💞 ദിയ – 6 💞 {Climax} വിച്ചു [ ചെകുത്താനെ സ്നേഹിച്ച മാലാഖ ] 958

കൃഷ്ണമൂർത്തി സാറ് ആ തെളിവുകൾ നാളെ തന്നെ വീരേന്ദ്രകുമാർ സാറിന്റെ മകളുടെ കൂടെ വന്ന ആ ചെറുപ്പക്കാരന്റെ കയ്യിൽ കൊടുക്കും. അവർ തമ്മിൽ സംസാരിക്കുന്നത് ഞാൻ കേട്ടു …. സാറ് ആ തെളിവുകൾ സൂക്ഷിച്ച് വെച്ചിരുന്നത് ഓഫീസിലായിരുന്നു . അത് ഞാനിങ്ങ് അടിച്ച് മാറ്റി ….

അത് ഇപ്പൊ എന്റെ കയ്യിൽ ഉണ്ട് . സാറിനറിയാല്ലോ അതിന് സാറിന്റെ ജീവിതത്തിന്റെ വിലയുണ്ട് . അതെങ്ങാനും പുറത്ത് വന്നാൽ സാറ് ജീവിതകാലം മുഴുവനും ജയിലിലാ …. ”

ഞാൻ മഹേന്ദ്രനാഥിനോട് പറഞ്ഞു ….

” താൻ പറയുന്നത് സത്യമാണോ …. ? ”

മഹേന്ദ്രനാഥ് ഭയത്തോടെ ചോദിച്ചു .

” ഇത്രയും സത്യങ്ങൾ പറഞ്ഞിട്ടും സാറിന് വിശ്വാസമായില്ലേ ….? ഞാൻ കാശിന് വേണ്ടിയാ ഇതൊക്കെ ചെയ്യുന്നത് അല്ലാതെ സാറിനോടുള്ള സ്നേഹം കൊണ്ടല്ല . സാറിന് ആ തെളിവുകൾ വേണമെങ്കിൽ അഞ്ച് ലക്ഷം രൂപയുമായി GK ഗ്രൂപ്പിന്റെ പൂട്ടി കിടക്കുന്ന ഗോഡൗണില്ലേ അവിടെ അര മണിക്കൂറിനുള്ളിൽ എത്തിയാൽ മതി , ഞാനവിടെ ഉണ്ടാകും …

സാറിന് എന്നെ വിശ്വാസമുണ്ടേൽ വന്നാൽ മതി …. ഇല്ലേൽ നാളെ സാറിനെ അറസ്റ്റ് ചെയ്യാൻ പോലീസ് വരും , അപ്പൊ എല്ലാം സാറിന് മനസ്സിലാവും … ”

ഞാനതും പറഞ്ഞ് കോൾ കട്ട് ചെയ്തു .

” എടാ അയാള് വരുമോ …. ? ”

അനൂപ് ആകാംഷയോടെ ചോദിച്ചു …