അനാമിക 4 [Jeevan] 285

രണ്ടാം നിലയിൽ ആയിരുന്നു റൂം, ലിഫ്റ്റും ഇല്ല. സോഫയിൽ ഇരുന്ന അവൾ ഇപ്പോൾ താങ്ങിപിടിച്ചു നടത്തിക്കൊണ്ട് പോകാനാകുന്ന പരുവമായിരുന്നില്ല. വേറെ നിവർത്തി ഇല്ലാത്തതു കൊണ്ട്‌ ഞാൻ അവളെ കയ്യിൽ കോരി എടുത്തു സ്റ്റെപ് കയറി റൂമിലേക്ക് നടന്നു.

റൂമിൽ ബെഡിൽ അവളെ കിടത്തിയപ്പോളും അവൾ അടിവയറ്റിൽ കൈ അമർത്തി കരയുന്നുണ്ടായിരുന്നു.

അവളുടെ അവസ്ഥ കണ്ടു നിക്കാൻ ആകാതെ  ഞാൻ റൂമിന് വെളിയിൽ വന്നു ആലോചിച്ചപ്പോൾ ആണ് ശ്രീയുടെ മുഖം ഓർമ വന്നത്.  ശ്രീയെ വിളിച്ചു കാര്യം പറഞ്ഞു.

ആമി ആണെന്ന് പറഞ്ഞില്ല ഒരു കസിൻ ആണെന്നെ പറഞ്ഞുള്ളു, ബാക്കി സംഭവങ്ങൾ വിവരിച്ചു. ശ്രീ ഒരു കാര്യം അവളോട്‌ ചോദിക്കാൻ പറഞ്ഞു. അത് കേട്ട് അല്പം ഞെട്ടി എങ്കിലും, ഞാൻ ചോദിക്കാൻ തീരുമാനിച്ചു.

ഞാൻ റൂമിന് ഉള്ളിൽ കയറിയപ്പോൾ അവൾ കരച്ചിൽ നിർത്തിയിട്ടില്ലായിരുന്നു. അവളുടെ അവസ്ഥ കണ്ട എനിക്ക് ലജ്ജ ഒന്നും തോന്നിയില്ല, ഞാൻ ചോദിച്ചു –

” ആമി… നിനക്ക് പീരിയഡ്സ് ആയതു ആണോ…”

അവൾ മുഖത്തു നോക്കാതെ പറഞ്ഞു-

” അതെന്നു തോന്നുന്നു ചേട്ടാ… ”

ഞാൻ വീണ്ടും റൂമിനു വെളിയിൽ വന്നു ശ്രീയെ വിളിച്ചു കാര്യം പറഞ്ഞു. എന്തായാലും റൂം എടുത്തതിൽ അവൾ എന്നെ അനുമോദിച്ചു. ശേഷം അവൾ എന്തു ചെയ്യണം എന്ന് പറഞ്ഞു തന്നു. ഞാൻ റൂം പുറത്തു നിന്നു ലോക്ക് ചെയ്തു, നേരെ ലോഡ്ജിനു വെളിയിൽ വന്നു.

കവലയിൽ ഒന്ന് നോക്കി. ഭാഗ്യത്തിന് അവിടെ തന്നെ വേണ്ട കടകൾ എല്ലാം ഉണ്ട്. ഞാൻ ആദ്യം തന്നെ മെഡിക്കൽ സ്റ്റോറിൽ പോയി. അവിടെ നിന്നും ശ്രീ പറഞ്ഞ പ്രകാരം വേദനയുടെ ഗുളികയും, മീഡിയം സൈസ് സാനിറ്ററി പാഡും വാങ്ങി.  അവിടുന്നു അടുത്തു കണ്ട ടെക്സ്റ്റയിൽ ഷോപ്പിൽ കയറി, ഇന്നർ ഗാർമെന്റ് വാങ്ങാൻ, പക്ഷെ അവിടെ സൈസ് പ്രോബ്ലം വന്നപ്പോൾ വീണ്ടും ശ്രീയെ വിളിച്ചു.

അവൾ ചോദിച്ചു “കസിൻ എന്റെ അത്രേം ഒക്കെ ബോഡി സൈസ് ആണോ അതോ തടിച്ചിട്ടു ആണോ എന്ന്…” അവളുടെ അത്രയൊക്കെ ആണെന്ന് പറഞ്ഞപ്പോൾ ഫോൺ സെയിൽസ് ഗേളിന്റെ കയ്യിൽ കൊടുക്കാൻ പറഞ്ഞു, ഞാൻ കൊടുത്തു. ആ കുട്ടി ഒരെണ്ണം എടുത്തു പാക്ക് ചെയ്തു തന്നു.

ഞാൻ പൈസ കൊടുത്തു സാധനങ്ങളുമായി ഒരു ബോട്ടിൽ വെള്ളം കൂടെ വാങ്ങി റൂമിൽ ചെന്നു. അവൾക് തലകറക്കം കുറഞ്ഞിരുന്നു.

ആദ്യം അവളെ താങ്ങി എണീപ്പിച്ചു ബെഡിൽ ചാരി  ഇരുത്തി ഗുളിക പൊട്ടിച്ചു ഗ്ലാസിൽ വെള്ളം ഒഴിച്ച്, ഗുളിക കഴിപ്പിച്ചു. എന്നിട്ടു ഇന്നർ വെയറും പാഡുമുള്ള കവർ കൊടുത്തു റൂമിനു വെളിയിൽ വന്നു. അഞ്ച് മിനിറ്റ് കഴിഞ്ഞു അവൾ വിളിച്ചപ്പോൾ ഞാൻ ഉള്ളിൽ കയറി.

അവളുടെ കരഞ്ഞു കലങ്ങിയ കണ്ണുകളിലും ക്ഷീണിച്ച മുഖത്തും ലജ്ജ നിറയുന്നതും ചുവക്കുന്നതും ഞാൻ കണ്ടു.  എന്റെ മുഖത്തു നോക്കാതെ അവൾ താഴേക്കു നോക്കി നുണക്കുഴി കവിളിൽ ഒരു നാണം നിറഞ്ഞ പുഞ്ചിരി തന്നു പറഞ്ഞു – ” താങ്ക്സ്… ” എനിക്ക് അവളുടെ ആ ഭാവം കണ്ടപ്പോൾ മുഖം കൈ കുമ്പിളിൽ കോരിയെടുത്തു ചുംബിക്കാനാണ് തോന്നിയത് എങ്കിലും കണ്ട്രോൾ ചെയ്തു ഒരു  ചിരി പാസാക്കിപ്പറഞ്ഞു, ” കുറച്ചു നേരം കൂടെ റസ്റ്റ്‌ എടുത്തിട്ട് പോകാം… ”

ഏകദേശം 30 മിനിറ്റ് കൂടെ അവിടെ ചിലവിട്ടു ഞങ്ങൾ തിരികെ പോകാൻ ഇറങ്ങി. ഞാൻ വണ്ടി സ്റ്റാർട്ട്‌ ചെയ്തു അവളും കയറി. പതിയെ വണ്ടി ഓടിച്ചു പോയിക്കൊണ്ടിരുന്നു.

നാണം കൊണ്ടു ആണെന്ന് തോന്നുന്നു, വീണ്ടും അവൾ കുറച്ചു സമയം ഒന്നും മിണ്ടിയില്ല. എനിക്കും അല്പം ചമ്മൽ തോന്നിയതിനാൽ ഒന്നും മിണ്ടാൻ കഴിഞ്ഞില്ല. അവൾ മിണ്ടുന്ന ലക്ഷണം ഒന്നും കാണാത്തപ്പോൾ ഞാൻ ചോദിച്ചു –