അകലെ 6 [Rambo] 1900

വാനരപ്പട എല്ലാം നേരത്തെ തന്നെ വന്നിട്ടുണ്ട്..വിഗ്ഗുവും കാവ്യയും മാച്ചായിട്ട ഡ്രെസ്സിട്ടേക്കുന്നെ…ഇപ്പൊ ഇവരുടെ വീട്ടുകാർ കണ്ടാ നേരെ മണ്ഡപത്തിലോട്ടെടുക്കുമോ എന്നായി എന്റെ ചിന്ത….നല്ല പെർഫക്ട് ജോടി..

കോളേജിൽ നിന്ന് പിന്നെ വിളിച്ചിരുന്നത് നമ്മടെ ജ്യോതി മിസിനേം ഹസ്ബൻഡിനെയുമാണ്…അവരെ ഒക്കെ അച്ഛനുമമ്മക്കും പരിചയപ്പെടുത്തി….

ഏട്ടന്റേം ഏട്ടത്തിടേം ഡ്രസ്സ് സെലക്ഷൻ എന്റെ ആണ്…വെറുതെയല്ല കിടു ലുക്ക്…അല്ലേലും എന്റെ സെലക്ഷൻ അങ്ങനെ പാളി പോകാറില്ല..ഒരെണ്ണമൊഴിച്ച്!!!

പക്ഷെ…ഇതൊന്നുമല്ല എന്നെ അതിശയിപ്പിച്ചേ…

അന്ന് കണ്ട മെറിൻ ചേച്ചി ദേണ്ടെടാ കല്യാണപെണ്ണിന്റെ കൂടെ…

അവരെന്നെ കണ്ടപ്പോഴേ കൈ വീശി കാണിച്ചേലും …പെട്ടെന്ന് കണ്ടതിന്റെയമ്പരപ്പിലായിരുന്ന ഞാൻ മിഴിച്ചു നിന്നെയുള്ളൂ…

പിന്നെ സംസാരിച്ചപ്പോഴാ സംഭവം ക്ലിയറായെ…പുള്ളിക്കാരിയും ഏടത്തിയും ഒരുമിച്ചു പടിച്ചിട്ടുണ്ടെന്ന്…

“”ഉവ്വ..അവനിനി എന്തു തറ പണിയേലും കാണിക്കാലോ..…

Acp നമ്മടെ ആളാണെന്ന് പറഞ്ഞ മതീലോ…”””

ഏട്ടൻ കിട്ടിയനേരം എനിക്കിട്ട് കോട്ടുവാ…മൂപ്പരങ്ങനെ പറഞ്ഞപ്പോ എല്ലാരും ചിരിച്ചെലും എനിക്കതത്ര പിടിച്ചീല…

“”ഇവിടെ ചിലരുടെ കള്ളി വെളിച്ചത്താക്കാനുണ്ട് ചേച്ചി…അധികം മെനക്കേടൊന്നുമില്ല…പെട്ടെന്ന് തീർക്കാവുന്നതെയുള്ളൂ….ചേച്ചിക്ക് മൂന്നാറൊക്കെ അറിയുന്നവരില്ലേ…??”””

ഞാനത് ഏട്ടനെ നോക്കിയ ചോദിച്ചേ….

ഏതായാലും എൽകേണ്ടിടത്തുതന്നെ ഏറ്റിട്ടുണ്ട്…നമ്മൾക്കതുമതിയെ…

കെട്ടു കഴുഞ്ഞുടനെ വീട്ടിലേക്ക് തിരിച്ചു …കൂടെ എല്ലാത്തിനേം കൂട്ടി..സദ്യവട്ടങ്ങൾ നോക്കണമല്ലോ..കുറെ അമ്മാവന്മാരുണ്ടാവുമെങ്കിലും നമ്മടെ കണ്ണ് എല്ലോടത്തും എത്തണമല്ലോ..

ഏട്ടനും ടീംസും എത്താൻ ഏതായാലും നല്ല നേരമെടുക്കും…ബാൻഡ് സെറ്റും ഉന്തുവണ്ടിയുമായ ഏട്ടന്റെ പുന്നാര ചങ്കുകൾ പുറത്ത് കാത്തുനിക്കണേ..!!

ഹാ…മറ്റുള്ളവർക്കിട്ടുകൊടുക്കുമ്പോ ആലോചിക്കണമായിരുന്നു..

പാവം ഏടത്തി…അതിന്റെ അവസ്ഥ ആലോചിച്ച എനിക്ക് ചിരി വരണേ..!!!