✝️The NUN 4✝️ (അപ്പു) 215

അന്റോണിയോ മുന്നോട്ട് നടന്നപ്പോൾ ബാക്കിയുള്ളവർക്ക് മുന്നിലുണ്ടായിരുന്ന ഒരു വലിയ തിരശീല രണ്ടുവശത്തെക്കും മാറ്റപ്പെട്ടു… അവിടെ അൽത്താര എന്ന് തോന്നിപ്പിക്കുന്ന ഒരു സ്ഥലത്ത് നഗ്നയായി ഒരു സ്ത്രീയെ കിടത്തിയിട്ടുണ്ടായിരുന്നു… അന്റോണിയോ അവിടേക്ക് നടന്ന് കയറി…

പിന്നീട് അവിടെ നടന്നത് സാമാന്യമനുഷ്യർക്ക് ഉൾക്കൊള്ളാവുന്നതിലും അപ്പുറമുള്ള ക്രൂരവും പൈശാചികവുമായ ആരാധനയാണ്… ഓരോന്നിന്റെയും അർത്ഥവും ആവശ്യകതയും ഹെർബർട്ട് പോളിന് പറഞ്ഞുകൊടുത്തുകൊണ്ടിരുന്നു…

പതിയെ പതിയെ അവരുടെ ശക്തമായ പ്രാർത്ഥനകളിലും പൈശാചികമായ സംഗീതത്തിലും അവൻ സ്വയം മറന്നുപോയി… അവനിൽ ചെകുത്താന്റെ സാന്നിധ്യം കടന്നുവന്നു…

ആരാധനയുടെ അവസാനത്തെ ചടങ്ങെന്നോണം പോളിനെ തന്റെ തൊട്ടടുത്ത് നിർത്തി അന്റോണിയോ ആൾത്താരയായി കിടത്തിയിരുന്ന സ്ത്രീയുടെ കഴുത്ത് മുറിച്ചുകളഞ്ഞു… അബോധാവസ്ഥയിലായിരുന്ന ആ സ്ത്രീ തന്റെ ജീവൻ പോയതുപോലും അറിഞ്ഞിട്ടുണ്ടാവില്ല…

ആ അന്തരീക്ഷവും അവരുടെ ക്രൂരതകളും ആരാധനകളും പോളിന്റെ കുഞ്ഞുമനസ്സിനെ വല്ലാതെ സ്വാധീനിച്ചു… അവന്റെ മനസ്സിൽ നിന്ന് ഭയം വിട്ടുപോയി… പകരം എന്തിനോവേണ്ടിയുള്ള ആർത്തി വന്നു നിറഞ്ഞു…

“നിന്റെ അച്ഛനാണ് ഞങ്ങളുടെ പുരോഹിതൻ… സാത്താന്റെ പ്രതിരൂപം… ആ സ്ഥാനത്തേക്കാണ് നീയും വരേണ്ടത്…!!” തൊട്ടടുത്ത് നിന്ന പോളിന്റെ തോളിൽ കൈവെച്ച് ഹെർബർട്ട് പറഞ്ഞു…

“എങ്ങനെ….??” നിറഞ്ഞ, ചുവന്ന കണ്ണുകളും വിയർത്ത ശരീരവുമായി നിന്നുകൊണ്ട് പോൾ ചോദിച്ചു…

“അദ്ദേഹത്തിന് മാത്രമറിയാവുന്ന പ്രാർത്ഥനകളും കർമ്മങ്ങളും പഠിച്ചാൽ നിനക്ക് സാത്താനെ പ്രീതിപ്പെടുത്താം… നീ പഠിക്കും കാരണം നീ അദ്ദേഹത്തിന്റെ രക്തമാണ്…!!” ഹെർബർട്ട് അത് പറഞ്ഞപ്പോൾ പോൾ അയാളെ നോക്കി…