💞 ദിയ – 6 💞 {Climax} വിച്ചു [ ചെകുത്താനെ സ്നേഹിച്ച മാലാഖ ] 958

ക്ഷേത്രത്തിലെ ചടങ്ങുകളൊക്കെ കഴിഞ്ഞ് ഞങ്ങൾ നേരെ രജിസ്റ്റർ ഓഫീസിൽ പോയി മാരേജ് രജിസ്റ്റർ ചെയ്യുകയും ചെയ്തു . സാക്ഷിയായി അനൂപും അവന്റെ അച്ഛനും ഒപ്പു വച്ചു .

എല്ലാം കഴിഞ്ഞ് വീട്ടിൽ മടങ്ങി എത്തിയപ്പോൾ ഇന്നലെ പറഞ്ഞതനുസരിച്ച് കാറ്ററിങ്ങുകാർ ഭക്ഷണം എത്തിച്ചിരുന്നു . അങ്ങനെ വിവാഹ സദ്യയൊക്കെ കഴിച്ച് തിരക്കുകളൊക്കെ മാറിയപ്പോൾ ഉച്ച കഴിഞ്ഞിരുന്നു ….

ഇന്ന് മുഴുവൻ അവൾ തൊട്ടരികിൽ ഉണ്ടായിരുന്നുവെങ്കിലും ഒരക്ഷരം പോലും സംസാരിക്കാൻ കഴിഞ്ഞിരുന്നില്ല … വീട്ടിലാണെങ്കിൽ ഇപ്പോൾ അനൂപിന്റെ അമ്മയും സഹോദരിയുമുണ്ട് , ദിയ അവരോടൊപ്പമാണ്. വേറെ വഴിയില്ലാതെ ഞാൻ അനൂപുമായി സംസാരിച്ചിരുന്നു . ഇതിനിടയിൽ രാഘവേട്ടനും ഭാര്യയും പിന്നെ ചില പരിചയക്കാരും അയൽക്കാരുമൊക്കെ ഞങ്ങളെ കാണാനെത്തി . അങ്ങനെ അവരോടൊക്കെ സംസാരിച്ച് സമയം വേഗം കടന്നുപോയി .

……… ………. ……….

രാത്രി റൂമിലെ ബഡ്ഡിൽ അവളെയും പ്രതീക്ഷിച്ച് ഇരുക്കുമ്പോൾ എന്റെ നെഞ്ച് പെരുമ്പറ കണക്കെ മിടിക്കുന്നത് ഞാനനുഭവിച്ചറിഞ്ഞു .

അൽപ്പം കഴിഞ്ഞതും ഒരു ഗ്ലാസ്സ് പാലുമായി അവൾ പതിയെ റൂമിലേയ്ക്ക് കയറി വന്നു . എന്നെ ആദ്യമായി കാണുന്ന പ്രതീതിയിൽ നാണം കൊണ്ട് മുഖം താഴ്ത്തിയാണ് നിൽപ്പ് . ഞാൻ ബഡ്ഡിൽ നിന്ന് പതിയെ എണീറ്റ ശേഷം പോയി റൂം ലോക്ക് ചെയ്തു .