അകലെ 6 [Rambo] 1900

ഇതിന്റെയിടക്ക് nss ഇൽ പേരുകൊടുത്തിരുന്നു…അതിന്റെ ഭാഗമായി ഇന്ന് ഒരു മെഡിക്കൽ ക്യാമ്പ് സംഘടിപ്പിച്ചിട്ടുണ്ട്….ഇത് ഞങ്ങൾക്കൊരു പരിചയമായിക്കോട്ടെന്ന് കരുതി വെച്ചതാണെന്ന പ്രിൻസി പറഞ്ഞേ…ഈ വർഷാവസാനം വയനാട്ടിൽ വെച്ചാണ് അടുത്തതെന്നും മൂപ്പര് പറഞ്ഞിട്ടുണ്ടാർന്നു..

ചെറുതായാണേലും ഇന്നത്തെ പരിപാടിക്ക് ഉൽഘാടനത്തിനു ഏതോ പോലീസ് ഓഫീസർ ഒക്കെയാണ് വരുന്നേ..മെറിൻ എന്നാ പേരെന്നു തോന്നണു…

പത്രത്തിലും ന്യൂസിലുമൊക്കെ വളരെക്കാലമായി തിളങ്ങി നിൽക്കുന്ന പേരാണല്ലോ അത്…

സോ..നേരിൽകാണാൻ പറ്റുന്നത് തന്നെ വലിയൊരു ഭാഗ്യമായ കരുതുന്നെ..!!!

എനിക്ക് ബിപി ചെക്ക് ചെയ്യുന്ന ടീമിലാണ് കിട്ടിയേ…ആകെയുണ്ടായിരുന്നത് ഞാനും കാവ്യയും വേറെ രണ്ടു പെണ്ണുങ്ങളുമായിരുന്നു..

സത്യത്തിൽ അവരെകൊണ്ടെടെല്ലാം ചെയ്യിപ്പിക്കാം എന്നുവിചാരിച്ചിരുന്ന എനിക്ക് തെറ്റി…ഇജ്‌ജാതി മടിച്ചികൾ…കോപ്പ്

ആ കാവ്യപെണ്ണൊക്കെ ആദ്യേ എല്ലാം എന്റെ തലയിലാ കെട്ടിവെച്ച…പന്നി

ഉൽഘാടനപ്രസംഗം എല്ലാം കഴിഞ്ഞ് മെറിൻ നേരെ അകത്തേക്കാ വന്നേ…ഞാനീപ്പണിയെല്ലാം കിട്ടിയെക്കണേ കാരണം അങ്ങോട്ട് പോയിരുന്നില്ല…

എല്ലാം നോക്കി വരുന്നവഴിയിൽ എന്റെയടുത്തുവന്ന് ബിപി നോക്കിക്കൊടുക്കാൻ കയ്യും നീട്ടിയിരുന്നു…!!

ഞാനാകെ പകച്ചു പണ്ടാരമടങ്ങിപോയി…

“”എന്താടാ ജീവ മിഴിച്ചുനോക്കണേ…നീ ബിപി നോക്കിയേ…””

മെറിൻ ആണ്….

അതൂടെ കേട്ടപ്പോ എന്റെ കാറ്റുപോയി…എന്റെ പേരെടുത്ത വിളിച്ചേക്കണേ…അതും മുൻപൊരിക്കലും കണ്ടിട്ടില്ലാത്ത ഇത്രേം വല്യ ഓരോഫിസറും…!!!

ഞാൻ മാത്രമല്ല …അവിടുള്ള എല്ലാത്തിന്റേം കണ്ണുചാടിയിട്ടുണ്ട് …!!!

എങ്ങനെയൊക്കെയോ നോക്കിക്കൊടുത്തു…പോകാൻനേരം കവിളിൽതട്ടി ‘ബൈ’ എന്നുടെ പറഞ്ഞപ്പോ പിന്നൊന്നും നോക്കണ്ടല്ലോ….

അവരുപോയെപ്പിന്നെ എല്ലാംകൂടെയെന്നെ പൊതിഞ്ഞു…

എന്നോടെന്തൊക്കെയോ ചോദിച്ചെങ്കിലും എനിക്കൊരു തേങ്ങയുമാറിയില്ലല്ലോ…

പതിയെ ആളുകൾ വന്നപ്പോ അവന്മാരുടെ ചോദ്യങ്ങളൊക്കെ ഒന്നടങ്ങി….

എന്നാലും അവർക്കെങ്ങനെയെന്നെയറിയാം???

×××××××××××××××

രാവിലെത്തന്നെ എണീറ്റത് ജിതിന്റെ കാളോടുകൂടെയാണ്….ഇന്ന് ഏട്ടന്റെ കല്യാണമാണ്…ഇന്നലത്തെ പരിപാടിയൊക്കെ കഴിഞ്ഞു കിടന്നപ്പോഴേ തെല്ലുനേരമായിരുന്നു…പുലർച്ചെ പോയി മാലയും മറ്റു സാധനങ്ങളുമെത്തിക്കാൻ വേണ്ടിയാ അവനോട് നേരത്തെ വിളിക്കാൻ പറഞ്ഞേ…

ഏതായാലും ജിതിനു ലീവായത് തെല്ലൊരാശ്വാസം നൽകുന്നുണ്ട്…പോരാത്തതിന് ഏട്ടന്റെ ഒരുപാട് കൂട്ടുകാരുള്ളതും

വേഗം കുളിച്ചിട്ട് കാറുമെടുത്തിറങ്ങി…

സാധന സാമഗ്രികൾ എല്ലാം സെറ്റാക്കി നേരെ വീട്ടിലേക്ക് വിട്ടു…വീടിന്റടുത്തുള്ള ശിവക്ഷേത്രത്തിൽ വച്ചാണ് താലികെട്ട്..അച്ഛന്റെ ആഗ്രഹപ്രകാരം അങ്ങനെ ആക്കിയതാണ്..