💘 അരികത്തായാരോ – 12 💘 { Climax Part } വിച്ചു [ ചെകുത്താനെ സ്നേഹിച്ച മാലാഖ ] 1052

” എന്താടാ …… ? ”

റോഡിന്റെ ഓരത്തായി താഴെയുള്ള കാഴ്ചകളിലേക്ക് തന്നെ നോക്കി കൈ കെട്ടി നിൽക്കുന്ന യദുവിനോട് അവൻ ചോദിച്ചു …..

” നീ അറിയാത്ത കുറച്ച് കാര്യങ്ങൾ കൂടിയുണ്ട് … വാ കയറ് പറയാം …… ”

യദു അതും പറഞ്ഞ് തിരികെ കയറി കാറ് സ്റ്റാർട്ട് ചെയ്തു , പുറകെ അജുവും കയറി …..

” അന്ന് രാത്രി ഒരു വാക്ക് ആരോടും പറയാതെ നീ എങ്ങോട്ടോ പോയി ….. പിറ്റേന്ന് രാവിലെ നിന്നെ ഞാനവിടെ മുഴുവൻ തിരഞ്ഞു പക്ഷെ …….. ഒരുപാട് അന്വേഷിച്ചു കണ്ടില്ല , അവസാനം വേറെ വഴിയില്ലാതെ ഞാൻ അഹാനയോട് ചെന്ന് വിവരം പറഞ്ഞു പക്ഷെ അവള് മറുപടിയൊന്നും പറഞ്ഞില്ല , നിന്റെ ഒരു കാര്യവും സംസാരിക്കാൻ താൽപ്പര്യമില്ല എന്ന് പറഞ്ഞ് അന്ന് എന്റെ മുന്നിൽ വാതിൽ കൊട്ടിയടച്ചു .

അവളെ കുറ്റം പറയാൻ പറ്റില്ല കാരണം അവളത്രയ്ക്ക് നിന്നെ ഇഷ്ടപ്പെട്ടിരുന്നു , നീ ചതിച്ചു എന്ന് തോന്നിയതും ആ സ്നേഹം മുഴുവൻ വെറുപ്പായി മാറി …
ഒടുവിൽ നിന്നെ കുറിച്ച് വിവരം ഒന്നും ലഭിക്കാതെ ആയപ്പോൾ ഞാൻ ഫാദറനെ വിളിച്ച് വിവരം പറഞ്ഞു , അന്ന് ഫാദർ ഉറപ്പിച്ച് പറഞ്ഞു നീ ഒരു തെറ്റും ചെയ്ത് കാണില്ല എന്ന് …..

നീ പോയതിന് മുന്നാം ദിവസം അഹാന അവളുടെ അങ്കിളിന്റെയും ആന്റിയുടെയും അടുത്തേയ്ക്ക് പോകാൻ എയർപ്പോട്ടിലേയ്ക്ക് തിരിച്ചു …. ”

                      ********************

വർഷങ്ങൾക്ക് മുൻപുള്ള ആ ദിവസം ……..

” അച്ഛാ എന്നാ ഞാനിറങ്ങട്ടെ …..? ”

അഹാന മഹേന്ദ്രനാഥിനോട് ചോദിച്ചു ….