?Lovebirds?(S1-climax)[രാവണാസുരൻ(Rahul)] 337

അമ്മയോ അച്ഛനോ ഒന്നും പറഞ്ഞില്ല.അമ്മ എന്നെ ചേർത്തുപിടിച്ച് തലമുടിയിൽ തലോടി ആശ്വസിപ്പിച്ചു.

ഐസിയു വിന്റെ മുന്നിൽ അടുത്തടുത്ത കസേരകളിൽ ആയിരുന്നിട്ട് അമ്മയുടെ തോളിൽ ചാരി കിടക്കുവായിരുന്നു ഞാൻ
എന്റെ അടുത്തായി അഞ്ജുവും ഇരിപ്പുണ്ട്.അമ്മ എന്റെ തലയിൽ തലോടിക്കൊണ്ട് പറഞ്ഞു തുടങ്ങി.

മോളെ അവനു ഒരു പെൺകുട്ടിയെ ഇഷ്ടമാണെന്ന് അറിയാമായിരുന്നു പക്ഷെ അത് ആരാണെന്ന് അവൻ ഞങ്ങളോട് നാട്ടിൽ വന്നിട്ട് പറയാം എന്നാണ് പറഞ്ഞിരുന്നത്.നാട്ടിൽ വരുന്നവഴിക്ക് ആക്‌സിഡന്റ് ആയി പക്ഷെ അവന്റെ അച്ഛനും ഞാനും അവന്റെ ഫ്രണ്ട്സിനോട് ഒക്കെ അവന്റെ കാമുകിയെക്കുറിച്ച് അന്വേഷിച്ചിരുന്നു.പക്ഷെ അവർക്കാർക്കും അവനു ഒരു കാമുകി ഉള്ളതായി അറിയില്ല എന്നാണ് പറഞ്ഞത്.ബോധം തെളിഞ്ഞപ്പോ അവനോടും ചോദിച്ചിരുന്നു പക്ഷെ പറയാനുള്ള ഓർമ്മ എന്റെ കുട്ടിക്ക് ഇല്ലെന്ന് അപ്പോഴാ മനസ്സിലായത്.

കല്യാണം മുടങ്ങിയപ്പോഴുള്ള നിന്റെയും നിന്റെ വീട്ടുകാരുടെയും അവസ്ഥ ചിന്തിച്ചു മാത്രമാണ് അവനെ ഇങ്ങനെ ഒരു കല്യാണത്തിന് നിർബന്ധിച്ചത്.അപ്പോഴും പ്രാർത്ഥന ഒന്ന് മാത്രമായിരുന്നു അവൻ ഒരിക്കലും ഒരു പെൺകുട്ടിയെ പറ്റിച്ചവൻ ആകരുത്.അവൻ ഒരു പെൺകുട്ടിയെ ചതിച്ചു എന്ന അവസ്ഥ ഞാൻ കാരണം ഉണ്ടാകരുത്.ദൈവം എന്റെ പ്രാർത്ഥന കേട്ടു
അറിഞ്ഞുകൊണ്ട് എന്റെ കുട്ടി ഒരാളെയും ചതിച്ചിട്ടില്ല.ഇപ്പൊ അറിയാതെപോലും ഒരാളെ ചതിച്ചു എന്ന് പറയാൻ ഉള്ള അവസരം ദൈവം ഉണ്ടാക്കിയില്ല
അമ്മയ്ക്ക് സന്തോഷമായി.

ഇത്രയും പറഞ്ഞ് അമ്മ എന്നെ ചേർത്ത് പിടിച്ചു കരഞ്ഞു.ഞാനും ഒരുനിമിഷം എങ്കിലും എന്റെ അജുവിനെ സംശയിച്ചത് ഓർത്ത് പിന്നെയും കണ്ണുനീർ പൊഴിച്ചു.

അമ്മ എന്നെ എഴുന്നേല്പിച്ചിട്ട് കണ്ണുനീർ തുടച്ചുകൊണ്ട് പറഞ്ഞു.
മോള് എന്തിനാ കരയുന്നെ അവന് ഒരു കുഴപ്പവും വരില്ല.ഇപ്പൊ മോളുടെ പ്രാർത്ഥന കൂടെ അവനോടൊപ്പം ഇല്ലേ.

ഞങ്ങൾ ആ രാത്രി ഹോസ്പിറ്റലിൽ തന്നെ കഴിച്ചു കൂട്ടി.വെളുപ്പിന് ഡോക്ടർ ജേക്കബ് ഐസക് വന്നിട്ട് അമ്മയെയും അച്ഛനെയും പുള്ളിയുടെ റൂമിലേക്ക് വിളിപ്പിച്ചു അമ്മ എന്നെയും കൂടെ കൂട്ടി.

ഡോക്ടർ അച്ഛൻ ഗ്ലാസ്‌ ഡോറിനടുത്ത് നിന്ന് വിളിച്ചു.

വരൂ വരൂ പ്ലീസ് sitdown.ഡോക്ടർ പറഞ്ഞു

ഡോക്ടർ മോന് ഇപ്പൊ എങ്ങനെ ഉണ്ട്? അമ്മ ചോദിച്ചു

തുറന്ന് പറയുന്നത്കൊണ്ട് ഒന്നും വിചാരിക്കരുത് ഒരു മുഖവുരയോടെ ഡോക്ടർ പറഞ്ഞു തുടങ്ങി.അന്നത്തെ ആക്‌സിഡന്റിനെ തുടർന്ന് അർജുന്റെ ബ്രൈനിൽ രക്തം കട്ടപിടിച്ചു ഒരു ബ്ലോക്ക്‌ ഉണ്ടായിരുന്ന കാര്യം എല്ലാവർക്കും അറിയാമല്ലോ.ഇന്ന് എന്തോ കാര്യമായി സംഭവിച്ചിട്ടുണ്ട് അവന്റെ സ്ഥിതി വളരെ ക്രിട്ടിക്കൽ ആണ്.

മരുന്ന് കൊടുത്ത് ആ ബ്ലോക്ക്‌ പതിയെ മാറ്റി എടുക്കാം എന്നാണ് ഞാൻ കരുതിയത്.പക്ഷെ ഇപ്പൊ എമർജൻസി ആയിട്ട് ഒരു ഓപ്പറേഷൻ ചെയ്തില്ലെങ്കിൽ നമുക്ക് ഇനി അർജുനെ കാണാൻ കഴിയില്ല.പേടിക്കണ്ട നമുക്ക് കഴിവിന്റെ പരമാവധി ചെയ്യാം ബാക്കി എല്ലാം ദൈവത്തിൽ സമർപ്പിക്കാം.
Hope for the best.
ഞാൻ നിങ്ങളെ പേടിപ്പിക്കാൻ പറഞ്ഞതല്ല.സത്യാവസ്ഥ നിങ്ങളെ ബോധ്യപ്പെടുത്തേണ്ടത് എന്റെ ഉത്തരവാദിത്വമാണ്.പിന്നെ നേഴ്സ് ഒരു ഫോം തരും അത് ഒന്ന് പൂരിപ്പിച്ചു കൊടുക്കുക.

ഇത്രയും കേട്ടപ്പോഴേക്കും എന്റെ ബോധം പോയി.പിന്നെ എല്ലാം കുറച്ചു നേരത്തേയ്ക്ക് ബ്ലാങ്ക്.

പിറ്റേന്ന് രാവിലെ…

ഞാൻ കണ്ണുകൾ തുറന്നു
അമ്മയും അഞ്ജുവും അടുത്ത് തന്നെ ഉണ്ട്.
ഞാൻ ഒരു ബെഡിൽ ആണ്.

അമ്മേ അജു? ഞാൻ ചോദിച്ചു

അവന് കുഴപ്പമൊന്നും ഇല്ല ഓപ്പറേഷൻ കഴിഞ്ഞു. അമ്മ പറഞ്ഞു

അത് കേട്ടപ്പോൾ ഒരു സമാധാനം ഞാൻ ചുറ്റും നോക്കി.എനിക്ക് ഗ്ലുക്കോസ് ഒക്കെ തന്ന് കിടത്തിയേക്കുവാ.

പെട്ടന്ന് ഒരു നേഴ്സ് വന്നു ഡോർ തുറന്നു.

ആ ഐസിയുവിൽ കിടക്കുന്ന പേഷ്യന്റിന്റെ റിലേറ്റീവ്സ് അല്ലേ.നിങ്ങൾ ഒന്ന് പെട്ടന്ന് അങ്ങോട്ട്‌ വരണം.ഞാനും എഴുന്നേറ്റ് പോകാൻ തുനിഞ്ഞപ്പോ അമ്മ എന്നെ തടഞ്ഞു. അഞ്ജുവിനെ എന്റെ കൂടെ ആക്കി അമ്മ നേഴ്സിന്റെ കൂടെ പോയി.

***************************

ഇപ്പൊ അജു എന്റെ കൂടെ ഇല്ല അവൻ ദൂരെ ആണ്.എത്തി പിടിക്കാൻ പറ്റാത്ത അത്ര ദൂരെ…….