💞💞 അവൾ രാജകുമാരി-14 💞💞 [ ചെകുത്താനെ സ്നേഹിച്ച മാലാഖ ] 737

ബോധം മറഞ്ഞ് തുടങ്ങിയ ആദിത്യൻ നിലത്ത് കിടന്നുകൊണ്ട് പതിയെ തല പൊക്കി തൊട്ടരികിൽ കിടക്കുന്ന അവന്തികയെ നോക്കി …. രക്തം വാർന്നൊഴുകുന്ന വലത് കൈ ഉയർത്തി ആദിത്യൻ പതിയെ അവന്തികയുടെ കയ്യിൽ പിടിച്ചു …. ഒരു ഞെട്ടലോടെ ആദിത്യൻ അവളുടെ കൈയ്യിൽ മുറുകെ പിടിച്ചു ….

” അവൾ പോയി ….. നിനക്കും സമയമായിരിക്കുന്നു ….. ”

ആ സന്യാസി ആദിത്യനോട് പറഞ്ഞു …..

“യഥാർത്ഥത്തിൽ ….. നിങ്ങൾ …..നിങ്ങൾ ആരാണ് …. ? ”

മുറിഞ്ഞ വാക്കുകളാൽ ആദിത്യൻ ചോദിച്ചു .

” ഏകപാദൻ . നിന്റെ പിതാമഹനും ഗുരുവുമായ
സൂര്യവർദ്ധനന്റെ ഗുരുനാഥൻ . നീ നിന്റെ ദാസനെ ഏൽപ്പിച്ച രുദ്രാക്ഷ മാല എന്റെ കയ്യിലുണ്ട് …. നിന്റെ അടുത്ത വരവിൽ അത് നിന്റെ കൈവശം വന്ന് ചേരും . ”

അയാൾ ആ വാക്കുകൾ പറഞ്ഞ് തീർന്നതും ആദിത്യൻ അയാളുടെ മുഖത്തേയ്ക്ക് സൂക്ഷ്മതയോടെ നോക്കി . ഉടനെ അവന്റെ ശ്വാസ്വാേഛ്വോസം വർദ്ധിച്ചു … അവന്റെ കണ്ണിൽ നിന്ന് അവസാനത്തെ തുള്ളി കണ്ണുനീരും പതിയെ ഭൂമിയിലേയ്ക്ക് പതിച്ചു …… പതിയെ അവളുടെ കയ്യിൽ മുറുക്കെ പിടിച്ചിരുന്ന അവന്റെ ആ കൈ പിടിവിട്ട് നിലത്തേയ്ക്ക് വീണു ..

……………………………

രാഹുൽ ആ സ്വപ്നം കണ്ട് മയക്കത്തിൽ നിന്ന് ഞെട്ടി ഉണർന്നു …. അവൻ പതിയെ എണീറ്റ് ആ മരച്ചുവട്ടിൽ ഇരുന്നു ….. അവനെ നിയന്ത്രിച്ചിരുന്ന മദ്യത്തിന്റെ സ്വാധീനം പൂർണ്ണമായും അവന്റെ ശരീരത്തിൽ നിന്ന് അപ്രത്യക്ഷമായിക്കഴിഞ്ഞിരുന്നു … അത് അവനിൽ അതിശയമാണ് ഉണ്ടാക്കിയത് കാരണം താൻ ഇവിടെ ബോധമറ്റ് വീണിട്ട് അധിക സമയമായിട്ടില്ല .