💞💞 അവൾ രാജകുമാരി-14 💞💞 [ ചെകുത്താനെ സ്നേഹിച്ച മാലാഖ ] 737

” ആദിസൂര്യന്റെ പിതാവായ സുര്യസേനന്റെ പക്കൽ നിന്നും പിൽക്കാലത്ത് ഭരണ തുടർച്ച ലഭിച്ചത് സൂര്യസേനന്റെ അനുജനായ സൂര്യദേവിന്റെ പുത്രന്മാർക്കായിരുന്നു …. ഭരണ നൈപുണ്യമോ വ്യക്തമായ കാഴ്ചപ്പാടോ അനുഭവസ സമ്പത്തോ ഇല്ലാതിരുന്ന സൂര്യദേവിന്റെ പുത്രൻമാർ സൂര്യവംശത്തെയും സൂര്യഗിരി എന്ന സാമ്രാജ്യത്തെയും വളരെയധികം ദൈർബല്യപ്പെടുത്തി …… സൂര്യവംശവും സൂര്യഗിരിയും നാശത്തിന്റെ വക്കിൽ എത്തിച്ചു എന്ന് പറയുന്നതായിരിക്കും കൂടുതൽ ശരി .

ആ സമയത്തായിരുന്നു ആ ആയുധം ചന്ദ്രവംശജനായ അഗ്നിമിത്രനും അവന്റെ പിതാവായ ആത്രേയനും ചേർന്ന് ആദിത്യനെ ചതിയിലൂടെ വധിച്ച ശേഷം സ്വന്തമാക്കിയത് ….

ആദിത്യന്റെ ആക്രമണത്തിൽ ഒരു കൈ നഷ്ടപ്പെട്ട ആത്രേയന് പിന്നീട് വീറും വാശിയും വർദ്ധിക്കുകയാണ് ചെയ്തത് . സൂര്യവംശത്തോട്
തന്റെ പൂർവ്വികർക്ക് ഉണ്ടായിരുന്നതു പോലെ പക ഉണ്ടായിരുന്ന ആത്രേയന് ആ പക കൂടുതൽ വർദ്ധിക്കാൻ ഇത് കാരണമായി . തന്റെ പുത്രനായ അഗ്നിമിത്രനെ ചന്ദ്രവംശത്തിന്റെ രാജാവാക്കിയ ശേഷം അവനെ മുൻ നിർത്തി ആത്രേയൻ ആദ്യം തന്നെ സൂര്യഗിരി സാമ്രാജ്യത്തിനെതിരെ യുദ്ധം ചെയ്തു …..

ആ വാൾ അവരുടെ പക്കലുണ്ടായിരുന്നത് കാരണം അനായാസം ചന്ദ്രവംശവും അവരുടെ സൈന്യവും ആ വനം താണ്ടി സൂര്യഗിരിയിലെത്തി . തകർച്ചയുടെ വക്കിലായിരുന്ന സൂര്യവംശത്തെ അനായാസം യുദ്ധം ചെയ്ത് തോൽപ്പിച്ച് രാജവംശത്തിലുള്ളവരെ വധിക്കുകയും സാധാരണക്കാരെ അവരുടെ അടിമകളാക്കുകയും ചെയ്തു ….