?കരിനാഗം 4? [ചാണക്യൻ] 225

പക്ഷെ തന്റെ ഫോണിൽ രാധമ്മയും ആലിയയും നിർത്താതെ വിളിച്ചു കൊണ്ടിരുന്നത് അവന്റെ ശ്രദ്ധയിൽ പെട്ടില്ല.

ട്രെയിനിലെ സിറ്റിംഗ് സീറ്റിലിരുന്ന് പുറത്തെ കാഴ്ച്ചകൾ കാണുകയായിരുന്നു സിന്ധൂരി.

വല്ലാത്ത ആത്മസംപ്തൃപ്തി അവളെ പൊതിഞ്ഞിട്ടുണ്ട്.

ഓരോ നിമിഷവും മനസാലെ അവൾ മഹിയ്ക്ക് നന്ദിയും സ്നേഹാദരവും സമർപ്പിച്ചുകൊണ്ടിരുന്നു.

പെട്ടെന്ന് ഒരു ദുർബല നിമിഷത്തിൽ ബാഗിൽ നിന്നും അവൻ തന്ന കടലാസ് അവൾ കയ്യിലേക്കെടുത്തു.

അതിൽ രേഖപ്പെടുത്തിയ നമ്പറിലേക്ക് അവൾ കണ്ണും നട്ടിരുന്നു.

പെട്ടെന്ന് വിന്ഡോയിലൂടെ അടിച്ചു കയറിയ കാറ്റ് അവളുടെ വിരലുകളിൽ സ്ഥാനം പിടിച്ചിരുന്ന പേപ്പർ കഷ്ണത്തെ ജനലഴികളിലൂടെ ഒരു അഭ്യാസിയെ പോലെ അപഹരിച്ചു കൊണ്ടു പോയി.

ആ പേപ്പർ നഷ്ടപ്പെട്ടെന്ന വസ്തുത അവളുടെ ബോധമണ്ഡലത്തെ കീഴ്പ്പെടുത്തിയതും വിലപ്പെട്ട നിധി നഷ്ടമായ പോലെ അവളുടെ കണ്ഠത്തിൽ നിന്നും തീരാ വിഷാദം പ്രതിധ്വനിക്കുന്ന ഭ്രാന്തമായ ആർത്ത നാദം ഉയർന്നു.

.
.
.
.

ലക്കും ലഗാനുമില്ലാതെയായിരുന്നു ഈ സമയം മഹാദേവിന്റെ പോക്ക്.

അങ്കിതയെ സുരക്ഷിതമായി തിരിച്ചേൽപ്പിച്ചെങ്കിലും അവന്റെ മനസ് കലുഷമായിരുന്നു.

സംഭവത്തിന്‌ ശേഷം ജഗൻജ്ജായുടെ മകനെ പറ്റി ഒരു വിവരവുമില്ല.

ആൾ ഒളിവിലാണ്.

ജോധ്പൂരിന്റെ മുക്കും മൂലയും അവൻ തിരഞ്ഞു.

എവിടെയും അവനെ കണ്ടെത്താൻ കഴിഞ്ഞില്ല.

അധിക നേരം ഈ അംബാസിഡർ കാറിൽ കറങ്ങുന്നതും പന്തിയല്ല.

ദീദിയുടെ ആൾക്കാർ തന്നെ തിരിച്ചറിയാൻ സാധ്യതയുണ്ട്.

നിരാശയോടെ തിരിച്ചു ഗ്രാമത്തിലേക്ക് പോകാൻ തുനിയുമ്പോഴാണ് അവന്റെ ഫോൺ ശബ്ദിച്ചത്.

മഹി പെട്ടെന്ന് തന്നെ അതെടുത്തു നോക്കി.