💘അരികത്തായാരോ – 3💘
Arikathayaro…  Part – 3 

Author : വിച്ചു [ചെകുത്താനെ സ്നേഹിച്ച മാലാഖ] 

Previous Part

View post on imgur.com

…………………………

ക്ലാസ്സിൽ എത്തിയതും ഞാനവളെയും പ്രതീക്ഷിച്ച് അങ്ങനെ ഇരുന്നു . ക്ലാസ്സിൽ കുറച്ചുപേരൊക്കെ വന്നിട്ടുണ്ട് , ഞാൻ ക്ലാസ്സിലെ ഡോറിലേയ്ക്ക് തന്നെ നോക്കി അങ്ങനെ ഇരുന്നു . കുറച്ച് കഴിഞ്ഞതും അഹാന ക്ലാസ്സിലേയ്ക്ക് കയറി വരുന്നത് ഞാൻ കണ്ടു .

കയ്യിലിരുന്ന പനിനീർ റോസാപ്പൂവ് പിന്നിൽ ഒളിപ്പിച്ച ശേഷം ഞാൻ സീറ്റിൽ നിന്ന് പതിയെ എണീറ്റ് മുന്നോട്ട് നടന്നു . അവൾ എന്റെ മുന്നിലെത്തിയതും ഞാൻ കൈ നീട്ടി അവൾ മുന്നോട്ട് പോകുന്നത് തടഞ്ഞു .
അവളൽപ്പം ദേഷ്യത്തോടെ തിരിഞ്ഞ് എന്നെ നോക്കി . മുന്നിൽ നിൽക്കുന്നത് ഞാനാണെന്ന് കണ്ടതും അവളുടെ മുഖത്തെ ദേഷ്യം കൂടുന്നത് ഞാൻ കണ്ടു . ഞാൻ എന്ത് ചെയ്യാൻ പോകുകയാണെന്ന ആകാംഷയോടെ ക്ലാസ്സ് ഒന്നടക്കം ഞങ്ങളെ തന്നെ നോക്കി ഇരുന്നു .

പെട്ടെന്ന് ,

” ഐ ലവ് യു …… ”

കയ്യിലിരുന്ന റോസാപ്പൂ അവൾക്ക് നേരെ നീട്ടിയ ശേഷം ഞാൻ പറഞ്ഞു ……

എന്റെ ആ വാക്കുകൾ കേട്ടതും ക്ലാസ്സ് റൂം ഒരു നിമിഷം നിശബ്ദമായി . അടുത്ത് എന്താണ് സംഭവിക്കുന്നതെന്നറിയാൻ ക്ലാസ്സിലെ സ്റ്റുഡന്റ്സ് മുഴുവൻ ഞങ്ങളെ തന്നെ ഉറ്റ് നോക്കി അങ്ങനെ ഇരിക്കുകയാണ് .