ആഴങ്ങളിൽ 2

Aazhangalil Part 2 | Author : Rakshadhikaari Baiju | Previous Part

 

[ ആദ്യ ഭാഗം മോശം ആയില്ല എന്ന വിശ്വാസത്തിൽ എഴുതുന്നു…തുടർന്ന് വായിക്കുക?? ]

 

അങ്ങനെ അമ്മവന്ന് ഉമ്മറത്തൽപ്പം നിന്നില്ല അതേ നേരം മുറ്റത്ത് ഒരു ബൊലീറോ വന്നു നിന്നു.

 

അമലും അഭിയും… ദൈവമേ ഇവന്മാരെന്താ ഈ രാവിലെ. അതും വരാൻ കണ്ടൊരു നേരം. ഇത് ചിന്തിച്ചു തീരുംമുമ്പെ പിന്നിൽ നിന്നും അവരുടെ ഭാര്യമാരും കുട്ടികളുമിറങ്ങി.

 

“ആഹാ മക്കളെല്ലാമുണ്ടല്ലോ ഇന്ന്. വാ കേറി വാ…” അവരെ കണ്ടപാടെ

അമ്മ എല്ലാവരേം ഉള്ളിലേക്ക് ക്ഷണിച്ചു.

ഇന്നവർക്കൊപ്പം കുട്ടികളെ കൂടി കണ്ടതിനാൽ അമ്മക്കിന്ന് സന്തോഷം പതിവിലും ഇരട്ടിയായി. ബ്രോക്കർ സുഭാഷിനും അവരുടെ വരവ് നല്ല സമാധാനം നൽകി. ചുരുക്കത്തിൽ ഇൗ വന്നവരു കാരണം അവിടെ നിന്ന എനിക്കൊഴിച്ച് ബാക്കി രണ്ടാൾക്കും നല്ല സമാധാനം. ഇനി അവിടെ നിൽക്കുന്നത് പന്തിയല്ലന്നുറപ്പുള്ള ഞാൻ മെല്ലെ ഉള്ളിലേക്ക് പിൻവലിയാൻ തുടങ്ങിയപ്പോഴാണ്.

 

“എങ്ങോട്ടേക്കാടാ അഭിയുടെ ചോദ്യമായിരുന്നു അത്…. ആള് കൂട്ടുകാരനാ  കൂട്ടത്തിലെ അവസാന വാക്ക് അവൻ്റെയാണ്. ചുരുക്കിപ്പറഞ്ഞാൽ കൂട്ടത്തിലെ കാർണോര്…”

 

“അല്ലടാ നിങ്ങളൊക്കെ വന്നതല്ലേ ഇൗ വേഷം ഒന്നു മാറി കുളിച്ചിട്ട് വേഗം വരാം…”

 

“ആ ഇപ്പൊ നീ പോകണ്ട അവിടെ ഇരിക്ക്. നിന്നോട് കുറച്ച് സംസാരിക്കാനുണ്ട്.”

 

ആ അപ്പൊ ആ കാര്യത്തിൽ തീരുമാനമായി ഞാൻ ഉള്ളിലോർത്ത്…..

 

“നിങ്ങളും അമ്മയും ഉള്ളിലേക്ക് ചെല്ല് വെല്ലതും കഴിക്കാനൊക്കെ ഉണ്ടാക്ക്‌.”

 

അമലാണ് ആ പറഞ്ഞത്. ഇന്നലെ കടന്നലു കുത്തി വീർപിച്ചപോലെ പോയ മുഖത്തിന്ന് നല്ല ചിരി. ഇന്നലെ കല്യാണ കാര്യം സംസാരിച്ച ശേഷം എനിക്ക് അവൻ മുഖം തന്നിരുന്നില്ല. ആ അവൻ ഇന്ന് എന്നെ തന്നെ നോക്കി ചിരിയാണ്. എന്തോ ഒരു പന്തികേടുണ്ട് അവൻ്റെ ഭാഗത്ത്. വരട്ടെ നോക്കാം.ഇങ്ങനൊക്കെ ചിന്തിച്ച നേരമാണ്…

 

അമൽ:- ചേട്ടൻ വന്നിട്ട് അധികനേരം ആയോ..?