു തന്നെ നോക്കിയിരുന്നു. ബുള്ളറ്റ് എന്‍റെ ശരീരം കൊണ്ട് അവളില്‍ നിന്നു അകന്നു കൊണ്ടേ ഇരുന്നു, പക്ഷേ അപ്പോളും അവളുടെ കണ്ണുകളില്‍ തന്നെ ആയിരുന്നു എന്‍റെ ദൃഷ്ടി …

//

വണ്ടി എന്നെയും വഹിച്ചുകൊണ്ട് പോയിക്കോണ്ടേ ഇരുന്നു, ബുള്ളറ്റിന്‍റെ ഘുഡു ഘുഡു ശബ്ദം എന്‍റെ ഹൃദയ താളവുമായി പെര്‍ഫക്റ്റ് സിങ്ക് ആയിരുന്നു എന്നു തോന്നുന്നു. പോകുന്ന വഴിയില്‍ കണ്ട പെണ്‍കുട്ടികള്‍ക്ക് എല്ലാം അവളുടെ മുഖം ആയിരുന്നു എന്നു തോന്നിപ്പോയി. അത്രമാത്രം ആഴത്തില്‍ ആ മുഖം മനസ്സില്‍ പതിഞ്ഞുപോയിരുന്നു.

എങ്ങനെയൊക്കെയോ വീട്ടില്‍ എത്തി. ആകെ മരവിച്ച ഒരു അവസ്ഥ ആയിരുന്നു. അവളെ കണ്ടതിലുള്ള സന്തോഷം ആണോ അവളോടു ഒന്നു മിണ്ടാന്‍…

ആ പേര് എങ്കിലും അറിയാനാകാതെയിരുന്ന വിഷമമാണോ, ഒരു സമ്മിശ്ര വികാരം ആയിരുന്നു മനസ്സില്‍. അമ്മ എന്‍റെ മുഖ ഭാവം കണ്ടു എന്താ കാര്യം എന്നു തിരക്കുകയും ചെയ്തു , എങ്കിലും ഒന്നുമില്ല എന്നു പറഞ്ഞു ഞാന്‍ ഒഴിവായി, റൂമില്‍ ചെന്നു കിടന്നു. മനസ്സില്‍ അവളെ കണ്ട ആ നിമിഷം മാത്രം ആയിരുന്നു, അവളുടെ ആ മുഖം മാത്രം. ”

പ്രണയം ആണോ അതോ വെറും അട്രാക്ഷന്‍ ആണോ …അവള്‍ ആരാ… പേര് എന്താ … ഒന്നും അറിയില്ല … ആ മുഖം… ആ മുഖം ജന്മാന്തരങ്ങളായി എനിക്കു ചിരപരിചിതം ആണെന്ന് തോന്നിപ്പോകുന്നു … ഞാന്‍ എത്ര പെണ്‍കുട്ടികളെ കണ്ടിരിക്കുന്നു … എത്ര പേര്‍ എന്നോടു ഇഷ്ടം ആണെന്ന് പറഞ്ഞിരിക്കുന്നു.. എന്നിട്ടും അവരോടൊന്നും തോന്നാതിരുന്ന ആ ഒരു ഫീല്‍ എന്തു കൊണ്ട് ഇവളോടു മാത്രം തോന്നി … ശോ.. വണ്ടി നിര്‍ത്തി പേരെങ്കിലും ചോദിക്കേണ്ടതായിരുന്നു … ” ഭക്ഷണം കഴിക്കുമ്പോള്‍ പോലും അവളെ കുറിച്ച്‌ മാത്രമായിരുന്നു ചിന്ത , എങ്ങനെയോക്കെയോ കഴിച്ചു എന്നു വരുത്തി എണീറ്റു , എന്‍റെ ഏറ്റവും പ്രിയപ്പെട്ട പ്രഥമന്‍ പായസം പോലും ഞാന്‍ മറന്നു.