💞 ദിയ – 6 💞 {Climax} വിച്ചു [ ചെകുത്താനെ സ്നേഹിച്ച മാലാഖ ] 958

 

 

” എടാ ഫോണ് മോഷ്ടിച്ചെന്നും പറഞ്ഞ് ഇനി വേറെ പൊല്ലാപ്പ് വരുമോ ? ”

 

 

” ഇല്ലെടാ …. അതൊക്കെ പെർഫെക്ട് പ്ലാനിങ്ങോടെ ചെയ്തതാ …. ഫോൺ പോയ വിവരം ഉടമസ്ഥൻ പോലും അറിഞ്ഞിട്ടില്ല … അത് വിട് . അടുത്തെന്താ …. ? നമ്മളാണ് അയാളെ തട്ടിക്കൊണ്ടു പോകുന്നതെന്ന് ഒരീച്ച പോലുമറിയരുത് . ”

 

അനൂപ് പറഞ്ഞു ….

 

 

” അയാളെ വീട്ടിൽ കയറി തട്ടിക്കൊണ്ട് പോയാലല്ലേ പ്രശ്നമാകൂ …. നമ്മൾ വിളിക്കുന്ന ഇടത്ത് അയാൾ വരും …. ഇരയെ ഉപയോഗിച്ച് മീനിനെ ആകർഷിക്കുന്നത് പോലെ ….. ”

 

ഞാനവനോട് പറഞ്ഞു …..

 

 

” അതെങ്ങനെയാടാ …. ?”

 

അനൂപ് ആകാംഷയോടെ ചോദിച്ചു ….

 

 

” പറയാം , ഞാൻ പറഞ്ഞ സംഗതി റെഡിയാക്കിയോ … ? ”

 

അനൂപിനോട് ഞാൻ ചോദിച്ചു .

 

 

” അതൊക്കെ റെഡി …. ദാ ഈ ഫോണിൽ ആ സിം ഇട്ടിട്ടുണ്ട് . നീ ഇനി ഇതിൽ നിന്ന് ആരെ വിളിച്ചാലും കോളിന്റെ മറുവശത്തുള്ള ആള് കേൾക്കുന്നത് നിന്റെ ശബ്ദമായിരിക്കില്ല മറ്റൊരാളുടെ ശബ്ദമായിരിക്കും …. ”

 

അനൂപ് പറഞ്ഞു ….

 

 

” നീ ആളില്ലാത്ത ഇടം നോക്കി വണ്ടി നിർത്ത് ഞാൻ അയാളെ വിളിക്കട്ടെ …. ”

 

ഞാൻ അനൂപിനോട് പറഞ്ഞു . അൽപ്പം കൂടി മുന്നോട്ട് പോയ ശേഷം അവൻ റോഡ് സൈഡിൽ കാറ് നിർത്തി …. ഞാൻ അവൻ തന്ന ഫോണിൽ മഹേന്ദ്രനാഥിന്റെ നമ്പർ ഡൈൽ ചെയ്തു ….