💫 Fallen Star 💫 1

Author : illusion wich

Fallen star

 

” ടീം c, B റാങ്ക് StarWalker ജീവൻ ശേഖർ, B റാങ്ക് StarWalker നീതു വിശ്വൻ, D റാങ്ക് StarWalker ജീന ജയ്, D റാങ്ക് Starwalker ഡേവിഡ് ജോൺ, D റാങ്ക് Starwalker അക്ബർ അലി, and F റാങ്ക് Starwalker താര സാഗർ ” സഫീന മിസ്സ്‌ ടീം c യിലെ അംഗങ്ങളുടെ പേര് പറഞ്ഞു. സത്യത്തിൽ ആ കൂട്ടത്തിൽ എന്റെ പേര് ഉണ്ടെന്നു കേട്ടപ്പോൾ ഞാൻ ശരിക്കും ഞെട്ടി.

 

 

ജീവനും നീതുവും, ക്ലാസ്സിലെ ടോപ് റാങ്ക് Starwalkers. അവരുടെ ടീമിൽ അംഗം ആണെന്ന് അറിഞ്ഞപ്പോ ടീമിലെ ബാക്കി മൂന് പേരും വളരെ സന്തോഷത്തിലാണ്, ക്ലാസ്സിലെ മുഴുവൻ കുട്ടികളും ഞങ്ങളെ കുശുമ്പും സങ്കടവും നിറഞ്ഞ കണ്ണുകളോടെ നോക്കി. പക്ഷെ… അത് അറിഞ്ഞപ്പോൾ ഞാൻ നിന്നിരുന്ന മണ്ണ് ഉരുകി ഒലിച് പോവുന്ന പോലെ യാണ് എനിക്ക് തോന്നിയത്. വല്ലാത്ത ഒരു ടെൻഷൻ എന്നിൽ വന്നു നിറഞ്ഞു…

 

 

ഞാൻ താര സാഗർ, ക്ലാസ്സിലെ.. അല്ല അക്കാഡമി യിലെ തന്നെ ഏറ്റവും വീക്ക് starwalker. An F റാങ്ക്. നീതുവും ജീവനും അവർ എന്റെ സുഹൃത്തുക്കൾ ആണ്.. അല്ല ആയിരുന്നു എന്ന് വേണം പറയാൻ. നീതു ഒന്നാം ക്ലാസ്സ്‌ മുതൽ ഉള്ള എന്റെ ബെസ്റ്റി ആയിരുന്നു ജീവൻ ആണേൽ കുഞ്ഞിലേ മുതൽ ഞാൻ മനസ്സിൽ കൊണ്ട് നടന്നിരുന്ന എന്റെ ഫസ്റ്റ് ലവ്. എന്റെ അച്ഛനും അവന്റെ അച്ഛനും സുഹൃത്തുക്കൾ ആയിരുന്നു. കോളിഗ്സ്. അവർ രണ്ടുപേരും ഒരേ guild ന് വേണ്ടി വർക്ക്‌ ചെയ്തിരുന്ന Starwalker സ് ആയിരുന്നു. ജീവന്റെ അച്ഛൻ അവനെ പോലെ തന്നെ ഒരു B റാങ്ക് സ്റ്റാർവാക്കർ ആയിരുന്നു, പക്ഷെ എന്റെ അച്ഛൻ എന്നെ പോലെ ഒരു വീക്ക് f റാങ്ക് ആയിരുന്നില്ല, പകരം ഇവരേക്കാൾ ഒക്കെ പവർഫുൾ ആയിരുന്ന ഒരു A റാങ്ക് ആയിരുന്നു എന്റെ അച്ഛൻ…

 

 

അന്ന് എനിക്ക് പതിനഞ്ചു വയസ്സ് ആയിരുന്നു പ്രായം, ഞാനും അച്ഛനും അമ്മയും എന്റെ പത്തു വയസുള്ള അനിയനും ഒക്കെ കൂടി ഒരു ബീച്ചിൽ പോയതായിരുന്നു. ഞങ്ങൾ എല്ലാരും നല്ല സന്തോഷത്തിൽ ആയിരുന്നു…

 

പക്ഷെ….

 

 

എല്ലാം മാറി മറിഞ്ഞത് വളരെ പെട്ടന്ന് ആയിരുന്നു.. സ്റ്റാർ ബ്യൂറോയുടെ റേഡാറിൽ പെടാതെ പോയ ഒരു പീക്ക് A ക്ലാസ്സ്‌ ക്രാക്ക് ഗേറ്റ് അവിടെ ഉണ്ടായിരുന്നു അന്ന് അത് ഓപ്പൺ ആയതിന്റെ ഏഴാം ദിവസം ആയത് കൊണ്ട് ആ ഗേറ്റ് തകർത്ത് മോൺസ്റ്റർസ് പുറത്തു വന്നു. ഗേറ്റ് തകർന്ന പ്പോൾ പുറത്ത് വന്ന സ്റ്റാർ എന്നർജി വേവ് അടിച് ബീച്ചിൽ ഒരുപാട് ആ നിമിഷം തന്നെ ചാരമായി തീർന്നു, എന്റെ അമ്മ അടക്കം ഉള്ള ചിലരുടെ ബോധം പോയി. ബാക്കി ഉള്ളവരെ മോൺസ്റ്റർസ് പിച്ചി ചീന്തി. അവിടെ ഉണ്ടായിരുന്നവരെ രെക്ഷപെടുത്താൻ ശ്രമിക്കുന്നതിന് ഇടയിൽ എന്റെ അച്ഛനെ ആ മോൺസ്റ്റർസ് എന്റെ കണ്മുന്നിൽ ഇട്ട്……..

 

എന്റെ അച്ഛന്റെ ക്രൂരമായ മരണം ഞാൻ എന്റെ കണ്ണ് കൊണ്ട് കണ്ടു… Ogre എന്നെ വിളിക്കുന്ന ആ മോൺസ്റ്റർസ് എന്റെ അച്ഛന്റെ തല ഉടലിൽ നിന്ന് പറിച്ചെടുക്കുന്നത് ഒന്ന് അലറി കരയാൻ പോലും പറ്റാതെ തളർന്ന് ഇരുന്നു കാണാനേ എനിക് പറ്റിയുള്ളൂ…

 

 

 

അല്പ സമയം കൂടി കഴിഞ്ഞപ്പോൾ സ്റ്റാർ ബ്യൂറോയിലെ ആളുകളും അടുത്തുള്ള guild ലെ സ്റ്റാർവാക്കർസ് മോൺസ്റ്റർ hunting ടീമും വന്ന് ഞങ്ങളെ രക്ഷപെടുത്തി എങ്കിലും എല്ലാം വൈകി പോയിരുന്നു. എനിക്ക് എല്ലാം നഷ്ടപ്പെട്ടിരുന്നു. എന്റെ അച്ഛൻ മരിച്ചു, അമിതമായി സ്റ്റാർ എനർജി ദേഹത്തു പതിച്ചകൊണ്ട് അമ്മ കോമയിൽ ആയി, ഞാനും എന്റെ പത്തു വയസു കാരൻ അനിയനുമാണ് അപകടം ഒന്നും ഇല്ലാതെ രക്ഷപെട്ടത്.