💞💞 അവൾ രാജകുമാരി-14 💞💞 [ ചെകുത്താനെ സ്നേഹിച്ച മാലാഖ ] 737

” ഞാനോ ….. ? ഞാനെങ്ങനെ ആ വാൾ കണ്ടെത്താനാണ് ….?
എനിക്ക് ഇപ്പോഴും ഒന്നും വ്യക്തതമായി മനസ്സിലാകുന്നില്ല …. ”

രാഹുൽ മറുപടി പറഞ്ഞു .

” ആദിത്യനെ ആ ആയുധം ആകർഷിച്ചതു പോലെ നിങ്ങളും അതിന്റെ മുൻപിൽ എത്തിച്ചേരും . ആദ്യത്തെ ലക്ഷ്യം ആ ആയുധം കണ്ടെത്തുക എന്നതാണ് , പിന്നീട് തൊട്ടടുത്ത അമവാസി ദിനത്തിൽ അത് ഇവിടെ എത്തിക്കുക . ആകുലപ്പെടണ്ട , ആദിത്യനെ ആ ആയുധം കണ്ടെത്താൻ പ്രകൃതി തന്നെ വഴി ഒരിക്കിയതു പോലെ നിങ്ങൾക്കും സഹായം ലഭിക്കും …..

പിന്നെ നിങ്ങളുടെ വരവും ലക്ഷ്യവും ചന്ദ്രവംശത്തിലുളളവർ മുൻപേ തന്നെ അറഞ്ഞിട്ടുണ്ടാകും . അവർ നിങ്ങളെ കാത്തിരിക്കുകയായിരിക്കും അവരുടെ മണ്ണിൽ , സൂക്ഷിക്കുക . നിങ്ങളുടെ ലക്ഷ്യത്തെയും നിങ്ങളെയും പരാജയപ്പെടുത്തുവാനും ആ ആയുധം കൈക്കലാക്കുവാനും അവർ എന്ത് ചെയ്യാനും മടിക്കില്ല …. തൽക്കാലം ലക്ഷ്യം പൂർത്തിയാക്കുന്നതുവരെ നിങ്ങൾ ആരെന്ന് പുറത്ത് പറയാതിരിക്കുക ….

എല്ലാം നന്നായി ഭവിച്ചാൽ കഴിഞ്ഞ ജന്മത്തിൽ നേടിയെടുക്കാൻ സാധിക്കാത്ത ഒരു കാര്യം കൂടി ഇല്ലേ , നിങ്ങളെ ഇവിടേയ്ക്ക് എത്തിച്ച ആ കാര്യം അതും നേടിയെടുക്കുക . കാരണം ആ രാജകുമാരി കഴിഞ്ഞ ജന്മത്തെപ്പോലെ ഈ ജന്മത്തിലും നിങ്ങളെയോർത്ത് ജീവിക്കുന്നവളാണ് , നിങ്ങളെയോർത്ത് ഒരു പാട് കരഞ്ഞവളാണ് . ചന്ദ്രവംശത്തിന്റെ പരമ്പരയിൽ തന്നെ മറ്റെവിടെയോ ജനിച്ച് ഇപ്പോൾ അവൾ അവളുടെ സ്വന്തം മണ്ണിൽ എത്തിയിരിക്കുന്നു , ചന്ദ്രമംഗലം കൊട്ടാരത്തിൽ ….. ”

വിശ്വജിത്തൻ പറഞ്ഞു .