ഡെറിക് എബ്രഹാം 12 [അഹമ്മദ് ശഫീഖ് ചെറുകുന്ന്] 167

അവിടെയാണ് തോൽവിയിലായാൽ പോലും നമ്മൾ ജയിക്കുന്നത്….”

ഇതൊക്കെ കേട്ട് അന്തം വിട്ടും കൊണ്ട് , തന്നെ തുറിച്ചു നോക്കി നിൽക്കുന്ന മീരയുടെ മുഖത്ത് വിരിയുന്ന ഭാവങ്ങൾ കണ്ടപ്പോഴാണ് അവൻ , താനെന്താണ് ഈ പറഞ്ഞതെന്ന പുനർചിന്തയിലേക്ക് വന്നത്….

“ഞാനെന്തിനാ ഇത് നിന്നോട് പറയുന്നത്…അല്ലേ…

സാഹചര്യം വെച്ചു നോക്കുമ്പോൾ ഈ വാക്കുകൾക്ക് ഇവിടെ യാതൊരു പ്രസക്തിയുമില്ലല്ലോ…..”

അവന്റെ ചമ്മൽ കണ്ടപ്പോൾ മീരയ്ക്ക് ചിരി വന്നു…. അവളുടെ മുഖത്ത് വിരിഞ്ഞ പുഞ്ചിരി കണ്ടപ്പോൾ തന്നെ ആദിക്ക് പകുതി ആശ്വാസമായി….

“ദാ… ഈ ചായ കുടിക്ക്… ”

അവൾക്കായി അവിടെ ചായ തയ്യാറായിരുന്നു..

” മീരാ….മാമിയും കുട്ടികളും എന്നോടെല്ലാം പറഞ്ഞിരുന്നു…ഒരാളോട് ഇഷ്ടം തോന്നുന്നതൊന്നും അത്ര വലിയ തെറ്റൊന്നുമല്ലടോ…അതിന് പറ്റിയ ഒരാളോടല്ല തനിക്ക് തോന്നിയത് എന്നേയുള്ളൂ…

അത് കാരണം ഇങ്ങനെ സങ്കടപ്പെടേണ്ട കാര്യമൊന്നുമില്ല…

അങ്ങനെയാണെങ്കിൽ ഞാനൊക്കെ ഒരു സങ്കടക്കടൽ തന്നെ നിർമിച്ചിട്ടുണ്ടാകും…”

അതെങ്ങനെയെന്ന ഭാവത്തിൽ അവളവനെ നോക്കി നിന്നു…