ഡെറിക് എബ്രഹാം 12 [അഹമ്മദ് ശഫീഖ് ചെറുകുന്ന്] 167

ഡെറിക് എബ്രഹാം 12
( In the Name of COLLECTOR )

~~~~~~~~~~~~~~~~~~~~~~~~~~

✒️ അഹമ്മദ് ശഫീഖ് ചെറുകുന്ന്

PART 12

Previous Parts

 

സുഹൃത്തുക്കളെ,

 

ഇതിന്റെ അവസാന പാർട്ട്‌ എഴുതിയിട്ട് ഏകദേശം മൂന്ന് മാസം കഴിഞ്ഞിട്ടാണ് പുതിയ പാർട്ട്‌ പോസ്റ്റ്‌ ചെയ്യുന്നത്…

ആദ്യം തന്നെ ഇത്രയും വൈകിപ്പിച്ചതിന് വായനക്കാർ ക്ഷമിക്കണം… തീരെ ഒഴിച്ച് കൂടാൻ പറ്റാത്ത പേർസണൽ പ്രോബ്ലെം വന്നത് കൊണ്ടാണ് കഥ നിന്ന് പോയത്….

ഇനി ഇങ്ങനെയുള്ള ഗ്യാപ് വരില്ല….

ഇത്രയും നാൾ ഉണ്ടായ സപ്പോർട്ട് ഇനിയും പ്രതീക്ഷിക്കുന്നു 

 

 

“ചാന്ദ്നി….

അങ്ങനെയൊരാളുണ്ട് അവരുടെ ജീവിതത്തിൽ….പേര് പോലെ തന്നെ അവരുടെ ജീവിതത്തിലിന്നും നീല നിലാവായി തിളങ്ങി നിൽക്കുന്ന മാലാഖ…

ആദിയെ ജീവനേക്കാളേറെ ഇഷ്ടപ്പെടുന്നവൾ….

അതിലേറെ , ആ മക്കളെ കണ്ണിലെ കൃഷ്ണമണി പോലെ കാണുന്നവൾ…

പല തവണ അകറ്റാൻ നോക്കിയിട്ടും പതിന്മടങ്ങ് അവനോട് അടുത്തവൾ…

ആദി അവർക്ക് അച്ഛനാണെങ്കിൽ ചാന്ദ്നി അമ്മയാണ്….ആദിയുടെ ജീവിതത്തിൽ ഒരു പെണ്ണുണ്ടെങ്കിൽ അത് ചാന്ദ്നിയായിരിക്കുമെന്ന് എപ്പോഴേ നിശ്ചയിക്കപ്പെട്ടിട്ടുള്ളതാണ്… ആദി ഇഷ്ടപ്പെടുന്നതിനേക്കാൾ എത്രയോ മടങ്ങ് , ആ കുട്ടികൾ ചാന്ദ്നിയെ ഇഷ്ടപ്പെടുന്നുണ്ട്…

അവൾക്ക്‌ തിരിച്ചും അത് പോലെ തന്നെയാണ്…

അതിൽ അത്ഭുതമെന്തെന്നാൽ , അവളെ കീർത്തിയും ജൂഹിയും നേരിട്ടിത് വരെ കണ്ടിട്ട് പോലുമില്ല…. എന്നിട്ടും ഇങ്ങനെ സ്നേഹിക്കുന്നുവെങ്കിൽ ആ സ്നേഹത്തിന്റെ വ്യാപ്തി എത്രയായിരിക്കും….

 

പിന്നെ ആദി , അവൻ തന്റെ ആഗ്രഹങ്ങളും മോഹങ്ങളും ത്യാഗം ചെയ്ത് കൊണ്ടാണ് ജീവിതം മുന്നോട്ട് കൊണ്ട് പോയിക്കോണ്ടിരിക്കുന്നത്… തന്നിൽ വന്നു ചെരേണ്ട പല സൗഭാഗ്യങ്ങളും ആ കുട്ടികൾക്ക് വേണ്ടി അവൻ തട്ടിക്കളഞ്ഞു…. പലതും ക്ഷമിച്ചും സഹിച്ചുമാണ് അവൻ ഇവിടെ കഴിയുന്നത് തന്നെ..അവനിവിടെ വരുന്നത് വരെ ഒരു ചൂടൻ ചെമ്മീന്റെ സ്വഭാവമായിരുന്നു…എന്തിനും ആരോടും തട്ടിക്കയറുന്ന പ്രകൃതം…

നിങ്ങളൊക്കെ കാണുന്ന ആദി വളരെ സൗമ്യനല്ലേ…

ആ മക്കൾക്ക് വേണ്ടി അവന്റെ സ്വഭാവം പോലും അവൻ പണയം വെച്ചിരിക്കുകയാണ്….