💞 ദിയ – 6 💞 {Climax} വിച്ചു [ ചെകുത്താനെ സ്നേഹിച്ച മാലാഖ ] 958

 

 

എന്റെ മനസ്സ് ചില ദിവസങ്ങൾ പുറകിലേയ്ക്ക് പോയി ….. ഓരോ ദിവസങ്ങളിലായി ദിയ അറിയാതെ നടന്ന , അവളെ അറിയിക്കാത്ത ആ സംഭവങ്ങളിലേയ്ക്ക് ……

 

……………………………….

 

അന്ന് ശേഖരനങ്കിളിനെ തേടി പോയി അയാളുടെ പക്കൽ നിന്നും പല സത്യങ്ങളും ഞാൻ മനസ്സിലാക്കിയ ദിവസം … അന്ന് വീട്ടിൽ മടങ്ങിയെത്തിയ ശേഷം നദിക്കരയിൽ വച്ച് അനൂപിനെ കണ്ട ആ സമയം ….

 

……………..

 

” നീ എന്താ അയാളെ കൊല്ലാൻ പോകുവാണോ ….? എന്നിട്ട് നീ എന്ത് ചെയ്യും , നീ ജയിലിലും നിന്റെ അമ്മ ഇവിടെയുമായി രണ്ടു പേരും നരകശിക്ഷ അനുഭവിക്കാനോ …. ? ”

 

അനൂപ് അൽപം ദേഷ്യത്തോടെ ചോദിച്ചു ….

 

 

” അയാളെ കൊല്ലുക തന്നെ വേണം അതും ഞാൻ നേരിട്ട് , എന്നാലെ ഞാനും എന്റെ അമ്മയും കരഞ്ഞ് തീർത്ത കണ്ണീരിന് ഒരു ഫലമുണ്ടാകു …… ”

 

ഞാൻ അനൂപിനോട് പറഞ്ഞു ….

 

 

” എന്താ നിന്റെ പ്ലാൻ …..? ”

 

അനൂപ് എന്റെ മുഖത്തേയ്ക്ക് നോക്കി ചോദിച്ചു…

 

 

” അനൂപേ ….. ? ”

 

ഞാൻ അവനെ നോക്കി .

 

 

” എടാ അജൂ പഠിക്കുന്ന കാലത്തേ എന്തിനും ഞാൻ നിന്റെ ഒപ്പമുണ്ടായിരുന്നു …. എന്നെയും ഒരു മകനെ പോലെയല്ലേ ശങ്കറങ്കിൾ കണ്ടിരുന്നത് … നീ പറ , ഞാനെന്താ ചെയ്യേണ്ടത് …. എന്താ നിന്റെ പ്ലാൻ ? ഞാനുണ്ടെടാ കൂടെ …..”

 

അനൂപ് ഉറച്ച ശബ്ദത്തിൽ പറഞ്ഞു .