?Lovebirds?(S1-climax)[രാവണാസുരൻ(Rahul)] 337

എനിക്ക് ആൺമക്കൾ രണ്ടാണ് നിങ്ങൾക്ക് വേറെ ബുദ്ധിമുട്ട് ഒന്നുമില്ലേൽ എന്റെ രണ്ടാമത്തെ മകൻ അർജുൻ മോളെ ഇന്ന് ഇവിടെ വച്ചു വിവാഹം കഴിക്കും.അമ്മ പറഞ്ഞു

എന്റെ മുഴുവൻ കിളിയും പറന്നു.ചേട്ടന്റെ കല്യാണത്തിന് വന്നിട്ട് നടക്കാൻ പോകുന്നത് എന്റെ കല്യാണം.ചിന്തിക്കാൻ പോലും കഴിയുന്നില്ല മഞ്ജിമയോട് ഇഷ്ടക്കേടൊന്നും ഇല്ലെങ്കിലും പെട്ടെന്ന് ഇങ്ങനെ ഒരു അവസ്ഥയോട് പൊരുത്തപ്പെടാൻ എനിക്ക് പറ്റുന്നില്ല.

അച്ഛനും അമ്മയും അവളുടെ അച്ഛനെയും അമ്മയെയും മാറ്റി നിർത്തി എന്തൊക്കെയോ സംസാരിച്ചു.എന്നിട്ട് അമ്മ എന്റെ അടുത്തേയ്ക്ക് വന്നു.

അജു നിനക്ക് ഇങ്ങനെ ഒരു തീരുമാനം എടുത്തതിൽ അമ്മയോട് എന്തെങ്കിലും ദേഷ്യം തോന്നുന്നുണ്ടോ?
അവരുടെ അവസ്ഥ കണ്ടില്ലേ മോനെ ഒരു കല്യാണത്തിന് എല്ലാ സജ്ജീകരണങ്ങളും നടത്തിയിട്ടു ഇത് നടന്നില്ലെങ്കിൽ അവരുടെ മാനം പോകും അതും നമ്മൾ കാരണം.
മോന്റെ ഇഷ്ടമില്ലാതെ അമ്മ ഇങ്ങനെ ഒരു തീരുമാനം എടുത്തത് തെറ്റു തന്നെയാണ് പക്ഷെ അവരുടെ അവസ്ഥ കണ്ടപ്പോ ഇതല്ലാതെ എന്റെ മുന്നിൽ വേറെ ഒരു മാർഗ്ഗവും ഉണ്ടായിരുന്നില്ല.ഞാനും നിന്റെ അച്ഛനും ഇവിടെ വന്നു അവരോട് ക്ഷമചോദിച്ചിട്ട് പോകാൻ വന്നതാ പക്ഷെ അവരുടെ അവസ്ഥ കണ്ടപ്പോൾ.അങ്ങനെ ചെയ്യാൻ തോന്നിയില്ല. അമ്മ പറഞ്ഞു

എനിക്ക് എന്തിനാ അമ്മയോട് ദേഷ്യം
അമ്മ എന്തായാലും എന്റെ നല്ലതിനല്ലേ പറയു.എനിക്ക് അവനോടാ ദേഷ്യം അച്ഛനെയും അമ്മയെയും ഇങ്ങനെ ഒരു അവസ്ഥയിൽ ആക്കിയില്ലേ.ഞാൻ പറഞ്ഞു

മോനിപ്പോ അതൊന്നും ചിന്തിക്കണ്ട.
ടാ നീ ഇപ്പോഴും പോയി നീലകളർ ഷർട്ട് വാങ്ങി അല്ലേ?എത്ര പറഞ്ഞാലും കേൾക്കില്ല ചെക്കൻ.അമ്മയുടെ ഉപദേശങ്ങൾക്കൊപ്പം തന്നെ സ്നേഹ ശകാരവും കിട്ടി

അപ്പൊ ഇനി ആ ചടങ്ങ്.എനിക്ക് ആദ്യമായി ഇഷ്ടപ്പെട്ട പെണ്ണിന്റെ കഴുത്തിൽ അപ്രതീക്ഷിതമായി താലികെട്ടാൻ അവസരം ലഭിച്ച ശുഭ മുഹൂർത്തം.പക്ഷെ അവൾക്ക് ഇതൊക്കെ അംഗീകരിക്കാൻ പറ്റുമോ എന്നറിയില്ല.ഒരാളുടെ കൂടെ പുതിയൊരു ജീവിതം സ്വപ്നം കണ്ടിട്ട് പെട്ടന്ന് മറ്റൊരാളുടെ കൂടെയുള്ള ജീവിതം.
അർജുൻ നീ അവൾക്ക് കുറച്ചു സമയം കൊടുക്കണം.ഞാൻ ഇതൊക്കെ എന്നെതന്നെ പറഞ്ഞു പഠിപ്പിച്ചു

എല്ലാം വളരെ പെട്ടന്നായിരുന്നു.കല്യാണത്തിന് വന്നവരോട് കാര്യങ്ങൾ പറഞ്ഞു എന്നിട്ട് അവളുടെ അച്ഛനും ബന്ധുക്കളും വരനെയും കൂട്ടരെയും സ്വീകരിച്ചു കതിർമണ്ഡപത്തിൽ ഇരുത്തി.ഈ കതിർ മണ്ഡപത്തിൽ ഇരിക്കുമ്പോൾ എന്റെ ഹൃദയം പെരുമ്പറ മുഴക്കുന്നുണ്ട്.പൂജാരി എന്തൊക്കെയോ മന്ത്രങ്ങൾ പറഞ്ഞു എന്നിട്ട് പെണ്ണിനെ കൊണ്ടുവരാൻ പറഞ്ഞു.