?ചെകുത്താൻ 3 (WHITE OR DARK )?

Author : സേനാപതി

 
ചുമരിലെയും ഷോക്കേസിലെയും ഫോട്ടോസ് കണ്ട് നയന ആശ്ചര്യത്തോടെ ഇരുന്നു……

വിവിധ തരത്തിലുള്ള fighting  മത്സരങ്ങളിൽ പങ്കെടുത്ത് വിജയിച്ചു നിൽക്കുന്ന വിച്ചുവിന്റെയും കിച്ചുവിന്റേയും ഫോട്ടോസ് ആണ് മുഴുവൻ…..

അവർക്ക് 15 വയസ്സ് ഉള്ളപ്പോൾ മുതൽ എടുത്ത ഫോട്ടോസ് ആണ് മുഴുവൻ….

-ഇതിലേതാ വിഷ്ണു?

നയന അവർ രണ്ടുപേരും ഒരുമിച്ചുള്ള ഒരു ഫോട്ടോ കാണിച്ചു സീതയോട് ചോദിച്ചു.

-Right ഉള്ളത് വിച്ചുവേട്ടൻ Left കിച്ചുവേട്ടൻ

അമ്മുവാണ് ഉത്തരം പറഞ്ഞത്….

-ഇവർ martial arts പഠിച്ചിട്ടുണ്ടോ?

നയന ആശ്ചര്യത്തോടെ തന്നെ അമ്മുവിനോട് ചോദിച്ചു….

-എന്റെ മോളെ അങ്ങനെ ഒരു കുഴപ്പം എന്റെ മക്കൾക്ക് ഉണ്ട് എല്ലാത്തിനും ഇങ്ങേരെ പറഞ്ഞാൽ മതിയല്ലോ..

സീത ഫുഡ്‌ കഴിച്ചോണ്ടിരിക്കുന്ന ദാമോദരനെ കാണിച്ചു പറഞ്ഞു..

അത് കേട്ട് ദാമോദരൻ ഒന്ന് പുഞ്ചിരിച്ചു..

-ഏട്ടത്തി അവർ 15 വയസ്സ് മുതൽ martial arts parctice ചെയ്യുന്നവരാണ്….

അമ്മു പറഞ്ഞു…..

അപ്പോഴാണ് ചുമരിൽ ഫോട്ടോകൾക്ക് ഇടയിൽ ഒരു ഫോട്ടോ മാല ഇട്ട് വച്ചിരിക്കുന്നത് നയന ശ്രദ്ധിച്ചത്, നയന എഴുന്നേറ്റ് ആ ഫോട്ടോയുടെ അടുത്തേക്ക് നടന്നു….

-ഇതാരുടെ ഫോട്ടോയാ?

നയന ആ ഫോട്ടോ ചൂണ്ടി കാണിച്ചു കൊണ്ട് ചോദിച്ചു…..

അത് കേട്ടതും സന്തോഷത്തോടെ ഇരുന്നിരുന്ന സീതയുടെയും ദാമോദ രന്റെയും മുഖത്ത് ദുഃഖം നിഴലടിക്കാൻ തുടങ്ങി……

-ഞാൻ പോവുന്നു….

അതും പറഞ്ഞു അമ്മു എഴുന്നേറ്റ് മുകളിൽ തന്റെ റൂമിലേക്ക് നടന്നു….