💞 ദിയ – 6 💞 {Climax} വിച്ചു [ ചെകുത്താനെ സ്നേഹിച്ച മാലാഖ ] 958

 

 

” ഹലോ മഹേന്ദ്രനാഥ് സാറല്ലെ ….? ”

 

കോൾ എടുത്തതും ഞാൻ ചോദിച്ചു …

 

 

” അതെ , നിങ്ങളാരാ …. ? ”

 

മഹേന്ദ്രനാഥ് ഫോണിലൂടെ ഗൗരവത്തോടെ തിരിച്ച് ചോദിച്ചു .

 

 

” സാറെ ഞാൻ G K ഗ്രൂപ്പിലെ ജനറൽ മാനേജർ കൃഷ്ണമൂർത്തിയുടെ ഡ്രൈവറാ …. സാറ് എന്നെ കണ്ടിട്ടുണ്ട് , പേര് പറഞ്ഞാൽ സാറിന് അറിയില്ല എന്നാലും പറയാം മോഹൻ . ”

 

ഞാൻ പറഞ്ഞു .

 

 

” എനിക്ക് നിങ്ങളെ അറിയില്ല … എന്തിനാ വിളിച്ചത് .. ? ”

 

മഹേന്ദ്രനാഥ് ഗൗരവത്തോടെ ചോദിച്ചു …

 

 

” സാറെ ഞാൻ വിളിച്ചത് സാറിനെ ബാധിക്കുന്ന ഗൗരവമായ ഒരു കാര്യം പറയാനാ …. ”

 

ഞാൻ പറഞ്ഞു ….

 

 

” എന്നെ ബാധിക്കുന്ന എന്ത് കാര്യം ? ”

 

അൽപ്പം ദേഷ്യത്തോടെയാണ് അയാൾ അത് ചോദിച്ചത് …..

 

 

” സാറെ …. സാറിനെ ആ വീട്ടിൽ നിന്ന് വീരേന്ദ്രകുമാർ സാറിന്റെ മോള് ഇറക്കി വിട്ട കാര്യം ഞാനറിഞ്ഞു …. വീരേന്ദ്രകുമാർ സാറിന്റെ മോള് നാളെ M D യായി ചാർജെടുക്കാൻ പോവുകയാ അതും G K ഗ്രൂപ്പിൽ സാറ് നടത്തിയ തിരിമറികൾക്ക് സാറിന് ശിക്ഷ വാങ്ങി തരാൻ വേണ്ടി ….. സാറ് നടത്തിയ എല്ലാ തിരിമറിയുടെയും തെളിവുകൾ കൃഷ്ണമൂർത്തി സാറ് മുൻപേ ശേഖരിച്ച് വച്ചിട്ടുണ്ടായിരുന്നു .