∆ ആഴങ്ങളിൽ ∆ 2 [രക്ഷാധികാരി ബൈജു] 129

സുഭാഷ്:- ഇല്ല മോനെ. നീ ഇന്നലെ പറഞ്ഞത് അനുസരിച്ചാ ഞാൻ വന്നെ. നേരത്തേ എത്തി ഹരിയെ ശുണ്ഠി പിടിപ്പിക്കണ്ടാന്ന് കരുതി.

അമൽ:- അതേതായാലും നന്നായി.

അപ്പൊ അങ്ങനാണ്. ഇയ്യാൾ വന്നതിൻ്റെ പിന്നിൽ ഇവന്റെ ചരട് വലിയാ. ഇന്നലെ ഞാൻ കളിയാക്കി വിട്ടതിന്റെ പ്രതികാരം. ഏതായാലും അവൻ നല്ല രീതിക്കു തന്നെ എനിക്ക് പണി വെച്ചു…

“ഡാ നീ എവിടാ…. ഇവിടെയെങ്ങുമല്ലെ. ” അമലിൻ്റെ ഈ ചോദ്യമാണെന്നെ ചിന്തയിൽനിന്നും ഉണർത്തിയത്…

“ഉണ്ട്.. നിങ്ങള് പറഞ്ഞോ കേൾക്കുന്നുണ്ട്… ഞാൻ മറുപടി നൽകി…”

ആ അപ്പൊ ചേട്ടാ നമുക്ക് കാര്യത്തിലേക്ക് കടക്കാം എന്ന് പറഞ്ഞ് ഒരു കാർണവരെ പോലെ അഭി കാര്യങ്ങൾ പറഞ്ഞു തുടങ്ങി. എനിക്ക് താൽപര്യം ഇല്ലയെങ്കിലും അവർക്ക്‌ വേണ്ടി ഞാനവിടെ ഇരുന്നു കൊടുത്തു. കുറച്ച് നേരത്തെ സംസാരമെല്ലാം കഴിഞ്ഞ്.

“ഡാ നിനക്ക് ഭാവി വധുവിനെ പറ്റി വെല്ലതും പറയാൻ ഉണ്ടോ.. Any Conditions ? അമാലാണ് വീണ്ടും…”

“എന്റെ കുറവുകൾ പറഞ്ഞിട്ട് ഇഷ്ടപ്പെടുന്ന ആലോചന ഉണ്ടെങ്കിൽ നോക്കാം… ഞാനൽപ്പം താൽപര്യമില്ലാതെ പറഞ്ഞു.”

“നിനക്കതിനുമാത്രം കുറവെന്താ. വിദ്യാഭ്യാസത്തിന് ഒത്തൊരു ഗവൺമെന്റ് ജോലി ഉണ്ട്,നല്ല വീടുണ്ട് അത്യാവശ്യം ചുറ്റുപാടും. എന്നിട്ട് കുറവ് പറഞ്ഞു ഇഷ്ടായാൽ മതി പോലും. ചേട്ടൻ ഇവന്റെ യോഗ്യതക്ക് ഒത്തൊരു ആലോചനയുമായി വാ നമുക്ക് നോക്കാം.”

ഇത്രയും പറഞ്ഞ് അഭി നിർത്തിയപ്പോ ഞാൻമെല്ലെ എഴുന്നേറ്റെൻ്റെ റൂമിലേക്ക് പോയി. അവർ ഉമ്മർത്തിരുന്ന് എന്തെല്ലാമോ പിന്നേം പറഞ്ഞു. ഞാൻ റൂമിൽ എത്തി ബാത്റൂമിൽ കയറി കുളി കഴിഞ്ഞു വന്നപ്പോഴേക്കും എന്റെ കട്ടിലിൽ അവരുടെ പിള്ളേര് സ്ഥാനം പിടിച്ചിരുന്നു. ഞാൻ മെല്ലെ അവരുടെ എടുത്ത് കളിച്ചിരിയും കൊണ്ടു നിന്ന നേരത്താണ്.

“ആയകാലത്ത്‌ കെട്ടിയിരുന്നേൽ ഇപ്പോ ഈ പിള്ളേര്‍ക്കൊപ്പം ഒരു കൊച്ചുകൂടി കണ്ടേനേം.” അഭിയാണ്‌ പറഞ്ഞത് അവന് പിൻതാങ്ങലുമായി അമലും പുറകിലുണ്ട്.

അവനാ പറഞ്ഞതിന് മറുപടിയൊന്നും ഞാൻ നൽകിയില്ല. മറുപടി പറയാനില്ല അതുതന്നെ കാര്യം.